Еркин Қарақалпақстан Вести Каракалпакстана 05:17:06, 21.02.2024
Хош келипсиз! | RSS
Сайт мазмуны

Кириў усылы

ОКРУГ БАСШЫЛАРЫНЫҢ КӨШПЕЛИ ҚАБЫЛЛАЎЫ

Президентимиздиң 2016-жыл 28-декабрьдеги «Физикалық ҳәм юридикалық шахслардың мүрәжатлары менен ислесиў системасын түп-тийкарынан жетилистириўге байланыслы илажлар ҳаққында»ғы Пәрманы халық пенен жақыннан пикирлесиў, пуқаралардың ҳуқықлары ҳәм нызамлы мәплерин қорғаў, «Халық мәмлекетлик уйымларға емес, ал, мәмлекетлик уйымлар халыққа хызмет етиўи керек» деген принципти әмелге асырыўда айрықша әҳмийетке ийе болмақта.

Усы Пәрманның орынланыўын тәмийинлеў мақсетинде Арқа-Батыс әскерий округи тәрепинен әскерий тараўда биринши мәрте көшпели қабыллаў өткериў бойынша айрықша ис-реже ислеп шығылып, усы ис-реже тийкарында Нөкис қаласында округ басшыларының көшпели қабыллаўы болып өтти. Онда Арқа-Батыс әскерий округи сәркардасы, полковник Д.Чориев, Нөкис әскерий прокуроры, әдиллик полковниги Б.Худайбердиев, Нөкис әскерий суды баслығы С.Кушатов, Қарақалпақстан Республикасы Қорғаныў ислери басқармасы баслығы Б.Бегабаев ҳәм тағы басқа да жуўапкер хызметкерлер республикамыз пуқаралары менен ушырасып, әскерий тараўда ушырасып атыр­ған айырым машқалалы мәселелер бойынша өз-ара сәўбетлести.

Өткерилген қабыллаў даўамында 44 пуқараның мүрәжатлары тыңланып, 8 мәселе сол жердиң өзинде өз шешимин тапты, ал, 36 мүрәжат бойынша пуқараларға ҳуқықый түсиниклер берилди.

Көшпели қабыллаўға Өзбекстан Республикасы Президентиниң Қарақалпақстандағы Халық қабыллаўханасы баслығы Ҳ.Халимов қатнасты ҳәм шығып сөйледи. 

Ш.ХУДАЙБЕРДИЕВ,

Нөкис әскерий прокурорының

аға жәрдемшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF