Еркин Қарақалпақстан Вести Каракалпакстана Жума, 18 Август, 2017
Хош келипсиз Мийман | RSS
Сайт мазмуны

Мини-чат
Последнее сообщение: 16 hours, 27 minutes назад
  • Исатай [15:42] : Бугунги кунге шекем болган Хурметли Президентимиздин баянатларынын каракалпак тилиндеги вариантларын бир устин ашып жайластырыу халыкка хар тареплеме колайлык жараткан болар еди! Усы усыныс редакция тарепинен инаб
  • Бахаш [09:42] : Президентимиз айткандай Сизин газетанызда "Олам гулистон"!
  • baxa [10:17] : Erkin Qaraqalpaqstan gazetasin sho'lkemlestirgen agamiz Allayar Dosnazarov haqqinda toliq mag'luwmat bersen'iz
  • Parakhay [10:51] : Президентимиздин парман карарларын кай жерден тапса болады?
  • нокис [12:41] : газетанын бас редакторга сорау; неге газетаниз еркин сатлуда жок?
  • нокис [12:37] : салем
  • null [14:14] : 1
  • Damir [17:29] : Ushbu gazeta ijodkorlariga savolim bor edi. Mini-chatga yozsam javob olamanmi?
  • карекен [21:27] : Нокистин жоллары хаккында макала жазсанлар жуда зор болар еди, бирак мактап емес. Мыс: Беруний, Курбанов кошелеринен автомашина журиуи мумкин емес, дамасларга рахмет кунда 1000 отеди ол жерлерден. Ози исленеме екен бул ж
  • Акылбек [18:05] : Ассалаума алейкум хурметли "Еркин Каракалпакстан" редакциясы хызметкерлери! Мен, Сиздин, газетанызга бир макала бережакпан. Соны Кандай амелге асырыуыма болады?

Бизиң сораўлар
Сайтымызға баҳа бериң
 

Статистика
Сейчас 983 гостей онлайн

Кириў усылы




Қарар
Дата: 10.08.2017 10:32

ЕРКИН ЭКОНОМИКАЛЫҚ ЗОНАЛАРДЫҢ НӘТИЙЖЕЛИ ЖУМЫС ИСЛЕЎИ УШЫН МИНИСТРЛИКЛЕРДИ,  ВЕДОМСТВОЛАР МЕНЕН ОРЫНЛАРДАҒЫ МӘМЛЕКЕТЛИК ҲӘКИМИЯТ УЙЫМЛАРЫН МУЎАПЫҚЛАСТЫРЫЎДЫ КҮШЕЙТИЎ ҲӘМ ОЛАРДЫҢ ЖУЎАПКЕРШИЛИГИН АРТТЫРЫЎ ИЛАЖЛАРЫ ҲАҚҚЫНДА

Өзбекистан Республикасы Президентиниң қарары

Елимизде еркин экономикалық зоналарды (кейинги орынларда — ЕЭЗ) жергиликли минерал-шийки зат ресурсларды терең қайта ислеў тийкарында жоқары қосымша қунға ийе, бәсекиге шыдамлы өнимлерди ислеп шығарыўды тәмийинлейтуғын заманагөй кәрханаларды шөлкемлестириў, республика аймақларының өндирис ҳәм ресурс потенциалынан комплексли ҳәм нәтийжели пайдаланыў, сол тийкарда жаңа жумыс орынларын жаратыў ҳәм халықтың дәраматын арттырыў ушын шет ел, бәринен бурын, тиккелей инвестицияларды тартыўдың әҳми­йетли факторы сыпатында раўажландырыўға айрықша итибар қаратылмақта.

ЕЭЗ жумысын тәртипке салатуғын беккем нызамшылық ҳәм нормативлик база жаратылды, оларды раўажландырыў ушын шет ел ҳәм жергиликли инвестицияларды тартыўға көмеклесетуғын кең көлемли салық ҳәм бажыхана жеңилликлери және преференциялар системасы қәлиплестирилди. Ҳәзирги ўақытта республикамыздың 10 регионында 14 ЕЭЗ шөлкемлестирилди ҳәм жумыс алып бармақта.

Соның менен бирге ЕЭЗ жумысында жыйналған тәжирийбе оларды жедел раўажландырыўға ҳәм нәтийжели жумыс алып барыўға тосқынлық етип атырған бир қатар машқалалар ҳәм шешилмеген мәселелердиң бар екенинен дәрек береди. Соның ишинде:

бириншиден, орта ҳәм узақ мүддетли перспективада ЕЭЗны раўажландырыў бағдарында оларды шөлкемлестириў ҳәм жумыс ислеўиниң анық мақсетлерин, атап айтқанда, экономикалық, социаллық, илимий-техникалық ҳәм басқа да мақсетлерди белгилейтуғын, сондай-ақ, ЕЭЗны қәнигелестириў бойынша анық принциплер менен қатнаслар жоқ;

екиншиден, шет ел компаниялары менен фирмалардың республикалық ЕЭЗ аймақларында өз бизнесин алып барыў ушын Өзбекистанда жаратыл­ған қолайлы шараятларды кеңнен сәўлелендириў ҳәм болажақ инвесторларды, биринши гезекте, шет елде усы шараятлар менен таныстырыў жумыслары төмен дәрежеде әмелге асырылмақта;

үшиншиден, перспективалы жойбар усынысларын қәлиплес­тириў, терең талқылаў ҳәм баҳалаўдың мақсетке муўапықлығы, тийкарлылығы ҳәм рентабельлилиги тийкарында ЕЭЗ аймағында әмелге асырыў ушын таңлап алыў, сондай-ақ, жойбарларды әмелге асырыўдың барлық цикл­леринде сапалы шөлкемлес­тириў, муўапықластырыў ҳәм мониторинг етиў, соның ишинде, жойбарларды ислеп шығыў ҳәм әмелге асырыў, объектлерди иске қосыў, жуўмақлаўшы мақсетлерге ерисиўди тәмийинлейтуғын бирден-бир бир пүтин система жаратылмаған;

төртиншиден, инвестициялық жойбарлар портфелиниң сапасы төмен, ЕЭЗ аймағында жетекши шет ел компаниялары қатнасыўында, бәринен бурын, жергиликли минерал-шийки зат ресурсларын ҳәм аўыл хожалығы шийки затын терең қайта ислеў, сондай-ақ, дүньяға белгили брендлер астында экспортқа жарамлы таяр өнимлерди ислеп шығарыў бойынша жоқары технологиялы жергиликлилестирилген заманагөй кәрханаларды шөлкемлестириў жумыслары төмен дәрежеде әмелге асырылмақта, ЕЭЗ аймағында шөлкемлестирилген хожалық субъектлери арасында санаат ҳәм кооперация байланыслары толық дәрежеде емес, зәрүр логистика системасы жоқ;

бесиншиден, ЕЭЗ қатнасыўшыларын дизимге алыў, олар­ға жер участкаларын ажыратыў, инвестициялық жойбарларды мақуллаў, кәрханаларды сыртқы инженерлик инфраструктурасына жалғаў, исбилерменлерге ислеп шығарып атырған өнимин ишки ҳәм сыртқы базарларда сатыўға көмеклесиў процесслериниң мүддети тийкарсыз созылмақта;

алтыншыдан, ЕЭЗ потенциалынан толық пайдаланылмай атырғаны ақыбетинде ЕЭЗ қатнасыўшылары тәрепинен бәсекиге шыдамлы, экспортқа жарамлы ҳәм импорттың орнын басатуғын өнимлерди ислеп шығарыў көлеми елеге шекем төмен дәрежеде, олардың жалпы ишки өнимдеги үлеси, ишки базарды тутыныў товарлары ҳәм комплектлеўши буйымлар менен тәмийинлеў, республикада экспорт потенциалын кеңейтиўдеги ҳәм валюта түсимлериниң муғдарын көбейтиўдеги үлеси төмен дәрежеде қалмақта.

Аймақларды раўажландырыўда ҳәм жаңа жумыс орынларын жаратыўда, халықтың дәраматларын көбейтиўде еркин экономикалық зоналардың үлесин арттырыў, жойбар бойынша басқарыў принциплери тийкарында және 2017-2021-жылларда Өзбекистан Республикасын раўажландырыўдың бес тийкарғы бағдары бойынша Ҳәрекетлер стратегиясына муўапық ўәкилликли министрликлердеги, ведомстволар менен орынлардағы мәмлекетлик ҳәкимият уйымларын муўапықластырыў ҳәм олардың жуўапкершилигин арттырыў мақ­сетинде:

1. Төмендегилер еркин экономикалық зоналардың жумысын буннан былай да раўажландырыўдың тийкарғы бағдарлары етип белгиленсин:

ЕЭЗ аймағында, биринши гезекте, кластер қатнаслардан кең пайдаланған ҳалда ЕЭЗ қатнасыўшылары арасында жақын кооперация байланысларын жол­ға қойыў, жергиликли шийки зат ҳәм материаллар тийкарында бәсекиге шыдамлы таяр өнимлер ҳәм комплектлеўши буйымлар ислеп шығарыўды жергиликлилестириў бойынша жоқары технологиялы заманагөй кәрханаларды шөлкемлестириў;

ЕЭЗ аймағында жайласқан санаат кәрханаларында ҳәм инфраструктура объектлеринде жаңа маманлықтағы жумыс орынларын шөлкемлестириўди тәмийинлеў, усы тийкарда республика регионлары халқының бәнтлик дәрежесин ҳәм дәраматларын арттырыў;

жергиликли минерал-шийки зат ресурсларын терең қайта ислеў ҳәм дүньяға танылған брендлер тийкарында жоқары қундағы бәсекиге шыдамлы өнимлерди ислеп шығарыў ушын аймағында ЕЭЗлар шөлкемлестирилген регионлардың өндирислик ҳәм ресурс потенциалынан комплексли ҳәм нәтийжели пайдаланыўды тәмийинлеў;

жетекши шет ел компаниялары менен корпорацияларының қатнасыўында жоқары технологиялы заманагөй иннова­циялық ислеп шығарыўларды шөлкемлестириў ушын шет ел инвестицияларын, бәринен бурын, тиккелей шет ел инвестицияларын тартыў бойынша ең қолайлы шараятлар жаратыў;

өндирис, инженерлик-коммуникация, жол-транспорт ҳәм социаллық инфраструктураны буннан былай да раўажландырыў, сондай-ақ, сапалы логистикалық хызметлерди көрсетиў бойынша заманагөй инфраструктураны қәлиплестириў;

ЕЭЗ бағдарлары бойынша кадрларға болған ағымдағы ҳәм перспективадағы талаплардан келип шығып ҳәм олардың ЕЭЗ аймағында орналасқан санаат кәрханаларында ҳәм инфраструктура объектлеринде өндирис әмелиятын өтеўин нәзерде тутқан ҳалда, жоқары ҳәм орта арнаўлы кәсип-өнер билимлендириў мәкемелеринде жоқары маманлықтағы қәнигелерди таярлаўды жолға қойыў.

2. ЕЭЗ жумысының атап өтилген бағдарларын муўапықластырыў ҳәм комплексли түрде шешиўди тәмийинлеў ушын Өзбекистан Республикасы Президентиниң Социаллық-экономикалық сиясатты муўапықластырыў бойынша Мәмлекетлик кеңесгөйи хызмети қурамында еркин экономикалық ҳәм киши санаат зоналарының жумысын муўапықластырыў бойынша Мәмлекетлик кеңесгөйиниң биринши орынбасары лаўазымы енгизилсин, сондай-ақ, еркин экономикалық ҳәм киши санаат зоналарының жумысын муўапықластырыў мәселелери бо­йынша улыўма саны 5 адамнан ибарат сектор шөлкемлестирилсин.

Өзбекистан Республикасы Президенти Мәмлекетлик кеңесгөйиниң биринши орынбасарына төмендеги тийкарғы ўазыйпалар менен функцияларды әмелге асырыў жуўапкершилиги жүкленсин:

министрликлер менен ведомстволар, хожалық бирлеспелери, орынлардағы мәмлекетлик ҳәкимият уйымлары, коммерциялық банклер, ЕЭЗ дирекциясының еркин экономикалық зоналардың нәтийжели жумыс алып барыўына ҳәм оларды раўажландырыўға байланыслы мәселелер бойынша жумысын әмелий муўапықластырыўды тәмийинлеўге байланыслы комплексли шөл­кемлестириўшилик илажларды әмелге асырыў;

ўәкилликли министрликлер, ведомстволар, хожалық бирлеспелери ҳәм орынлардағы мәмлекетлик ҳәкимият уйымлары менен биргеликте ҳәр бир еркин экономикалық ҳәм киши санаат зоналарын қәнигелестириўге және перспективалы раўажландырыўға байланыслы қатнасларды,  принциплер менен анық бағдарламалық илажларды ислеп шығыў;

барлық мәмлекетлик басқарыў уйымлары, қадағалаўшы уйым­лар, коммерциалық банклердиң еркин экономикалық зоналар аймағында белгиленген айрықша салық, бажыхана ҳәм валюта тәртип-қағыйдаларының қолланылыўы бойынша ҳуқықый нормалар менен нызамшылық қағыйдаларының сөзсиз орынланыўы, инвести­циялық жойбарларды жедел алға қойыў, бюрократлық тосқынлықлар менен иркинишлердиң сапластырылыўын системалы қадағалаў;

ЕЭЗ аймағында инвестициялық жойбарлардың әмелге асырылыўын, ЕЭЗ қатнасыўшысы болған хожалық субъектлериниң қаржы-хожалық жумыс нәтийжелилигин турақлы мониторинг етиў, министрликлер, ведомстволар, хожалық бирлеспелери, орынлардағы мәмлекетлик ҳәкимият уйымлары, коммерциялық банклер, ЕЭЗ дирекциясының оларға жүкленген ўазыйпаларға муўапық әмелге асырылып атыр­ған жумыслар туўралы есапларын турақлы тыңлаў.

Өзбекистан Республикасы Президенти Мәмлекетлик кеңесгөйи В.А.Голишев еки ҳәпте мүддетте жаңадан енгизилип атыр­ған лаўазымлар бойынша функционал миннетлемелерди ислеп шықсын ҳәм тастыйықласын.

3. Еркин экономикалық ҳәм киши санаат зоналарының жумысын муўапықластырыў бо­йынша арнаўлы ведомстволар­аралық  комиссия (кейинги орынларда — Арнаўлы комиссия) 1-қосымшаға муўапық дүзилсин.

Төмендегилер арнаўлы комиссияның тийкарғы ўазыйпалары етип белгиленсин:

ЕЭЗлардың жумыс алып барыўы ҳәм раўажланыўына байланыслы шөлкемлестириўшилик-техникалық мәселелерди шешиўде оларға әмелий жәрдем көрсетиў, ЕЭЗ аймағында инвес­тициялық жойбарларды әмелге асырыў бойынша министрликлер, ведомстволар, коммерциялық банклер, орынлардағы мәмлекетлик ҳәкимият уйымларының жумысын анық муўапықластырыў, олар тәрепинен бюрократизмге ҳәм шубалаңқылыққа жол қоймаўға байланыслы оператив илажлар көриў, айыпкер лаўазымлы шахсларға қарата қатаң жуўапкершилик шараларды қолланыўға байланыслы усыныслар киргизиў;

ЕЭЗ жумысына байланыслы болған барлық шөлкемлестириўшилик мәселелерди шешиў, шет ел инвесторлары тәрепинен түсип атырған перспективалы усыныслар, сондай-ақ, ЕЭЗ аймағында әмелге асырыў ушын комиссияға усыныс етилип атыр­ған белгили бир жойбар усынысларын оператив көрип шығыў ҳәм келисилген қарарлар қабыл етиў;

ЕЭЗ аймағында жойбарларды әмелге асыратуғын инвесторлар ушын қолайлы шараятлар жаратыў, ЕЭЗ қатнасыўшылары хожалық субъектлериниң жумысын нәтийжели шөлкемлестириў, олар тәрепинен ислеп шығарыл­ған өнимлерди экспортқа жеткерип бериўди көбейтиўге қаратылған нызамшылық ҳәм нормативлик-ҳуқықый ҳүжжетлерди буннан былай да жетилистириўге байланыслы усынысларды белгиленген тәртипте усыныў;

жойбарларды әмелге асырыўдың барлық басқышларында, соның ишинде, жойбарларды ислеп шығыўда ҳәм әмелге асырыўда, объектлерди иске қосыўда ҳәм жуўмақлаўшы мақсетке ерисиўде, оларды сапалы шөлкемлестириў, муўапықластырыў ҳәм мониторинг етиў;

орнатылған мүддетлерде иске қосылыўына тосқынлық етип атырған себеплерди анықлаған ҳалда еркин экономикалық зоналардың аймағында әмелге асырылып атырған жойбарларды, сондай-ақ, ЕЭЗ қатнасыўшылары хожалық жүргизиў субъектлери қаржы-хожалық жумысының нәтийжелилигин турақлы мониторинг етиў, оларға жүзеге келетуғын мәселелерди ҳәм маш­қалаларды шешиўде әмелий жәрдем көрсетиў илажларын көриў;

ЕЭЗ қатнасыўшыларын сырт­қы инженерлик өндирис инфраструктурасына өз ўақтында жал­ғаў ҳәм оның үзликсиз жумыс ислеўин тәмийинлеў жумысларын муўапықластырыў;

еркин экономикалық зоналардың дирекциялары жумысы үстинен әмелий қадағалаў орнатыў, дирекция басшыларының мақулланған инвестициялық жойбарлардың әмелге асырылыўы ҳаққындағы есапларын турақлы тыңлаў, өзине жүкленген ўазыйпалар менен функцияларды орынлаўды тәмийинлемеген министрликлер, ведомстволар, хожалық бирлеспелери ҳәм ЕЭЗ дирекциясының басшыларына жуўапкерлик илажларын көриў туўралы усыныслар киргизиў.

4. Қарақалпақстан Республикасы Министрлер Кеңесиниң Баслығы, ўәлаятлар ҳәм Ташкент қаласы ҳәкимлери:

бир ҳәпте мүддетте Қарақалпақстан Республикасы Минис­трлер Кеңесиниң Баслығы, ўәлаятлар ҳәм Ташкент қаласы ҳәкимлериниң экономика ҳәм исбилерменлик мәселелери бо­йынша биринши орынбасарларының басшылығында еркин экономикалық ҳәм киши санаат зоналарының жумысын муўапықластырыў бойынша аймақлық комиссиялардың жеке қурамын шөлкемлестирсин ҳәм тастыйықласын;

Өзбекистан Республикасы Экономика министрлиги, Қаржы министрлиги ҳәм Сырт­қы саўда министрлиги, Инвестициялар бойынша мәмлекетлик комитети менен биргеликте бир ай мүддетте ҳәр бир еркин экономикалық зонаның раўажланыў дәрежеси ҳәм жумыс нәтийжелилиги, өнимлерди жергиликлилестириў ҳәм импорттың орнын басатуғын жойбарлардың әмелге асырылыўын рейтинг тийкарында баҳалаў өлшемлерин ҳәм көрсеткишлерин ислеп шықсын;

быйылғы жылдың 15-августы­на шекем перспективалы бирге ислесиў бойынша шет еллерди анықлаған ҳалда, Арнаўлы комиссияға ҳәр бир ЕЭЗ бо­йынша усы қарардың қағыйдалары менен талапларын әмелге асырыўға байланыслы тармақ кестесин ҳәм «жол картасы»н усыныс етсин.

Еркин экономикалық зоналар дирекцияларының басшылары бир ўақыттың өзинде Қарақалпақстан Республикасы Минис­трлер Кеңесиниң Баслығы, ўәлаятлар ҳәм Ташкент қаласы ҳәкиминиң кеңесгөйлери есапланатуғыны белгилеп қойылсын.

5. Сондай тәртип орнатылсын, оған муўапық:

Қарақалпақстан Республикасы Министрлер Кеңесиниң Баслығы, ўәлаятлар ҳәм Ташкент қаласы ҳәкими, олардың биринши орынбасарлары ярым жыллық ҳәм жыл жуўмақлары бо­йынша Өзбекистан Республикасы Президентине еркин экономикалық ҳәм киши санаат зоналарын раўажландырыў ҳәм олардың жумыс нәтийжелилигин арт­тырыўға байланыслы әмелге асырылып атырған жумыслар туўралы жеке есап береди;

Өзбекистан Республикасы Президенти Мәмлекетлик кеңесгөйи В.А.Голишев Арнаўлы комиссия ағзалары менен биргеликте орынларға барып, ҳәр айда усы қарардың орынланыўын, ҳәр бир ЕЭЗ аймағында инвестициялық жойбарлардың әмелге асырылыўын, ЕЭЗ қатнасыўшысы болған хожалық субъектлериниң қаржы-хожалық жумыс нәтийжелилигин мониторинг етип барсын.

6. ЕЭЗ қатнасыўшысы бол­ған хожалық субъектлерине ЕЭЗ аймағында инвестициялық жойбарларды өз ўақтында әмелге асырыў бойынша кредит-қаржы жәрдемин көрсетиў мақсетинде Өзбекистан Республикасы Орайлық банкиниң ҳәм коммерциялық банклердиң коммерциялық банклерин еркин экономикалық зоналарға бириктириў ҳаққындағы усынысы 1-қосымшаға муўапық қабыл етилсин.

Ўәкилликли коммерциялық банклер инвестициялық жойбарларды әмелге асыратуғын ЕЭЗ қатнасыўшысы болған хожалық субъектлерин ҳәр тәреплеме қоллап-қуўатласын, жойбарлардың техникалық-экономикалық тийкарларын, нәтийжелилигин ҳәм өзин қаплаўын пуқта экспертизадан өткериўге айрықша итибар қарата отырып, оларға бизнес-режелер ислеп шығыўда әмелий көмеклессин.

7. Өзбекистан Тиклениў ҳәм раўажланыў қоры (Ш.А.Вафоев) усы қарардың 2-қосымшасында келтирилген ўәкилликли коммерциялық банклерге ЕЭЗ аймағында әмелге асырылатуғын инвестициялық жойбарларды қаржыландырыў ушын улыўма көлеми 100 миллион АҚШ доллары муғдарында кредит линияларының ашылыўын тәмийинлесин.

Орайлық банк (М.Б.Нурмуратов) Өзбекистан Республикасы Инвестициялар бойынша мәмлекетлик комитети (А.И.Ахмедходжаев) ҳәм ўәкилликли коммерциялық банклер менен биргеликте ЕЭЗ аймағында инвестициялық жойбарларды әмелге асырыў ушын шет ел банклери, халықаралық қаржы институтлары ҳәм донор-еллердиң кредит линияларын тартыў жумысларын жеделлестириў усыныс етилсин.

8. Мәмлекетлик бажыхана комитети (М.В.Тохирий):

үш ай мүддетте барлық ЕЭЗ аймақларында бажыхана постлары менен қоймаханаларының ашылыўын ҳәм жумыс алып барыўын;

«Наўайы» еркин экономикалық зонасының аймағында жайласқан әсбап-үскенелер ҳәм олардың аўысық бөлеклери, шийки зат, материаллар менен комплектлеўши бөлеклерди еркин бажыхана зонасы режиминен бажыхана төлемлерин төлеместен, алдын рәсмийлестирилген бажыхана тексериўи тийкарында, экспорт бажыхана жүк декларациясы, сертификатлар ҳәм сыртқы экономикалық жумыс саласында рухсат беретуғын басқа да ҳүжжетлерди усынбастан, еркин айланысқа шығарыў режимине қайта рәсмийлестирилиўин тәмийинлесин.

9. Өзбекистан Республикасы Экономика министрлиги (Г.К.Саидова) ҳәм оның аймақлық басқармалары:

Меншиклестирилген кәрханаларға көмеклесиў ҳәм бәсекиликти раўажландырыў бойынша мәмлекетлик комитети (Р.А.Ғуломов), Давергеодезкадастр комитети (А.Х.Абдуллаев), Қарақалпақстан Республикасы Минис­трлер Кеңеси, ўәлаятлар ҳәкимликлери, ЕЭЗ дирекциялары менен биргеликте еки ай мүддетте еркин экономикалық зоналардың шегарасын қайта көрип шықсын ҳәм Арнаўлы комиссияға инженерлик тармақларына жалғанған, транспорт коммуникацияларына ҳәм социаллық инфраструктура объектлерине ийе жумыс ислемей атыр­ған өндирислик майданларына киргизиўге айрықша итибар қарата отырып, оларды оптималластырыў бойынша усынысларды усынсын, бул, өз гезегинде, жаңа кәрханаларды шөлкемлестириў ҳәм олардың аз қаржы сарплаған ҳалда нәтийжели жумыс алып барыўын тәмийинлейди;

үш ай мүддетте Өзбекистан Республикасы Инвестициялар бойынша мәмлекетлик комитети (А.И.Ахмедходжаев), аймағында ЕЭЗ шөлкемлестирилген Қарақалпақстан Республикасы Министрлер Кеңеси, ўәлаятлардың ҳәкимликлери менен биргеликте аймақлардың өзгешеликлери, бар тәбийғый, минерал-шийки зат, аўыл хожалығы менен мийнет потенциалынан келип шыққан ҳалда, еркин экономикалық зоналардың қәнигелесиўин белгилесин, оларды перспективалы раўажландырыў стратегиясын ислеп шықсын;

2017-жылдың  1-октябрине шекем Өзбекистан Республикасы Инвестициялар бойынша мәмлекетлик комитети (А.И.Ахмедходжаев), басқа да мәпдар министрликлер, ведомстволар ҳәм хожалық бирлеспелери, ўәкилликли коммерциялық банк­лер, орынлардағы мәмлекетлик ҳәкимият уйымлары, жеке меншик исбилерменлик пенен биргеликте анық жойбар усынысларын ислеп шықсын, еркин экономикалық зоналардың аймағында орналастырыў ушын 2018-жылғы инвестициялық жойбарлардың портфелин қәлиплестирсин;

Өзбекистан Республикасының Инвестициялық бағдарламалары шеңберинде ҳәр жылы буйыртпашылар, жойбарлаў ҳәм жумысты бөлип алыў шөлкемлери, қаржыландырыў дәреклерин анық белгилеген ҳалда, еркин экономикалық зоналардың аймағында, бәринен бурын, өндиристи жергиликлилестириў бойынша санаат кәрханаларын және инфраструктура объектлерин қурыўдың ҳәм иске қосыўдың мәнзилли дизимин қәлиплес­тирсин;

еркин экономикалық зоналардың аймағында шөлкемлестирилген өндирис кәрханалары жумысының нәтийжелилигин, олардың елимиздиң экспорт потенциалын кеңейтиўде қатнасын турақлы түрде факторлы тийкарда талқыласын.

10. Өзбекистан Республикасы Инвестициялар бойынша мәмлекетлик комитети (А.И.Ахмед­ходжаев):

Өзбекистан Республикасының шет елдеги дипломатиялық ўәкилханалары менен биргеликте болажақ шет ел инвесторлары, бәринен бурын, тиккелей шет ел инвестицияларын, сондай-ақ, халықаралық қаржы инс­титутлары, донор еллер, шет елли банклер, компаниялар менен фондлардың қаржы ресурслары ҳәм техникалық көмеклесиў қаржыларын (грантлары) ЕЭЗ аймағында әмелге асырылатуғын жойбарларға тартыўды тәмийинлесин;

шет елли инвесторлардан түсетуғын перспективалы усыныслар тийкарында жойбарлар бойынша ЕЭЗ шеңберинде әмелге асырыў ушын усыныслар таярласын;

болажақ инвесторларды ЕЭЗда бизнес жүргизиў ушын жаратылған қолайлы шараятлар менен таныстырыў мақсетинде шет мәмлекетлерде илажлар (бизнес-форумлар, дөгерек сәўбетлери, таныстырыўлар, арнаўлы видеороликлер таярлаў, ҒХ#да сәўлелендириў ҳәм басқалар) таярласын ҳәм өткерсин;

тартылатуғын шет ел инвестицияларынан нәтийжели пайдаланыў, ЕЭЗ қатнасыўшыларының алынған қарыз қаржыларын өз ўақтында қайтарыўды системалы мониторинг етип барсын.

Өзбекистан Республикасы Инвестициялар бойынша мәмлекетлик комитетине жүкленген ўазыйпаларды әмелге асырыў ушын оның орайлық аппараты структурасында 4 адамнан ибарат Еркин экономикалық зоналарды раўажландырыў мәселелери бойынша бөлим шөлкемлестирилсин.

11. Өзбекистан Республикасы мәмлекетлик архитектура ҳәм қурылыс комитети (Б.И.Зокиров, К.Н.Тўлаганов) жойбарлаў институтлары менен биргеликте:

ЕЭЗ аймағында санаат кәрханаларын, транспорт, инженерлик-коммуникация инфраструктурасы объектлерин қурыў бо­йынша техникалық ўазыйпалар, инвестициялық жойбарлардың жойбарлаў ҳүжжетлерин өз ўақтында ҳәм сапалы ислеп шықсын;

белгиленген стандартлар, қурылыстың нормалары менен қағыйдаларына қатаң әмел еткен ҳалда, ЕЭЗ аймағында жайлас­қан объектлер бойынша әмелге асырылып атырған жойбарлаў ҳәм қурылыс-монтажлаў жумысларының сапасын турақлы тийкарда мәмлекетлик архитектура-қурылыс қадағалаўын әмелге асырсын.

12. Мәмлекетлик салық комитети (Б.Р.Парпиев) ҳәм Мәмлекетлик бажыхана комитети (М.В.Тохирий):

ЕЭЗ қатнасыўшылары ушын нызамшылықта белгиленген салық ҳәм бажыхана жеңилликлери және преференцияларына, валюта режиминиң айрықша шәртлерине сөзсиз әмел етилиўин, олардың хожалық жумысына араласыўға жол қоймаўды;

ЕЭЗ қатнасыўшылары инвес­тициялық жойбарларды әмелге асырыў шеңберинде техноло­гия­лық үскенелер, материаллар, аўысық бөлеклерди ҳәм комплектлеўши буйымларды алып кириўде усыныс етилген салық ҳәм бажыхана жеңилликлеринен мақсетли пайдаланыўы үстинен қатаң қадағалаў орнатылыўын тәмийинлесин.

13. Қарақалпақстан Республикасы Министрлер Кеңесиниң Баслығы, ўәлаятлардың ҳәкимлери:

ЕЭЗ аймағында әмелге асырыў ушын перспективалы жойбарларды өз ўақтында көрип шығыў ҳәм келисим алынған унамлы жуўмақлар тийкарында хожалық субъектлерине ЕЭЗ қатнасыўшысы статусын бериўди тәмийинлесин;

ЕЭЗ аймағында мақулланған инвестициялық жойбарлар бо­йынша «жол карталары»н ислеп шықсын ҳәм әмелге асырылыўын тәмийинлесин;

жойбарларды ЕЭЗ аймағында орналастырыў ушын жер участ­калары менен объектлер ажыратыў ҳаққындағы қарарларды өз ўақтында қабыл етсин.

14. Өзбекистан Республикасы Турақ жай коммуналлық хызмет көрсетиў министрлиги (М.Х.Солиев), Автомобиль жоллары мәмлекетлик комитети (А.А.Абдувалиев), «Өзбекэнерго» АЖ (У.М.Мустафоев) ҳәм «Өзтрансгаз» АЖ (А.С.Мустафоев) басшыларына ЕЭЗ қатнасыўшылары болған хожалық субъектлерин сыртқы инженерлик-коммуникация инфраструктурасына өз ўақтында жалғаў ҳәм үзликсиз ислеўин тәмийинлеў бойынша жеке жуўапкершилик жүкленсин.

15. Өзбекистан Республикасы Бас министриниң биринши орынбасары А.Ж.Раматов «Өзбекистан темир жоллары» АЖ (А.С.Шукуров), «Өзбекистан ҳаўа жоллары» МАК (В.Н.Тян), Өзбекистан автомобиль ҳәм дәрья транспорты агентлиги (В.В.Исмоилов) менен биргеликте еки ай мүддетте Минис­трлер Кабинетине ЕЭЗдың республика автомобиль ҳәм темир жол тармақлары менен интеграцияластырылған транспорт-логистика инфраструктурасын шөлкемлестириўге байланыслы усынысларды киргизсин.

16. Сыртқы саўда министрлиги (Э.М.Ғаниев) Экономика министрлиги (Г.К.Саидова), Инвес­тициялар бойынша мәмлекетлик комитети (А.И.Ахмедходжаев), Мәмлекетлик бажыхана комитети (М.В.Тохирий), «Өзфармсанаат» АК (М.М.Дўсмуратов) ҳәм басқа да мәпдар министрликлер ҳәм ведомстволар менен биргеликте бир ай мүддетте Арнаўлы комиссияға 2018-2019-жылларда ЕЭЗ аймағында әмелге асырыў ушын усыныс етилетуғын өндиристи жергиликлилестириўге байланыслы жаңа жойбарлар бойынша усыныслар киргизсин.

17. Арнаўлы комиссия Өзбекистан Республикасы Экономика министрлиги (Г.К.Саидова), Қаржы министрлиги (Б.А.Хўжаев), Сыртқы саўда министрлиги (Э.М.Ғаниев), Әдиллик минис­трлиги (М.М.Икромов), Инвестициялар бойынша мәмлекетлик комитети (А.И.Ахмедходжаев) ҳәм басқа да мәпдар министрликлер ҳәм ведомстволар менен биргеликте:

бир ҳәпте мүддетте Өзбекистан Республикасы Президентиниң «Еркин экономикалық зоналардың жумыс нәтийжелилигин хошаметлеўди буннан былай да күшейтиў илажлары ҳаққында»ғы пәрманының жойбарын белгиленген тәртипте усыныс етсин;

еки ай мүддетте Өзбекистан Республикасы Министрлер Кабинетине нызамшылыққа усы қарардан келип шығатуғын өзгерислер менен қосымшалар киргизиў туўралы усыныслар киргизсин.

18. Усы қарардың орынланыўын қадағалаў Өзбекистан Республикасының Бас министри А.Н.Ариповқа ҳәм Өзбекистан Республикасы Президентиниң Мәмлекетлик кеңесгөйи В.А.Голишевке жүкленсин.


Өзбекистан Республикасы  Президенти Ш.МИРЗИЁЕВ.

Ташкент қаласы, 2017-жыл 7-август.

Просмотров: 48 | Автор: Erkin | Дата: 10.08.2017 10:32
 
Излеў

Календарь
2017
Август
ДүСиШәБиЖуШеЕк
 123456
78910111213
14151617181920
21222324252627
28293031   

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Copyright MyCorp © 2012