Еркин Қарақалпақстан Вести Каракалпакстана 06:16:48, 21.02.2024
Хош келипсиз! | RSS
Сайт мазмуны

Кириў усылы

СӘНЕ МҮНӘСИБЕТИ МЕНЕН  ӨТКЕРИЛГЕН ИЛАЖ

Бердақ атындағы Қарақалпақ мәмлекетлик университетинде Өзбекстан Республикасы Конституциясы қабыл етилгенлигиниң 30 жыллығы мүнәсибети менен университеттиң профессор-оқытыўшылары, студент-жасларының қатнасыўында илаж болып өтти.

Онда Қарақалпақстан Республикасы Жоқарғы Кеңеси Баслығының орынбасары Р.Сапарбаев, Қарақалпақстан Республикасы судының баслығы К.Тарихов, Қарақалпақстан Республикасы прокурорының орынбасары Е.Қайыпбергенов ҳәм басқалар шығып сөйлеп, илаж қатнасыўшыларын Өзбекстан Республикасы Конституциясы қабыл етилгенлигиниң 30 жыллығы менен қызғын қутлықлап, Конс­титуцияның орны ҳәм әҳмийетине кеңнен тоқтап өтти.

Атап өтилгениндей, Конституция мәмлекеттиң тийкарғы нызамы болып, мәмлекеттиң бүгини ҳәм келешеги усы ҳүжжетте өз сәўлелениўин тап­қан. Бүгинги күнде елимизде жүз берип атырған жаңаланыўлар, демократиялық ҳуқықый мәмлекет қурыў, әдил пуқаралық жәмийетти қәлиплестириў жолында ерисип атырған жетискенликлеримиздиң барлығы Конс­титуцияда көрсетилген тийкарғы принциплердиң турмысқа толық енгизилиўи менен байланыслы.

Илаж даўамында оның қатнасыўшылары тәрепинен «Жасыл мәкан» улыўма миллий жойбары шеңберинде университет аймағына саяманлы терек нәллери отырғызылды.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF