Еркин Қарақалпақстан Вести Каракалпакстана 16:54:02, 18.10.2017
Хош келипсиз! | RSS
Сайт мазмуны

Кириў усылы

ШЕГАРАДАН НЫЗАМСЫЗ ӨТЕМЕН ДЕП...

Ҳақыйқатында жынаятты биреў билқастан ислесе, биреў билместен ислейди. Лекин, билип исле, билмей исле, жынаят иследиң бе, нызам алдында жуўап бериўиң шәрт.

Нөкис қаласы, «Нәўбәҳәр» мәкан пуқаралар жыйыны аймағындағы Ел азат көшеси турғыны Батыров Аралбай Артықбаевич те қол ушы талап ислеў мақсетинде Қазақстан Республикасында жумыс ислеп жүрип пуқаралық паспортын жойтып алады. Бул ҳаққында жергиликли уйымларға хабарласқаны менен нәтийже шықпағаннан соң шегарадан өткерип салатуғын адам излейди.

Атап айтқанда, А.Батыров өткен жыл 8-декабрь күни 1999-жыл 20-август күнги «Өзбекистан Республикасының мәмлекетлик шегарасы ҳаққында»ғы Нызамын ҳәм Өзбекистан Республикасы Министрлер Кабинетиниң 1995-жыл 6-январь күнги қарары менен тастыйықланған «Өзбекистан Республикасы пуқараларының шет елге шығыў ҳәм Өзбекистан Республикасы аймағына кириў тәртибин» бузып, тергеў дәўиринде шахсларын анықлаў мүмкиншилиги болмаған қазақстанлы пуқаралар менен алдын-ала жынайый тил бириктирип, бир топар болып Шымкент қаласы аймағы арқалы айланба жоллар менен елимизге нызамсыз рәўиште кирип келген.

Нызамсыз шегарадан өтемен деп басы бәлеге қалған Аралбайдың айыбы толық мойнына қо­йылды ҳәм нызамда белгиленген тәртипте суд уйы­мы тәрепинен жаза тайынланды.

Б.ҚУРБАНОВ.

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF