АЙҚЫН ТАПСЫРМАЛАР БЕРИЛДИ
29-январь күни Қарақалпақстан Республикасы Жоқарғы Кеңесиниң Баслығы М.Ерниязов Өзбекстан Республикасы Президенти Администрациясының жуўапкер ўәкили Б.Юсупов пенен биргеликте Бозатаў районында болды.
Жоқарғы Кеңес Баслығы соңғы ўақытлары қайта ашылған районды социал-экономикалық жақтан ҳәр тәреплеме раўажландырыў бойынша әмелге асырылып атырған жумыслар менен жақыннан танысты.
Ол жерде М.Ерниязов бир қатар министрлик, басқарма ҳәм шөлкем басшылары, исбилерменлер, фермерлер ҳәм қурылысшылар менен ушырасып, аймақта жумысларды еле де жеделлестириў бойынша ислениўи тийис ўазыйпалар ҳаққында өз-ара пикирлести ҳәм бүгинги күни орын алып атырған айырым кемшиликлерди сапластырыў бойынша район ҳәкими М. Қайпанов, тийисли министрлик ҳәм шөлкем басшыларына қатаң тапсырмалар берди.
Ә.Оразов,
Бозатаў районы ҳәкимлигиниң
Мәлимлеме хызмети баслығы,
Баспасөз хаткери.
