ДӘСЛЕПКИ ҚОҢЫРАЎ ҚАҒЫЛДЫ
Нөкис қаласындағы 24-санлы улыўма билим бериў мектебинде де биринши қоңыраў қағылып, жаңа оқыў жылы «Жаңа Өзбекстанда ел әзиз, инсан әзиз» сүрени астында «Ғәрезсизлик сабақлары» менен басланды.
Усы мүнәсибет пенен өткерилген илажда Қарақалпақстан Республикасы Министрлер Кеңесиниң Баслығы Қ.Сариев шығып сөйлеп, жыйналғанларды жаңа оқыў жылының басланыўы менен қутлықлады.
Биринши классқа қәдем қойған оқыўшыларға Президент саўғасы салтанатлы жағдайда тапсырылды. Сондай-ақ, бир қатар муғаллимлерге «Қарақалпақстан Республикасы Халық билимлендириўи ағласы» көкирек белгиси ҳәм мектеп жәмәәтине естелик саўғасы тапсырылды.
Илаж мектеп оқыўшыларының атқарыўындағы концерт бағдарламасы менен даўам етти.
Қарақалпақстан хабар агентлиги
