ПАРТИЯ БЕЛСЕНДИЛЕРИ ТЕРИМШИЛЕР АРАСЫНДА
Өзбекстан «Адолат» социал-демократиялық партиясы Қарақалпақстан Республикасы Кеңеси ўәкиллери Елликқала районы «Бобур гўзал» фермер хожалығының пахта атызларында болып, теримшилерге ҳармасын айтты.
Елликқала аўыл пуқаралар жыйыны аймағындағы Алишер Розумов басшылық еткен бул фермер хожалығының ағзалары быйылғы жылы 53 гектар майданға шигит сеўип, 180 тонна пахта жетистириўди режелестирмекте. Бүгинги күнде фермер хожалығы ағзалары ҳәм ықтыярлы түрде келген көмекшилер тәрепинен жыйын-терим жумыслары қызғын алып барылмақта.
Ушырасыўда Өзбекстан «Адолат» социал-демократиялық партиясы Қарақалпақстан Республикасы Кеңесиниң баслығы Н.Қайыпбергенов фермер хожалығы ағзалары менен көмекшилерге ҳармасын айтып, алдынғы теримшилерге партия тәрепинен таярланған саўғаларды тапсырды.
Қарақалпақстан хабар агентлиги.
