Еркин Қарақалпақстан Вести Каракалпакстана 02:43:29, 02.07.2022
Хош келипсиз! | RSS
Сайт мазмуны

Кириў усылы

ЖЕҢИМПАЗЛАР АНЫҚЛАНДЫ

Өткен екшемби күни Мойнақ районында «Ралли Мойнақ-2022» жарысларының же­ңимпазларын сыйлықлаў мәресими болды.

Қарақалпақстан Республикасы Жоқарғы Кеңеси ҳәм Министрлер Кеңеси, Өзбекстан Республикасы Бас прокуратурасы ҳәм Өзбекстан Республикасы қорғаныўға көмеклесиўши «Ватанпарвар» шөлкеми менен биргеликте шөлкемлестирилген жарысларда барлық жөнелислер бойынша жеңимпазлар анықланды.

Атап айтқанда, двигатель көлеми 1600 см3ге шекемги «А-8» автомобиль класы бойынша биринши орынды «Бест плюс авто» командасының ағзалары Фурхат Ахрорқулов, Ас­қар Хасанов, екинши орынды Самарқанд ўәлаятынан Илҳам ҳәм Шуҳрат Обиджановлар, үшинши орынды Әндижан ўәлаятынан Тимур ҳәм Қылышбек Нарзиқуловлар ийелеген болса, двигатель көлеми 2000 см3ге шекемги «А-9» автомобиль класында биринши орынды Жиззақ ўәлаятынан Умид Саатов, Өткир Худайбердиев, екинши орынды Бухара ўәлая­тынан Рашид Мурадов, Атамуратжан Сабировлар, үшинши орынды Наманган ўәлаятынан Аликай Хайруллаев, Шерали Абдуллаевлар қолға киргизди.

Сондай-ақ, двигатель көлеми 2000 см3ге шекемги «Багги», двигатель көлеми 125 см3ге ҳәм 500 см3ге шекемги мотоцикллер жөнелислеринде де жеңимпазлар анықланды. «Багги» бойынша Әндижан ўәлаятынан Равшан Қабилов биринши, Қашқадәрья ўәлаятынан Ғайбулла Мусаев екинши, усы ўәлаяттың және бир ўәкили Суҳроб Восиев үшинши, двигатель көлеми 125 см3ге шекемги мотоцикллерде Бухара ўәлаятынан Дониёр Тураев биринши, усы ўәлаяттан Асадбек Ражапов екинши, Қашқадәрья ўәлаятынан Бунёд Маматвалиев үшинши, двигатель көлеми 500 см3ге шекемги мотоцикллер жарысында Бухара ўәлаятынан Бекзад Халимбаев биринши, усы ўәлаяттан Бахтияр Ахмедов екинши, Наўайы ўәлаятынан Адхам Темиров үшинши орынларды ийеледи.

Двигатель көлеми 1600 см3 ге шекемги «А-8» ҳәм 2000 см3 ге шекемги «А-9» автомобиль классларында биринши орын ийелерине 100 миллион сум, екинши орынларға 30 миллион сум, үшинши орынларға 10 миллион сумнан, «Багги», двигатель көлеми 125 см3ге ҳәм 500 см3ге шекемги мотоцикллер жарысында биринши орын ийелерине 10 миллион сум, екинши орынларға 7 миллион сум, үшинши орынларға 3 миллион сумнан ақшалай сыйлық тапсырылды.

Сыйлықлаў мәресими қатнасыўшыларына көркем өнер шеберлериниң концерт бағдарламасы қойып берилди.

 

Д.АБИБУЛЛАЕВ,

Қарақалпақстан хабар агентлигиниң

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF