Еркин Қарақалпақстан Вести Каракалпакстана 10:47:24, 25.05.2018
Хош келипсиз! | RSS
Сайт мазмуны

Кириў усылы

Блог -"ЕРКИН ҚАРАҚАЛПАҚСТАН" - "ВЕСТИ КАРАКАЛПАКСТАНА"

.

ТҮБИМИЗ

БИР ТУЎЫСҚАН

ХАЛЫҚПЫЗ

дейди қазақ миллий мәдений орайы

белсенди ағзасы Кенжебай Атаниязов

Президентимиз И.Кәримовтың басшылығында елимизде жасап атырған барлық миллет ҳәм халықлар ўәкиллериниң мийнет етиўи, демалысы, оқып излениўи, өз потенциалын жүзеге шығарыўы және миллий қәдириятлар менен дәстүрлердиң раўажланыўы ушын үлкен имканиятлар жаратылды. Бул бағдарда әмелге асырылып атырған кең көлемли ислер елимизде жасап атырған барлық миллет ҳәм халықлар ўәкиллериниң жанажан Өзбекстанымызды бирден-бир Ўатан деп билиўи, қәдирлеўи, миллетлер ҳәм динлер аралық татыўлықты, елдиң тынышлығының тәмийинлениўинде тийкарғы фактор болмақта.

Даўамын окыў: .

Сәне: 06.09.2012 05:58:54

685 мәрте оқылды


СУД ЗАЛЫНАН

АҚШАНЫҢ «АШЫҚ»ЛАРЫ

“Дүньяда ҳәммеге теңдей унайтуғын нәрсе — бул ақша” деген екен қайсыдур бир данышпан. Дурыс, пайда болғалы берли адамлар арасындағы ең әҳмийетли айланыс қуралына айланған бул баҳалы қағаздың турмысымызда тутқан орны айрықша. Лекин, оны ҳәр ким ҳәр қыйлы табады. Биреўлер өмир бойы ҳадал мийнет етип, маңлай тери менен руўзыгершилик тербетсе, және биреўлерге әўмет күлип бағады (лоторея, мийрас ҳәм т.б.), үшинши тайпадағылар болса, жеңилдиң асты, аўырдың үсти менен жүриўди абзал көрип, өзгениң мүлкине көз алартады, бул жолда керек болса, жынаят ислеўден де тайынбайды.

Даўамын окыў: СУД ЗАЛЫНАН

Сәне: 30.08.2012 05:44:27

731 мәрте оқылды


ҚӘДИРИЯТЛАР

ОРАЗА ҲАЙТЫҢЫЗ МҮБӘРЕК БОЛСЫН!

Мине, мәмлекетимиз ғәрезсизликке ерискеннен ке­йин елимиздеги мусылманларға ибадат еркинлиги берилип, бүгинги күнде барлық мешитлерде тараба намазлары оқылып, хатми-қуранлар қылынбақта. Ораза ҳайты байрамлары үлкен көтериңкилик пенен байрамланбақта. Биз бүгин сондай дәўирде жасап атырмыз, өткен ата-бабаларымыз бул күнлерди әрман етип өткен. Өз гезегинде бәршемиз олардың әрман еткен күнлерине жеттик, деп айта аламыз. Буның ушын шексиз шүкиршилик етиўимиз керек. Рамазан айының муқаддеслиги ҳаққында пайғамбарымыз көплеп ҳәдислер айтып өткен. Яғный пайғамбарымыз бул айды үш он күнликке бөлип қараған.

Даўамын окыў: ҚӘДИРИЯТЛАР

Сәне: 30.08.2012 05:28:36

620 мәрте оқылды


АРАМЫЗДАҒЫ АДАМЛАР

 

КӘСИБИ АРҚАЛЫ

ТАНЫЛҒАН УСТАЗ

Устаз ҳаққында жазыў қыйын ҳәм саўаплы ис, әлбетте. Биз сөз етпекши болып отырған инсан көп жыллардан берли устазлық кәсиптиң қыйын жолларын басып өтип, аўырманлығын көрген, мәртебесин сезген Жалғасбай аға Шонаев усындай әдиўли кәсип ийелеринен бири.

Жалғасбай аға дәслепки мийнет жолын Кегейли районында баслаған болса, соң Нөкис қаласындағы 12 ҳәм 34-санлы улыўма орта билим бериў мектеплеринде келешек әўладқа биология пәнинен сабақ берип, өз исине шынтлап берилген, ақ көкирек, кәсибине қунт пенен қарайтуғын устаз ретинде танылмақта.

Даўамын окыў: АРАМЫЗДАҒЫ АДАМЛАР

Сәне: 30.08.2012 05:13:26

656 мәрте оқылды


ҚУРЫЛЫС

ИЙГИЛИКЛИ МАҚСЕТ

ЖОЛЫНДАҒЫ ЖАҢАЛАНЫЎЛАР

Ғәрезсизликтен кейинги жылларда ҳүрметли Елбасшымыздың басламасы менен республикамыз халық хожалығының барлық тараўларында кең көлемли реформалар алып барылып, мисли көрилмеген дәрежеде жетискенликлерге ерисип атырғанымызды бүгин пүткил халқымыз үлкен қуўаныш сезимлери менен тилге алып, мақтаныш етеди. Илим, билимлендириў, медицина, ири санаат, аўыл-хожалығы ҳәм басқа да барлық салаларды раўажландырыў, усы тийкарда елимиздиң, жәҳәнниң ең алдынғы мәмлекетлери қатарынан өзиниң мүнәсип орнын ийелеўи жолында қабыл етилип атырған пәрман ҳәм қарарлардың әмелий орынланыўын тәмийинлеўде халқымыздың беккем бирликли мийнетлери, пидайылығы дүнья жәмийетшилиги тәрепинен тән алынбақта. Ал, әмелге асырылып атырған усы реформалардың бәршеси тек ғана инсан мәплери жолында хызмет етиўге бағдарланғанлығын айрықша атап өтиўимиз орынлы.

Даўамын окыў: ҚУРЫЛЫС

Сәне: 24.08.2012 12:16:50

709 мәрте оқылды


15-август — Археологлар күни

АРХЕОЛОГИЯ — ӨТМИШИМИЗ НЕГИЗИ

Археология күни кәсиплик байрам сыпатында 65 жылдан берли жер жүзилик көлемде кең түрде өткериледи. Байрам сәнесине бағышлап усы тараў қәнигелери илимий семинарлар, көргизбелер, ушырасыўлар ҳәм басқа да мәдений илажлар шөл­кемлестирмекте.

Жәмийеттиң узақ өтмиши археология мағлыўматлары тийкарында үйрениледи ҳәм “өтмиште адамлар қалай жасаған?” деген сораўға тек ғана археология арқалы жуўап бере алады.

Даўамын окыў: 15-август — Археологлар күни

Сәне: 24.08.2012 12:01:48

774 мәрте оқылды


СПОРТ

ҚАРАҚАЛПАҚ

МУАЙТАЙЫНА

10 ЖЫЛ

Президентимиз И.Кәримов «Ҳеш бир нәрсе мәмлекетти спорт сыяқлы тез дүньяға таныта алмайды» деп атап өткен еди. Расында да, елимиздиң ертеңги келешеги болған жас әўладты ҳәр тәреплеме жетилискен, шыныққан, физикалық ҳәм руўхый жақтан күшли инсанлар етип тәрбиялаў ғәрезсиз елимиздиң алдына қойған баслы мақсетлеринен саналады.

Өзбекстан ҳәўескер ҳәм профессионал муайтай ассосациациясы Қарақалпақстан Республикасы бөлиминиң ашылғанына быйыл 10 жыл болды. Усы жыллар ишинде бул спорт түри республикамызда өзиниң ғалабалығына ерис­ти. Бүгинги күнде көплеген жас-өспиримлер муайтай спорты менен шуғылланып, бир қатар жетискенликлерге ерисип келмекте.

Даўамын окыў: СПОРТ

Сәне: 24.08.2012 06:02:04

724 мәрте оқылды


СӨЗ ДӨРЕТИЎШИ ТУЛҒА ҲАҚҚЫНДА

ДӘРЬЯҒА БАТҚАН ҚУЯШ, ҚӘЛБКЕ СИҢГЕН ДӘРЬЯ

Мен, Қарақалпақстан халық шайыры, Бердақ атындағы мәмлекетлик сыйлықтың лауреаты Гүлистан Мәтякупованы жигирма жылдан артығырақ дәўирден бери билер едим. Оның Ана-жерге меҳри, ўатансүйиўшилик сезимлери ҳәм ушқыр қыяллары, нәзик кеўиллери сыяқлы көп қосық ҳәм поэмалары, публицистикалық мийнетлери мени өзине тартар еди. Әсиресе, оның 1992-жылы “Билим” баспасынан шыққан бизлердиң “Әдептаныў” атлы мийнетимизди өзбекшеге аўдарып, оны “Одобнома” деген ат пенен 1994-жылы баспадан шығарғаны оған деген ҳүрметимди арт­тырып, оның дөретиўшилигине дыққатымды күшейтип барды.

Даўамын окыў: СӨЗ ДӨРЕТИЎШИ ТУЛҒА ҲАҚҚЫНДА

Сәне: 06.08.2012 10:50:48

834 мәрте оқылды


ОҚЫДЫҚ ПИКИР АЙТАМЫЗ

КОМПОЗИТОРЛАР ҲАҚҚЫНДА МОНОГРАФИЯ

Мәмлекетимиз ғәрезсизликке қәдем қойған дәўирлер ишинде бәрше тараўлар қатарында сәният, әдебият саласында да дөретиўшиликке еркин бағдар алыў байқалды.

Халықаралық Antigue world (әййемги дүнья) Илимлер Академиясының академиклери ҳәм Бердақ атындағы мәмлекетлик сыйлықтың лауреатлары, илимпазлар Ә.Алымов пенен Т.Адамбаевалардың “Атақлы сазгерлер” атлы монографиялық мийнетиниң жәрияланыўы, кең жәмийетшилик тәрепинен саз өнери мәселелери бойынша әҳмийетли илимий мийнетлердиң бири сыпатында қабыл алынды.

Даўамын окыў: ОҚЫДЫҚ ПИКИР АЙТАМЫЗ

Сәне: 06.08.2012 10:44:05

827 мәрте оқылды


МӘДЕНИЙ МИЙРАС

МИЛЛИЙ МУЗЫКАНЫҢ

ТӘРБИЯЛЫҚ ӘҲМИЙЕТИ

Қарақалпақ халқы да Орайлық Азияның басқа халықларындай-ақ өзиниң ерте тарийхында өз заманына ылайықлы жоқары мәдениятқа ийе болған халықлардан бири есапланады. Көп әсирлик тарийхқа ийе болған қарақалпақ хал­қы өз турмыс тиришилигиниң айнасы сыпатында түрли жанрда әдебий-мәдений мийрасын дөреткен. Миллий музыка ҳаққында сөз етер екенбиз, бизиң ядымызға биринши болып:

“Саз билен сәўбетти ялған демеңлер,

Адам ата бина болғанда барды”, деген қосық қатарлары келеди.

өарақалпақ халқы тарийхта көплеген аўыр күнлерди, дәўирлерди басынан кеширген. Қанша турмыс қысқысында болмасын, саз-сәўбетти қәстерлеп сақлап келген.

Даўамын окыў: МӘДЕНИЙ МИЙРАС

Сәне: 12.07.2012 06:14:48

875 мәрте оқылды


ЖАҚСЫ АДАМЛАР АРАМЫЗДА ЖҮР

МИЙНЕТТЕН «КӨЗИ АШЫЛМАFАН» FАРРЫ

Намазшам пайытлары арнайы излеп барған Есжан атамызды ақлықларына қыйтақ жеринен қыяр, помидор жегизип, дәслепки шыққан жамбылшасын үзе сала күсли алақанына шырт түкирип, нышлы бели менен атыз суўғарып атырғанда ушыраттық. Тоқсан жасты алқымлап қалғанына исенгиң келмейди. Қәдди бойы ақ теректей тик, қәдемлери шыйрақ, сөзлери қорғасындай салмақлы, ойшыл нәзеринен бираз нәрселерди аңладық.

Аманлық-есенлик сорасып, өзимизди таныстырғаннан кейин ериктиң мийўеси быйыл неге азлығы ҳаққындағы сораўымыз аңсат тил табысып кетиўимизге себепши болды.

Даўамын окыў: ЖАҚСЫ АДАМЛАР АРАМЫЗДА ЖҮР

Сәне: 11.07.2012 11:09:21

734 мәрте оқылды


Суд залынан

«ҚАРА БАЗАР»ДАН ҚАРА ГҮРСИГЕ

Инсан деген атақты қәстерлейтуғын, жоқары адамгершиликли, шаңарағын көпке өрнек етип көрсетиўге арзыйтуғын, жәмийетке пайдасын тийгизип, өзиниң ҳадал мийнети менен күн кеширип киятыр­ған адамларды ҳәмме ҳүрмет етеди, балаларына үлги етип көрсетиўге умтылады. Тилекке қарсы, бес бармақтың бирдей болмағанындай, арамызда жәмийетлик пайдалы ис пенен шуғылланыўдың орнына қара басының мәпин гөзлеп, аўырдың үсти, жеңилдиң асты менен жасап киятырған заманласларымыз да жоқ емес.

1969-жылы туўылған пуқара, Нөкис қаласы, 39-санлы «Жийдели Байсын-1» мәкан пуқаралар жыйыны аймағындағы «Жеңис» көшесиниң 6-жайында жасаўшы Бахыт Утемуратов өзиниң бар билими менен тәжирийбесин, күш-жигерин нызамлы ҳәрекетлерге жумсағанда, сөзимиздиң басындағыдай үлгили инсанлар қатарынан орын алар ма еди, ким билипти?!

Даўамын окыў: Суд залынан

Сәне: 11.07.2012 10:56:13

691 мәрте оқылды


Мақала

Қарақалпақ намалары еллер аса жаңлап атыр

ТҮРК ТИЛЛЕС

ХАЛЫҚЛАРДЫҢ

ФЕСТИВАЛЫНДА

- Қазақстан Республикасы мәденият ҳәм хабар министрлиги, Юнус Эмре атындағы түрк мәденият орайы, Қазақстан Республикасы илим ҳәм билим министрлиги менен бирликте шөлкемлес­тирилген бул фестивальда Өзбекстан, Қырғызстан, әзербайжан мәмлекетлериниң бақсы-жыраўлары өз өнерлерин көрсетти.

Фестивальға Өзбекстаннан үш ўәкил - мен төреши сыпатында, Нөкис мәденият ҳәм көркем-өнер колледжиниң оқыўшылары – “Ниҳол” сыйлығының ийе­си, жыраў Жәнибек Пиязов ҳәм бақсы қызымыз, Зульфия атындағы мәмлекетлик сыйлықтың ийеси Улбосын Орынбаевалар қатнастық. Астана сахналарында “Айға шап”, “Шербейит”, “Жан-жан”, “өара жорға”, “Мың түмен”, “Илме султан” ҳәм бас­қа да қосық ҳәм намаларымыз жаңлады.

 

Даўамын окыў: Мақала

Сәне: 11.07.2012 10:45:26

907 мәрте оқылды


ОҚЫЎШЫ ПИКИР АЙТАДЫ

 

Қосық айтсам ҳаўаз толқып жаңлайды

 

ямаса және нама қосықлар ҳаққында

Буннан онлаған жыл алдын кишигирим бир мейлиске бардым. Отырыспаға бақсы Турғанбай Қурбанов та шақыртылған екен.

-Қәне, бақсы жора, бир-еки нама «жаздырып» отыр, -деди мейлисте отырған, бақсының өзи менен қатарлы бир жигит.

Турғанбай аға дуўтарын қолға алып, бир дизеге қонып Мақтумқулының «Миймандур» қосығын баслап жиберди. Жаңа еки қатар айтып еди, ана жерде екеў-ара гүрриң, мына жерде екеў-ара гүрриң, ақыры бақсы еки куплет айтып тоқтады.

-Ҳе, неге тоқтадың? -дес­ти жигитлер.

-Бүйерде қосық тыңлайтуғын адам жоқ қусаған, -деди ол.

Ҳәй-й, қызық жигит екенсең, неғыласаң адамлардың гәпин тыңлап. Айта бер дә! Сен қосық айтыў ушын шақыртылғансаң!

-Мен тыңламайтуғын қулаққа айта берип, радио емеспен, -деди Турғанбай аға. -Биз тыңлаўшылардың жүрегине жол табайық деп түни менен Мақтумқулыдан, Әжинияздан, Бердақтан сөз ядлаймыз, күни менен оны намаға түсирип машқы етемиз...

 

Даўамын окыў: ОҚЫЎШЫ ПИКИР АЙТАДЫ

Сәне: 11.07.2012 10:25:40

1180 мәрте оқылды


Фестивали

МЕЛОДИИ

КОБЫЗА И ДУТАРА

В Астане завершился Первый международный фестиваль исполнительского искусства тюркоязычных народов имени Коркыта. Организаторы мероприятия — Министерство культуры и информации Республики Казахстан и турецкий культурный центр Астаны Юнус Эмре. В нем приняли участие около 60 представителей Казахстана, Узбекистана, Азербайджана, Кыргызстана, Туркменистана и Турции. В состав жюри вошли известные деятели искусств — профессор, заслуженный деятель искусств Казахстана Базархан Косбасаров, доцент Казахской государственной консерватории имени Курмангазы Абдиманат Жумабекулы, доцент музыкальной академии Азербайджана имени У.Гаджибейли, преподаватель отдела национальной музыки Нукусского колледжа культуры и искусства, народный бахсы Узбекистана Гайрат Утемуратов и другие. В беседе с корреспондентом "ВК" Г.Утемуратов делится впечатлениями о фестивале, рассуждает о значении народной музыки, рассказывает о развитии национального исполнительского искусства.

Даўамын окыў: Фестивали

Сәне: 09.07.2012 05:39:01

919 мәрте оқылды


Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF