Еркин Қарақалпақстан Вести Каракалпакстана 21:21:48, 21.02.2024
Хош келипсиз! | RSS
Сайт мазмуны

Кириў усылы

ҚАРАРДЫҢ ӘҲМИЙЕТИ ТҮСИНДИРИЛДИ

Өзбекстан Республикасы Президентиниң 2022-жыл 25-октябрьдеги «2022-2023-жылларда мәҳәллелердиң инфраструктурасын және де жақсылаў бойынша қосымша илажлар ҳақ­қында»ғы қарарының мазмун-әҳмийетин кең жәмийетшиликке түсиндириў мақсетинде депутатлар тәрепинен орынларда үгит-нәсият жумыслары даўам етпекте.

Усы қарарға муўапық, Қоңырат районы аймағында да бир қатар жумыслардың әмелге асырылыўы белгиленген. Ҳәзирги ўақытта районда сенаторлар ҳәм депутатлар тәрепинен ушырасыўлар өткерилип, үгит-нәсият жумыслары алып барылмақта.

Өзбекстан Республикасы Олий Мажлиси Сенаты ағзасы О.Атаниязова ҳәм Қарақалпақстан Республикасы Жоқарғы Кеңесиниң комитет баслығы Ш.Өтемисов усы қарардың мазмун ҳәм әҳмийетин түсиндириў, Парламентлик қадағалаўды әмелге асырыў ҳәм усы мәселелерде Халық депутатлары жергиликли Кеңес депутатларына әмелий жәрдем көрсетиў мақсетинде район белсендилери  менен ушырасты.

Ушырасыўда қарарда белгиленген жойбарлардың өз мүддетлеринде ҳәм сапалы әмелге асырылыўын тәмийинлеўде депутатларға ўазыйпалар белгилеп берилди.

 Сондай-ақ, қарар тийкарында  Қоңырат районы аймағында әмелге асырылатуғын  жойбарлар менен танысып, «Бостан» ҳәм «Туран» МПЖларда жойбарлар тийкарында исленип атыр­ған жумыслар туўралы аймақ турғынларына түсиниклер берилди.

Илаж даўамында «Жасыл мәкан» жойбары шеңберинде саяманлы терек нәллерин отырғызыў илажлары да өткерилди.

Қарақалпақстан хабар агентлиги.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF