НЫЗАМҒА ҚАЙШЫ ҲӘРЕКЕТ ЖАЗАСЫЗ ҚАЛМАЙДЫ
Ҳәр қандай жағдайда да туўылып өсип, сол елде жасап атырған инсан өз елиниң Конституциялық ҳуқықларына, белгиленген мәжбүриятларына бойсыныўы шәрт. Егер, оннан шетлеп өтип нызамға қайшы ҳәрекет ислесе, әлбетте, жазаға тартылары анық. Сол ушын, өз ҳуқықыңды, өз жуўапкершилигиңди билгениң ҳәм оған әмел еткениң дурыс болады.
Усы жылы жаз айларында Тақыятас районы Ишки ислер бөлими хызметкерлери тәрепинен өткерилген илаж даўамында пуқара О.А.ның уялы телефоны тексерилгенде онда диний мазмундағы мағлыўматлар «You Tube» бағдарламасы жәрдеминде жайластырылып, басқа шахсқа жиберилгенлиги анықланған. Оның бул жынаятлы иси Жынаят ислери бойынша Тақыятас районы судының мәжилислер залында қаралды ҳәм қылмысына ылайық жаза тайынланды.
Жаза шаралары — бул инсанды дурыс жолға салыў ушын бағдарлаў болады. О.А.ның бул қылмысынан жуўмақ шығарыўы өзине пайлы екенлиги бәршеге түсиникли.
Б.ТӨРЕЕВА.
