Еркин Қарақалпақстан Вести Каракалпакстана Жума, 18 Август, 2017
Хош келипсиз Мийман | RSS
Сайт мазмуны

Мини-чат
Последнее сообщение: 16 hours, 27 minutes назад
  • Исатай [15:42] : Бугунги кунге шекем болган Хурметли Президентимиздин баянатларынын каракалпак тилиндеги вариантларын бир устин ашып жайластырыу халыкка хар тареплеме колайлык жараткан болар еди! Усы усыныс редакция тарепинен инаб
  • Бахаш [09:42] : Президентимиз айткандай Сизин газетанызда "Олам гулистон"!
  • baxa [10:17] : Erkin Qaraqalpaqstan gazetasin sho'lkemlestirgen agamiz Allayar Dosnazarov haqqinda toliq mag'luwmat bersen'iz
  • Parakhay [10:51] : Президентимиздин парман карарларын кай жерден тапса болады?
  • нокис [12:41] : газетанын бас редакторга сорау; неге газетаниз еркин сатлуда жок?
  • нокис [12:37] : салем
  • null [14:14] : 1
  • Damir [17:29] : Ushbu gazeta ijodkorlariga savolim bor edi. Mini-chatga yozsam javob olamanmi?
  • карекен [21:27] : Нокистин жоллары хаккында макала жазсанлар жуда зор болар еди, бирак мактап емес. Мыс: Беруний, Курбанов кошелеринен автомашина журиуи мумкин емес, дамасларга рахмет кунда 1000 отеди ол жерлерден. Ози исленеме екен бул ж
  • Акылбек [18:05] : Ассалаума алейкум хурметли "Еркин Каракалпакстан" редакциясы хызметкерлери! Мен, Сиздин, газетанызга бир макала бережакпан. Соны Кандай амелге асырыуыма болады?

Бизиң сораўлар
Сайтымызға баҳа бериң
 

Статистика
Сейчас 986 гостей онлайн

Кириў усылы




Пәрман
Дата: 10.08.2017 10:15

ӨЗБЕКИСТАН РЕСПУБЛИКАСЫ ҚУРЫЛЫС ТАРАЎЫ ХЫЗМЕТКЕРЛЕРИ КҮНИН БЕЛГИЛЕЎ ҲАҚҚЫНДА

Өзбекистан Республикасы Президентиниң пәрманы

Елимизде қурылыс ҳәм дөретиўшилик жумысларына қаратылып атырған жоқары итибар нәтийжесинде салада үлкен табыслар қолға киргизилмекте. Қала ҳәм аўыллық елатлы пункт­лердиң архитектуралық келбетин түп-тийкарынан жаңалаў, оларды заманагөй қала қурылысы талаплары тийкарында раўажландырыў ҳәм халықтың турақ жай және социаллық-турмыслық шараятын жақсылаўға қаратылған комплексли илажлардың әмелге асырылыўы нәтийжесинде бүгинги күнде елимиз үлкен қурылыс-дөретиўшилик майданына айланды.

Усы қурылыс-дөретиўшилик жумысларын әмелге асырыў ушын республикамызда 23,8 мың жумысты бөлип алып ислеўши шөлкемлер, 31 бас жойбарлаў институты ҳәм 1000 ға шамалас жойбарлаў шөлкемлери жумыс алып бармақта. Елимизде қурылыс саласы ушын маман кадрлар таярлаў бойынша 3 архитектура ҳәм қурылыс институты жумыс алып бармақта. Сондай-ақ, 12 жоқары оқыў орнында ҳәм 390 кәсип-өнер колледжинде қурылыс саласы ушын маман кадрлар таярланады.

2017-жылы республикамыз бо­йынша барлық дәреклер есабынан жәми 37,5 триллион сум көлемде қурылыс жумыслары әмелге асырылып, өткен жылға салыстырғанда 120,5 процентке өсиўи бақланды. Нәтийжеде бы­йылғы жылы жәми  15 мың арзан үлги жойбардағы турақ жайлар, 191 арзан көп қабатлы жайлар ҳәм 2,5 мың социаллық тармақ объектлери пайдаланыўға тапсырылды.

Тастыйықланған мақсетли бағдарламалар шеңберинде арзан үлги жойбардағы турақ жайлар, көп қабатлы жайлар ҳәм социаллық сала объектлеринен тысқары, ири имаратлар менен инфраструктура объект­лери де пайдаланыўға тапсырылмақта. Атап айтқанда, соңғы жыллары Ташкент қаласында «Бунёдкор» стадионы, «Ҳаятт Риженси» мийманханасы, «Инҳа» университети филиалы, «Минор» мешити, Ферғана қаласында көркем өнер сарайы ҳәм футбол стадионы, Жиззақ қаласында стадион ҳәм универсал спорт комплекси, Үргениш қаласында универсал спорт комплекси ҳәм Наўайы мәмлекетлик кәншилик инс­титуты имаратлары заманагөй қала қурылысы талаплары тийкарында қурылды.

Қурылыс саласын жедел раўажландырыў, қурылыста жаңа технологияларды ҳәм энергияны үнем­леўши материалларды қолланыў, қурылыс-жумысты бөлип алып ислеўши ҳәм жойбарлаў шөлкемлериниң материаллық-техникалық базасын беккемлеў және олар ушын маман кадрлар таярлаў системасын күшейтиў саланың раўажланыўында жаңа дәўирди баслап берди.

Тараўда кең көлемли реформалардың әмелге асырылыўы нәтийжесинде бүгинги күнге келип қурылыс саласы өзиниң раўажланыўының жаңа басқышына көтерилди.

Республикада әмелге асырылып атырған қурылыс ҳәм дөретиўшилик жумысларын жедел­лес­тириў, бүгинги күнде тараўда қолға киргизилип атырған табысларды үгит-нәсиятлаў ҳәм тараўда хызмет көрсетип атыр­ған қәнигелерди хошаметлеў мақсетинде, сондай-ақ, тараўда мийнет етип атырған кең жәмийетшиликтиң усынысларын есапқа алып:

1. 2017-жылдан баслап август айының екинши екшемби күни «Өзбекистан Республикасы қурылыс саласы хызметкерлери күни» деп жәриялансын.

2. Өзбекистан Республикасы Министрлер Кабинети, Қарақалпақстан Республикасы Минис­трлер Кеңеси, Ташкент қаласы ҳәм ўәлаятлардың ҳәкимликлери, «Давар­хитект­қурилиш» комитети, тийисли министрликлер, ведомстволар, хожалық бирлеспелери менен шөлкемлер «Өзбекистан Республикасы қурылыс тараўы хызметкерлери күни»н тараўға сай тәризде ҳәм көтериңки түрде белгилеўди тәмийинлесин.

3. Өзбекистан Миллий телерадиокомпаниясына, Өзбекистан Миллий мәлимлеме агентлигине ҳәм басқа да ғалаба хабар қуралларына «Өзбекистан Республикасы қурылыс саласы хызметкерлери күни»н белгилеўге байланыслы илажларды кеңнен сәўлелендириў усыныс етилсин.

4. Өзбекистан Республикасы Министрлер Кабинети еки ай мүддет ишинде «Өзбекистан Республикасы қурылыс саласы хызметкерлери күни»н белгилеў бойынша тийисли нызам жойбарын ислеп шықсын ҳәм Өзбе­кистан Республикасы Олий Мажлиси Нызамшылық палатасына киргизсин.

5. Усы пәрманның орынланыўын қадағалаў Өзбекистан Республикасы Бас министриниң биринши орынбасары — «Өзбекистан темир жоллары» акционерлик жәмийети басқармасының баслығы А.Ж.Раматовқа жүкленсин.

Өзбекистан Республикасы Президенти  Ш.МИРЗИЁЕВ.

Ташкент қаласы, 2017-жыл 7-август.

Просмотров: 38 | Автор: Erkin | Дата: 10.08.2017 10:15
 
Излеў

Календарь
2017
Август
ДүСиШәБиЖуШеЕк
 123456
78910111213
14151617181920
21222324252627
28293031   

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Copyright MyCorp © 2012