ЭКСПОРТҚА ҚОЛАЙЛЫ ӨНИМЛЕР КӨЛЕМИ АРТПАҚТА
«Қоңырат сода заводы» жуўапкершилиги шекленген жәмийети қоспа кәрханасында экспортқа талап күшли болған локализацияланған өним аўыр А маркадағы сода ислеп шығарыў жолға қойылды.
Өткен жылдың декабрь айында буның ушын зәрүр болған үскенелер алып келип орнатылып, дәслепки өнимлер ислеп шығарыла баслады.
Бүгинги күни аўыр А маркадағы содаға дүнья базарында талап артып бармақта. Атап айтқанда, Қытай, Тәжикстан, Аўғанстан, Қырғызстан, Қазақстан ҳәм басқа мәмлекетлерден буйыртпалар келип түспекте.
Қәнигелердиң атап өткениндей, кәрханада быйылғы жылы 80 мың тонна А маркадағы сода ислеп шығарыў режелестирилген.
Қарақалпақстан хабар агентлиги
