Еркин Қарақалпақстан Вести Каракалпакстана Дүйшемби, 26 Июнь, 2017
Хош келипсиз Мийман | RSS
Сайт мазмуны

Мини-чат
Последнее сообщение: 1 month, 4 weeks назад
  • Parakhay [10:51] : Президентимиздин парман карарларын кай жерден тапса болады?
  • нокис [12:41] : газетанын бас редакторга сорау; неге газетаниз еркин сатлуда жок?
  • нокис [12:37] : салем
  • null [14:14] : 1
  • Damir [17:29] : Ushbu gazeta ijodkorlariga savolim bor edi. Mini-chatga yozsam javob olamanmi?
  • карекен [21:27] : Нокистин жоллары хаккында макала жазсанлар жуда зор болар еди, бирак мактап емес. Мыс: Беруний, Курбанов кошелеринен автомашина журиуи мумкин емес, дамасларга рахмет кунда 1000 отеди ол жерлерден. Ози исленеме екен бул ж
  • Акылбек [18:05] : Ассалаума алейкум хурметли "Еркин Каракалпакстан" редакциясы хызметкерлери! Мен, Сиздин, газетанызга бир макала бережакпан. Соны Кандай амелге асырыуыма болады?
  • Гулбахар [15:53] : Газетанын жумыс кунин кошириу хаккында маглыуматек
  • Гулбахар [15:52] : Еркин Каракалпакстан Газетасынын сонгы санындагы маглыуматлар керек еди
  • Досан [17:51] : Руслан калай

Бизиң сораўлар
Сайтымызға баҳа бериң
 

Статистика
Сейчас 612 гостей онлайн

Кириў усылы




АРАМЫЗДАҒЫ АДАМЛАР
Дата: 16.05.2017 10:55

КЕГЕЙЛИДЕ БИР  ИНСАН  БАР...

«Устаз — атаңнан уллы» деген даналық гәп бар. Шынында да, ата-ана өз перзентин жарық дүньяға келтирсе, ал, «Устаз» атлы уллы инсан баланың билимли, ақыллы болыўына себепши болады. Устаз деген атқа миясар болыў болса ҳәркимге де несип ете бермейди.

Өмириниң көп жылын жасларға тәлим-тәрбия берип, келешек әўладқа руўхый байлық, күш-жигер оятыў усаған әдиўли ислерди әмелге асырып келген кегейлиши нураный устазлардың бири Назарбай Юсупов есапланады. Ол 1947-жылы Кегейли елатында дүньяға келди. Назарбай аға аўыллық мектепти тамамлап, Нөкис мәмлекетлик педагогикалық институтының тәбияттаныў факультетине оқыўға кирип, оны 1970-жылы айрықша баҳалар менен питкерип шығады. Сол жылы райондағы 16-cанлы мектепке муғаллим болып, устазлық қәдемин баслаған ол кейин ала, мектеп директоры орынбасары, мектеп директоры, районлық халық билимлендириў бөлими методисти, инспекторы болып хызмет ат­қарады. Ал, 2002-жылдан напақаға шығаман дегенше райондағы 30-санлы мектептиң директоры болып, бул ўазыйпаны нәтийжели атқарды.

Жәмәәтте қандай унамлы нәтийже, жетискенликлерге ерисилген болса, бәри басшының жан күйдирип, өз жәмәәтин изине ертип, туўры бағдарлаўында. Назарбай аға тынып-тыншыўды билмеген, өз кеңеслерин оқыўшыларға, жас қәнигелерге үйретиўден ҳеш жалықпады.

Ол тек ғана тәлим-тәрбия берип қоймастан, баспасөз бетлерине оқытыў методикасына ҳәм тәлим-тәрбия мәселелери бойынша  мақалалар жазып турды. Оның ис тәжирийбелери ўақтында районлық, республикалық газета бетлеринде басып шығарылды.

— Устазымыз Назарбай аға жәмәәтте өзиниң жоқары адамгершилиги, әлпайымлылығы менен ажыралып турады. Оннан бизлер көп нәрселерди үйрендик. Ҳәзир мен де усы кәсипте ислер екенмен, устазымдай инсан болыўға тырысаман,-дейди шәкирт­лериниң бири З.Баймуратова.

Н.Юсуповтың усындай тынымсыз мийнетлери, излениўлери, педагогикалық тәжирийбелери есапқа алынып, оған бир неше мәрте Өзбекистан ҳәм Қарақалпақстан Халық билимлендириў министрликлериниң «Ҳүрмет жарлық»лары, Қарақалпақстан Республикасы Халық билимлендириў ағласы көкирек нышанлары тапсырылды.

Көп жыллық тәжирийбеге ийе устаз мақтаныш етсе арзыйтуғындай көплеген шәкирт­лер таярлады. Бүгинги күни шәкирт­леринен Ж.Әлибекова, Р.Көптилеўова, У.Шайпуршова, Г.Әметовлар устаз өмириниң нурлы келешеги болып есапланады.

Быйыл жетписинши бәҳәрин қарсылап атырған әдиўли устаз Назарбай Юсупов шаңарақта мийирман әке. Зайыбы Қутлыбийке апа менен он перзентти камалға келтирген үлкен шаңарақ басшысы. Олардың барлығы жоқары оқыў орынларын питкерип, турмыста өз орынларын тапқан. Усындай мол тәжирийбелери менен табысларға толы болған Назарбай ағаның өмир жолы үлги болары сөзсиз.

Р.АРЗИЕВ.

Просмотров: 127 | Автор: Erkin | Дата: 16.05.2017 10:55
 
Излеў

Календарь
2017
Июнь
ДүСиШәБиЖуШеЕк
   1234
567891011
12131415161718
19202122232425
2627282930  

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Copyright MyCorp © 2012