Еркин Қарақалпақстан Вести Каракалпакстана 02:05:34, 01.10.2022
Хош келипсиз! | RSS
Сайт мазмуны

Кириў усылы

ШЫМБАЙЛЫ ЖАС БОКСШИЛЕР ҚАЗАҚСТАНДА ЖЕҢИМПАЗ

Шымбай районында жас әўладты спортқа қызықтырыӯ ҳәм олардыӊ спорт пенен турақлы шуғылланыўына қолайлы шараятлар жаратып бериў бойынша көлемли жумыслар алып барылмақта.

Бунда районда жайласқан Балалар ҳәм жас өспиримлер спорт мектебиниӊ басшылары ҳәм устаз-тренерлери тәрепинен үлкен жумыслар алып барылмақта. Атап айтқанда, бүгинги күни спорттыӊ 20 түри бойынша  1436  бала турақлы түрде шуғылланыўға қатнаспақта.

Әсиресе, спорт мектеби тәрбияланыўшылары миллий гүрес, самбо, бокс, гандбол, баскетбол, таэкван-до-ВТФ, стол тенниси, қол урысы, бел алыў үш гүрес бойынша өткерилетуғын жарысларда үлкен жетискенликлерди қолға киргизип келмекте.

Буныӊ айқын мысалы ретинде, 25-28-июль күнлери аралығында Қазақстан Республикасы Алма-ата қаласында спорттың бокс түри бойынша 2005-2006, 2007-2008, 2009-2010 жыллары туўылған жас өспиримлер арасында өткерилген халықаралық жарыста бир қатар табысларға ерискенлигин айтып өтиўимизге болады.

Атап айтқанда, спорт мектеби оқыўшыларынан Ақылбек Жаңабаев , Асадбек Генжебаев ҳәм Айдос Асановлар 1-орынды, Асқар Бақбергенов , Бахрам Қосжетеров , Нурлан Қайыржанов 2-орынды, Әдилбек  Қалмуратов, Ҳасылбек Жаңабев 3-орынды ийелеўге ерисип, мектеп жәмәәтин үлкен қуўанышқа бөледи.

Шымбайлы жас боксшилерди бул жарысқа тәжирийбели тренерлерден Абай Нурыллаев, Саламат Аллаханов ҳәм Избасар Байназаровлар таярлады.

Қарақалпақстан хабар агентлиги

 

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF