Еркин Қарақалпақстан Вести Каракалпакстана 16:23:50, 23.08.2019
Хош келипсиз! | RSS
Сайт мазмуны

Кириў усылы

Блог -"ЕРКИН ҚАРАҚАЛПАҚСТАН" - "ВЕСТИ КАРАКАЛПАКСТАНА"

Өзбекистан Республикасы Президенти Мәмлекетлик стипендиантлары

ИЛИМ ЖОЛЫНДАҒЫ ИЗЛЕНИЎШЕҢ ЖАСЛАР

Өзбекистан — жаслар мәмлекети. Олардың билим алыўы, саламатлығы ҳәм бахытлы турмысы ушын бәрше шараятлар жаратылған. Жаслардың күш-ғайраты, илим жолындағы изленислери, талпыныслары кимди болса да қуўандырады. Себеби бүгинги күн жасларына қарап келешекке баҳа бериледи. Бийик шоққыларды ийелеп, өзлериниң ҳәр тәреплеме жетик, қәбилетли екенлигин ҳәм сөзи, ҳәм искерлиги менен дәлиллеген жаслар бүгинги мақаламыз қаҳраманлары саналады. Олар — Өзбекистан Республикасы Президенти Мәмлекетлик стипендиясы жеңимпазлары. Ийне менен қудық қазғандай қыйын саналған илим жолына жең түринип кирген жаслардың дөретиўшилиги, қызығыўшылықлары, келешек режелери менен жақыннан ортақластық.

Даўамын окыў: Өзбекистан Республикасы Президенти Мәмлекетлик стипендиантлары

Сәне: 03.02.2017 06:22:21

439 мәрте оқылды


СИЗДЕН АЗАТ ҲӘМ АБАТ ЎАТАН ҚАЛДЫ!

БИРИНШИ ПРЕЗИДЕНТИМИЗДИҢ ЕСТЕЛИГИНЕ БАҒЫШЛАНДЫ

УНИВЕРСИТЕТ. Өзбекистан хал­қының өткен 25 жыл даўамында қолға киргизген бәрше жетискенликлери Ислам Кәримов аты ҳәм искерлиги менен тиккелей байланыслы. Сонлықтан да биринши Президентимиз атын мәңгилестириў жолында көплеп ийгиликли ислер әмелге асырылмақта.

Даўамын окыў: СИЗДЕН АЗАТ ҲӘМ АБАТ ЎАТАН ҚАЛДЫ!

Сәне: 03.02.2017 06:06:22

339 мәрте оқылды


мақала

РЕСПУБЛИКА ЖОҚАРҒЫ КЕҢЕСИНДЕ

Ҳуқықый демократиялық пуқаралық жәмийетине беккем тийкар салынған ғәрезсиз мәмлекетимизде соңғы он жылдан берли ҳәр бир жылға атама берилиўинде терең мәни бар. Жыл атамасына байланыслы мәмлекетлик бағдарламалар қабыл етилип, соның негизинде халықтың турмыс пәраўанлығын арттырыў, елимизди ҳәр тәреплеме раўажландырыў бағдарында ийгиликли жумыслар әмелге асырылмақта.

Даўамын окыў: мақала

Сәне: 03.02.2017 05:35:13

350 мәрте оқылды


ИНСАН, ЖӘМИЙЕТ ҲӘМ НЫЗАМ

ЖӘМИЙЕТИМИЗ  РАЎАЖЛАНЫЎЫНЫҢ  НЕГИЗИ

Инсан мәплери ҳәммесинен үстин деп тән алынған мәмлекетимизде пуқараларымыздың ҳуқық ҳәм еркинликлерин, нызамлы мәплерин қорғаўды тәмийинлейтуғын бир қатар норматив-ҳуқықый ҳүжжетлердиң қабыл етилиўи елимизде бул бағдарда кең көлемли жумыслардың әмелге асырылып атырғанынан дерек береди.

Даўамын окыў: ИНСАН, ЖӘМИЙЕТ ҲӘМ НЫЗАМ

Сәне: 03.02.2017 05:32:41

338 мәрте оқылды


УШЫРАСЫЎ

ИСБИЛЕРМЕНЛЕР МЕНЕН АШЫҚ-АЙДЫН ПИКИРЛЕСИЎ

Соңғы жыллары елимизде киши бизнес ҳәм жеке исбилерменликтиң жедел раўажланыўын тәмийинлеў, жеке мүлкти қорғаў ҳәм оның қол қатылмаслығы кепилликлериниң ҳуқы­қый механизмлерин және де беккемлеў, исбилерменликти раўажландырыў жолындағы бюро­кратиялық тосқынлықларды сапластырыў, республикада инвестиция ҳәм исбилерменлик орталығын жақсылаўға айрықша итибар қаратылмақта.

Даўамын окыў: УШЫРАСЫЎ

Сәне: 03.02.2017 05:28:34

349 мәрте оқылды


ЖОҚАРЫ БИЛИМЛЕНДИРИЎ

МУЗЫКА ТӘЛИМИ ҒӘРЕЗСИЗЛИК ЖЫЛЛАРЫНДА

Елимиздиң Биринши Президенти И.Кәримов «Жоқары мәнаўият — жеңилмес күш» атлы мийнетинде «Биз халқымыздың дүньяда ҳеш кимнен кем болмаўы, перзентлеримиздиң бизден көре күшли, билимли, дана ҳәм әлбетте, бахытлы болып жасаўы ушын бар күш ҳәм имка­ниятларымызды бағдарлап атырған екенбиз, бул бо­йынша руўхый тәрбия мәселеси, ҳеш шубҳасыз теңи-тайы жоқ әҳмийетке ийе болады»-деген еди.

Даўамын окыў: ЖОҚАРЫ БИЛИМЛЕНДИРИЎ

Сәне: 03.02.2017 05:24:20

348 мәрте оқылды


ЖОҚАРЫ БИЛИМЛЕНДИРИЎ

ЖЕТИК МЕДИЦИНА ҚӘНИГЕЛЕРИН ТАЯРЛАЎ — БАСЛЫ ЎАЗЫЙПАМЫЗ

Ғәрезсизлигимиздиң теңлеси болған ТашПМИ Нөкис филиалы өткен 25 жыл даўамында раўажланыўды даўам етпекте. Филиал ашылған дәслепки жылы педиатрия қәнигелиги бо­йынша 100 студент қабыл етилген болса, ҳәзирги ўақытта 5 қәнигелик бойынша 1500 ден аслам студентлер тәлим алмақта.

Даўамын окыў: ЖОҚАРЫ БИЛИМЛЕНДИРИЎ

Сәне: 03.02.2017 05:22:44

397 мәрте оқылды


«ЎЗБЕКИСТОН ҲАВО ЙЎЛЛАРИ» МИЛЛИЙ АВИАКОМПАНИЯСЫНА 25 ЖЫЛ

ПӘРЎАЗЫҢЫЗ БИЙҚӘТЕР БОЛСЫН

Елимиз ғәрезсизлигиниң дәслепки жылларынан баслап-ақ, барлық тараўларда түпкиликли өзгерислер, жаңаланыўлар жүз берди. Солар қатары пуқаралық авиация тараўында да нәтийжели реформалар әмелге асырылды. Өзбекистан Республикасының Биринши Президенти И.Кәримовтың басшылығында 1992-жылы 28-январь күни жаңадан «Ўзбекистон ҳаво йўллари» миллий авиакомпа­ниясы шөлкемлестирилди ҳәм соннан баслап «қумай қус» сәўлеленген самолётларымыз дүньяның барлық тәрепине пәрўаз ете баслады.

Даўамын окыў: «ЎЗБЕКИСТОН ҲАВО ЙЎЛЛАРИ» МИЛЛИЙ АВИАКОМПАНИЯСЫНА 25 ЖЫЛ

Сәне: 03.02.2017 05:15:04

336 мәрте оқылды


ХАЛЫҚ ПЕНЕН ПИКИРЛЕСИЎ

МАШҚАЛАЛАР САПЛАСТЫРЫЛЫП, ХЫЗМЕТ КӨРСЕТИЎДИҢ САПАСЫ ЖАҚСЫЛАНАДЫ

Өзбекистан Республикасы Президенти Шавкат Мирзиёев жақында республикамызға сапары даўамында белсендилер менен болған ушырасыўда аймағымызды жақын келешекте социаллық-экономикалық жақтан раўажландырыў, халқымыз ушын мүнәсип турмыс шараятын жаратыў мәселелерине  тоқтап өтиў менен бир қатарда,  қала ҳәм районларымызды үзликсиз электр энергиясы, тәбийғый газ, көмир менен тәмийинлеў, жеткерип берилген ресурслар ушын қарыздарлықты өндириўдеги орын алып атырған кемшиликлерди қатаң сынға алған еди.

Даўамын окыў: ХАЛЫҚ ПЕНЕН ПИКИРЛЕСИЎ

Сәне: 03.02.2017 05:07:07

357 мәрте оқылды


МҮНӘСИБЕТ

СУЎ — ТИРИШИЛИК АРҚАЎЫ

Адам өмиринде умытылмас ўақыялар, сәнелер көп болады. Әмиўдәрьяның теңизге қуярлығындағы өтмиште, бүгинги күнде де пүткил дүньяда аты даўрық жайған Мойнақта, ели-халқымыздың тәғдири, бүгин менен келешегин бир тутас өмириме айландырып жасағаныма бахытлыман. Ҳәр күни жумысқа көтериңки руўх пенен барып кия­тырғанымда уллы ислердиң дәнекершиси болғаным ушын аўылласларымның жыллы сезимлери байқалады.

Даўамын окыў: МҮНӘСИБЕТ

Сәне: 03.02.2017 04:58:15

352 мәрте оқылды


УЛЛЫЛАР ӨЛМЕЙДИ

ХАЛҚЫ  МЕНЕН  МӘҢГИ БИРГЕ  ЖАСАЙДЫ

ӨЗБЕКИСТАННЫҢ БИРИНШИ ПРЕЗИДЕНТИ, УЛЛЫ СӘРКАРДА И.Ә.КӘРИМОВТЫҢ ӨЛМЕС ЕСТЕЛИГИНЕ

Ўақыт жылнамашысы есапланған тарийх, өзиниң 2016-жыл 3-сентябри күниниң зербарақ бетлерин толтыра баслаған таңына араласа, қарақалпақстанлылар атынан, бул уллы Инсан менен хошласып, қәбири топырағына өзлеримиздиң жүрек ҳәўиримизден шыққан мәңги миннетдаршылығымызды қосыў ушын Самарқанд аэропортына жетип келдик.

Даўамын окыў: УЛЛЫЛАР ӨЛМЕЙДИ

Сәне: 03.02.2017 04:30:49

334 мәрте оқылды


КҮННИҢ ТЕМАСЫ

НӘШЕБЕНТЛИК — ГЛОБАЛ МАШҚАЛА

Нәшебентлик — глобал маш­қала болып, оған шек қойыў жолында пүткил инсаният неше мың жыллардан берли гүресип келмекте. Нәшебентлик затлар тек адам денесине емес руўхыятына да кери тәсир көрсетеди, 20  түрдеги қәўипли кеселликлерге алып келиўи мүмкинлиги тастыйықланған. Нәшебентлик зат қабыл еткенде организмниң орайлық нерв системасына тәсир етип, мий ҳәрекетиниң бузылыўына алып келеди. Нәтийжеде руўхый кеселликлердиң белгилери пайда болады. Клеткалардың бир бөлеги зыянланыўы себепли ишки ағзалар искерлиги бузылады. Адамларда нерв, жүрек-қантамыр, өкпе, баўыр циррозы ҳәм рак киби қәўипли кеселликлердиң көбе­йип барыўына, спиртли ишимликлердиң нәсилге зыянлы  тәсири ақыбетинде ҳәмилениң түрли нуқсанлар менен қәлиплесиўи ҳәм туўылыўына себеп болады.

Даўамын окыў: КҮННИҢ ТЕМАСЫ

Сәне: 03.02.2017 04:29:02

331 мәрте оқылды


ИНСАН, ЖӘМИЙЕТ ҲӘМ НЫЗАМ

ЗАМАНҒА САЙ ӨЗГЕРИСЛЕР

Бүгинги глобалласыў дәўири инсаният турмысында жаңаланыўлар менен өзгерислерди талап етеди.

2016-жылы 23-сентябрьде «Өзбекистан Республикасының айырым нызам ҳүжжетлерине өзгерис ҳәм қосымшалар киргизиў ҳаққында»ғы Өзбекистан Республикасы Нызамы қабыл етилген еди. Усыған муўапық жәми­йетлик-сиясий, социаллық-экономикалық ҳәм суд-ҳуқық салаларында әмел етип турған нызам ҳүжжетлерин буннан былай да жетилистириўге қаратылған өзгерислер менен қосымшалар киргизилди. Олардың арасында Өзбекистан Республикасының Жынаят процес­суал Кодекси, Жынаят Кодекси ҳәм Ҳәкимшилик жуўапкершилик ҳаққындағы Кодекслер де бар.

Даўамын окыў: ИНСАН, ЖӘМИЙЕТ ҲӘМ НЫЗАМ

Сәне: 03.02.2017 04:28:03

309 мәрте оқылды


ИЛИМПАЗ ПИКИРИ

БАСҚА ТИЛДИ ҮЙРЕНИЎДИҢ ТАРИЙХЫЙ ЗӘРҮРЛИГИ

Халықлардың өзиниң ана тилинен басқа тиллерди үйрениўдиң зәрүрлигинде бизиң пикиримизше, улыўма нызамлықлар бар көринеди. Үйренилиўи зәрүр тилдиң ийелериниң саны жағынан көплиги, бул тилдиң ийеси болған халықтың экономикалық, мәдений жақтан басқалардан абзаллығы, сиясий ҳәм идеоло­гиялық жақтан үстемлиги сыяқлы өзгешеликлер себеп болады. Буны биз Батыс ҳәм Шығыс еллериндеги тарийхый мысаллардан көремиз. Адамзат тарийхында жүдә үлкен орынға ийе пүткил жәҳән мәдениятына, илим-билимине, көркем өнерине күшли тәсир жасаған Күн батыс халықлары цивилизациясының ең әййемги — антик дәўиринде Европа халықлары ушын үйрениў зәрүр үлги тил — грек тили болған. Мыңлаған жыл даўамында усы тилде пүткил дүньялық тарийхый әҳми­йетке мәңги қунлыққа ийе илимий, әдебий, мәдений мийраслар дөретилди.

Даўамын окыў: ИЛИМПАЗ ПИКИРИ

Сәне: 03.02.2017 04:26:37

314 мәрте оқылды


2017-ЖЫЛ — «ХАЛЫҚ ПЕНЕН ПИКИРЛЕСИЎ ҲӘМ ИНСАН МӘПЛЕРИ ЖЫЛЫ»

ТӘРБИЯҒА ТАЛАП КҮШЕЙСЕ...

Әжинияз атындағы Нөкис мәмлекетлик педагогикалық институтының Педагогика факультетинде ҳәзирги ўақытта «Музыкалық тәлим», «Сүўретлеў өнери ҳәм инженерлик графикасы» және «Педагогика ҳәм психология» тәлим бағдарлары бойынша 571 студент-жаслар заман талапларына сай билим алып атырған болса, оларға 30 дан аслам педагог хызметкерлер қәнигелик сырларын үйретип атыр.

Даўамын окыў: 2017-ЖЫЛ — «ХАЛЫҚ ПЕНЕН ПИКИРЛЕСИЎ ҲӘМ ИНСАН МӘПЛЕРИ ЖЫЛЫ»

Сәне: 02.02.2017 11:57:26

334 мәрте оқылды


Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF