Еркин Қарақалпақстан Вести Каракалпакстана 17:11:18, 28.03.2024
Хош келипсиз! | RSS
Сайт мазмуны

Кириў усылы

МӘҲӘЛЛЕ ҲАЯЛ-ҚЫЗЛАРЫНА ШЕБЕРЛИК САБАҒЫ ӨТКЕРИЛДИ

Бүгинги күнде гендер теңлиги себепли жәмийетлик турмыста ҳаял-қызлардың кирип бармаған тараўы қалмады. Исбилерменлик тараўында да олардың үлеси күннен-күнге артып бармақта.

ӨзЛиДеП Тақыятас районлық Кеңеси тәрепинен «Дөретиўши ҳаял-қызлар» жойбары шеңберинде райондағы «Textile Shop Gulsara» ЖШЖға исбилерменлик жумысларына қызығатуғын ҳаял-қызлардың саяхаты шөлкемлестирилди.

Жойбардың мақсети — ҳаял-қызлар арасында бизнес көнликпелерин қәлиплестириў бойынша бийпул оқыў-әмелий курсларын шөлкемлестириў болып есапланады. Солай етип, жумыс пенен бәнт болмаған ҳаял-қызларды исбилерменликке, атап айтқанда, шаңарақлық исбилерменликке, өнерментшиликке, жумысты бөлип алып ислеў сыяқлы жумысларға тартыў арқалы олардың шаңарақлық исбилерменлигин жолға қойып, өзин-өзи бәнт етиў бойынша комплекс­ли жумысларды әмелге асырыў болып есапланады.

Сондай-ақ, Өзбекстан Республикасы Президентиниң «Шаңарақлық исбилерменликти раўажландырыў ҳәм халықтың дәрамат дәрегин кеңейтиўге байланыслы қосымша илажлар ҳаққында»ғы ПҚ-55-санлы қарары ҳәм усы мәселелерге байланыслы басқа да  нызам ҳүжжетлериниң мазмун-мәнисин кең жәми­йетшилик арасында үгит-нәсиятлаў тийкарғы мақсет етип алынған.

Кәрхана баслығы Гүлсара Атажанова тигиўшилик бағдарына қызығатуғын қызларды тигиўшилик цехында алып барылып атырған жумыслар менен таныс­тырып, тигилип атырған кийим-кеншеклер, буйыртпалар, өз жумысларын қалай баслағаны, алдағы режелери туўралы мағлыўматлар берди. Өз кәсиби бойынша шеберлик сабағын өткерди.

Ушырасыўда қатнасқан ҳаял-қызлар қәнигеден өзлерин қызықтырған сораўларға жуўап алды.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF