ӨРТ ӨШИРИЎ ӘМЕЛИЙ СПОРТЫ БОЙЫНША ЖАРЫСЛАР БАСЛАНДЫ
Усы жылдың 22 ҳәм 25-август күнлери аралығында Нөкис қаласында Өрт өшириў әмелий спорты бойынша Өзбекстан ашық бириншилиги өткерилмекте.
Онда Өзбекстан Республикасы Айрықша жағдайлар министрлиги системасынан 19 команда 5 шәрт бойынша өз-ара беллеспекте.
Жарыстың биринши күни «Зәңги менен 4-қабатқа шығыў» шәртинде улыўма командалық есапта биринши орынды Қарақалпақстан Республикасы Айрықша жағдайлар басқармасы, екинши орынды Әндижан ўәлаяты Айрықша жағдайлар басқармасы, үшинши орынды Ташкент ўәлаяты Айрықша жағдайлар басқармасы командалары ийеледи. Жеке бириншиликте Ташкент ўәлаяты Айрықша жағдайлар басқармасы командасынан Б.Дудников 14,54 секунд нәтийже менен биринши, Қашқадәрья ўәлаяты Айрықша жағдайлар басқармасы командасынан Р.Рузиев 14,58 секунд нәтийже менен екинши, Қарақалпақстан Республикасы Айрықша жағдайлар басқармасынан Н.Утесов 14,61 секунд нәтийже менен үшинши орынларды қолға киргизди.
Қарақалпақстан хабар агентлиги.
