Еркин Қарақалпақстан Вести Каракалпакстана Жума, 18 Август, 2017
Хош келипсиз Мийман | RSS
Сайт мазмуны

Мини-чат
Последнее сообщение: 16 hours, 30 minutes назад
  • Исатай [15:42] : Бугунги кунге шекем болган Хурметли Президентимиздин баянатларынын каракалпак тилиндеги вариантларын бир устин ашып жайластырыу халыкка хар тареплеме колайлык жараткан болар еди! Усы усыныс редакция тарепинен инаб
  • Бахаш [09:42] : Президентимиз айткандай Сизин газетанызда "Олам гулистон"!
  • baxa [10:17] : Erkin Qaraqalpaqstan gazetasin sho'lkemlestirgen agamiz Allayar Dosnazarov haqqinda toliq mag'luwmat bersen'iz
  • Parakhay [10:51] : Президентимиздин парман карарларын кай жерден тапса болады?
  • нокис [12:41] : газетанын бас редакторга сорау; неге газетаниз еркин сатлуда жок?
  • нокис [12:37] : салем
  • null [14:14] : 1
  • Damir [17:29] : Ushbu gazeta ijodkorlariga savolim bor edi. Mini-chatga yozsam javob olamanmi?
  • карекен [21:27] : Нокистин жоллары хаккында макала жазсанлар жуда зор болар еди, бирак мактап емес. Мыс: Беруний, Курбанов кошелеринен автомашина журиуи мумкин емес, дамасларга рахмет кунда 1000 отеди ол жерлерден. Ози исленеме екен бул ж
  • Акылбек [18:05] : Ассалаума алейкум хурметли "Еркин Каракалпакстан" редакциясы хызметкерлери! Мен, Сиздин, газетанызга бир макала бережакпан. Соны Кандай амелге асырыуыма болады?

Бизиң сораўлар
Сайтымызға баҳа бериң
 

Статистика
Сейчас 1027 гостей онлайн

Кириў усылы




ҚАРАР
Дата: 16.05.2017 10:43

ХАЛЫҚТЫҢ БӘНТЛИГИН ТӘМИЙИНЛЕЎ БОЙЫНША АЛЫП БАРЫЛЫП АТЫРҒАН ЖУМЫСЛАРДЫ ЖЕТИЛИСТИРИЎДЕ ҲӘМ НӘТИЙЖЕЛИЛИГИН АРТТЫРЫЎДА ЖЕРГИЛИКЛИ АТҚАРЫЎШЫ ҲӘКИМИЯТТЫҢ ҲӘМ ЭКОНОМИКАЛЫҚ КОМПЛЕКСТИҢ АЙМАҚЛЫҚ УЙЫМЛАРЫ БАСШЫЛАРЫНЫҢ ЖЕКЕ ЖУЎАПКЕРШИЛИГИН АРТТЫРЫЎ ИЛАЖЛАРЫ ҲАҚҚЫНДА

Өзбекистан Республикасы Президентиниң Қарары

Жаңа жумыс орынларын шөлкемлестириў, экономика тармақлары кәрханаларының ҳәм исбилерменлик субъектлериниң жумысын раўажландырыўда және кеңейтиўде оларға әмелий жәрдем көрсетиў бойынша анық бағдарланған ҳәм системалы жумысларды алып барыўда жергиликли атқарыўшы ҳәкимият ҳәм экономикалық комплекстиң аймақлық уйымлары басшыларының жеке жуўапкершилигин күшейтиў, усы тийкарда бәнтлиги тәмийинленбеген халықты, әсиресе, кәсип-өнер колледжлери питкериўшилерин жумысқа орналастырыў мәселелерин шешиў мақсетинде:

1. 2017-жылдың 1-июлинен баслап жергиликли атқарыўшы ҳәкимияттың ҳәм экономикалық комплекстиң аймақлық уйымлары басшыларын халықтың бәнтлигин арттырыў ушын материаллық хошаметлеў ҳәм жеке жуўапкершилигин күшейтиў системасын енгизиў, оған муўапық:

Қарақалпақстан Республикасы Министрлер Кеңесиниң Баслығы, ўәлаят, қала ҳәм районлардың ҳәкимлери халықтың бәнтлиги өсиўиниң тастыйықланған ҳәр шеректеги болжаў көрсеткишлериниң (кейинги орынларда — болжаў көрсеткишлери) орынланыўын тәмийинлегенде оларға лаўазымлық мийнет ҳақысының 15 проценти муғдарында сыйлық төленеди, болжаў көрсеткишлериниң орынланыўын тәмийинлемегенде лаўазымлық мийнет ҳақысының 15 проценти муғдарында жәрийма түринде интизамлық жаза илажлары қолланылады;

Қарақалпақстан Республикасы Министрлер Кеңеси Баслығының, ўәлаят, қала ҳәм районлардың ҳәкимлериниң биринши орынбасарларына, экономикалық комплекс­тиң аймақлық уйымлары басшыларына болжаў көрсеткишлериниң орынланыўын тәмийинлегенде лаўазымлық мийнет ҳақысының 20 проценти муғдарында сыйлық төленеди, болжаў көрсеткишлери орынланыўын тәмийинлемегенде лаўазымлық мийнет ҳақысының 20 проценти муғдарында жәрийма салынады.

2. Төмендегилер:

Халықтың бәнтлиги өсиўиниң болжаў көрсеткишлерин орынлағаны ушын жергиликли атқарыўшы ҳәкимият уйымларының басшыларын ҳәм экономикалық комплекс­тиң аймақлық уйымлары басшыларын материаллық хошаметлеў ҳәм жеке жуўапкершилигин күшейтиў тәртиби ҳаққындағы реже 1-қосымшаға муўапық;

Өзбекистан Республикасы аймақлары кесиминде 2017-жылдың III ҳәм IV шерегинде халықтың бәнтлиги өсиўиниң болжаў көрсеткишлери                 2-қосымшаға муўапық тас­тыйықлансын.

Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери Өзбекистан Республикасы Экономика министрлиги, Мийнет министрлиги, Мәмлекетлик салық комитети менен биргеликте еки ҳәпте мүддетте 2017-жылдың III ҳәм IV шерегинде халықтың бәнтлиги өсиўин тәмийинлеў аймақлық болжаў көрсеткишлерин район ҳәм қалалар кесиминде тастыйықласын.

3. 2018-жылдан баслап:

Халықтың бәнтлиги өсиўиниң болжаў көрсеткишлери республикамыз аймақлары кесиминде ҳәр шерек бойынша бөлистирилген ҳалда, тастыйықланған аймақлық ҳәм тармақлық раўажланыў бағдарламаларына муўапық шөлкемлестирилетуғын турақлы жумыс орынлары көрсеткишлерин инабатқа алып, Өзбекистан Республикасы Олий Мажлиси тәрепинен тастыйықланатуғын ҳәр жылғы Халықтың бәнтлиги бағдарламасына киргизилетуғыны;

халықтың бәнтлиги өсиўиниң болжаў көрсеткишлери қала ҳәм районлар кесиминде Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери тәрепинен тастыйықланатуғын ҳәр жылғы халықтың бәнтлиги мәнзилли аймақлық бағдарламаларына киргизилетуғыны белгилеп қойылсын.

4. Төмендегилер:

жергиликли атқарыўшы ҳәкимият уйымлары басшыларына ҳәм олардың биринши орынбасарларына және экономикалық комплекстиң аймақлық уйымлары басшыларына сыйлық ямаса жәрийма көлемин белгилеў ушын тийкар болатуғын халықтың бәнтлиги өсиў көрсеткишлерин анықлаўда жумыс пенен тәмийинленген халық санының тасты­йықланған болжаў көрсеткишлерине салыстырмалы өзгериўи есапланатуғыны;

жумыс пенен тәмийинленген халықтың саны Өзбекистан Республикасы Қаржы министрлиги жанындағы бюджеттен тысқары пенсия қорына қамсызландырыў төлемлерин төлеп атырған пуқаралардың улыўма саны тийкарында анықланатуғыны;

жергиликли атқарыўшы ҳәкимият уйымларының басшыларына ҳәм олардың биринши орынбасарларына және экономикалық комплекстиң аймақлық уйымлары басшыларына сыйлық бериў ҳәм олардың айлық мийнет ҳақысынан жәрийма өндириў ҳәр шерек болжаў көрсеткишлери орынланыўының нәтийжелерине бола келеси шерек даўамында әмелге асырылатуғыны белгиленсин.

5. Жергиликли атқарыўшы ҳәкимияттың ҳәм экономикалық комплекс­тиң аймақлық уйымлары басшыларын халықтың бәнтлигин арттырыў ушын материаллық хошаметлеў ҳәм жеке жуўапкершилигин күшейтиў илажларын муўапықластырыў бойынша комиссия (кейинги орынларда — Комиссия) қурамы 3-қосымшаға муўапық шөлкемлестирилсин.

Комиссия (А.Н.Ари­пов):

Өзбекистан Республикасы  Мийнет министрлиги,  Мәмлекетлик салық комитети ҳәм Қаржы министрлиги жанындағы бюджеттен тысқары Пенсия қоры тәрепинен болжаў көрсеткишлердиң аймақлар кесиминде орынланыўы ҳаққында киргизилген мағлыўматлар тийкарында Қарақалпақстан Республикасы Минис­трлер Кеңесиниң Баслығына, ўәлаятлар ҳәм Ташкент қаласы ҳәкимлерине ҳәм олардың биринши орынбасарларына оларды материаллық хошаметлеў ҳәм жеке жуўапкершилигин күшейтиў илажларын қолланыў туўралы мәселени ҳәр шеректиң жуўмақлары бойынша көрип шықсын;

халықтың бәнтлиги болжаў көрсеткишлерин орынлаў ушын материаллық хошаметлеўди ҳәм жеке жуўапкершиликти күшейтиў системасын жетилистириў бойынша илажлар, сондай-ақ, экономикалық комплекстиң аймақлық уйымларының басшыларына хошаметлеў ҳәм интизамлы жаза қолланыў бойынша тийисли илажлар көриў ҳаққында усыныслар киргизсин.

Комиссияға, зәрүрлик туўылғанда, Өзбекистан Республикасы Экономика министрлиги ҳәм Мийнет министрлиги, жергиликли атқарыўшы ҳәкимият уйым­ларының болжаў көрсеткишлериниң әмелде орынланыў динамикасынан келип шыға отырып, ислеп шыққан тийкарланған усыныслары бойынша Өзбекистан Республикасы аймақлары кесиминде тастыйықланған           2017-жылдың III ҳәм IV шерегинде халықтың бәнтлиги өсиўи болжаў көрсеткишлерине өзгерислер киргизиў ҳуқықы берилсин.

6. Болжаў көрсеткишлерин орынлағаны ушын сыйлықлар төлеў, орынланбағаны ушын лаўазым мийнет ҳақысынан жәриймалар өндириў төмендеги тәртипте әмелге асырылатуғыны белгилеп қойылсын:

Қарақалпақстан Республикасы Министрлер Кеңесиниң Баслығы, ўәлаятлар ҳәм Ташкент қаласы ҳәкимлерине ҳәм олардың биринши орынбасарларына — Комиссияның усынысы бойынша Минис­трлер Кабинетиниң қарары тийкарында;

қала ҳәм район ҳәкимлери ҳәм олардың биринши орынбасарларына — Қарақалпақстан Республикасы Министрлер Кеңесиниң Баслығы, ўәлаятлар ҳәм Ташкент қаласы ҳәкимлериниң қарарлары тийкарында;

экономикалық ком­плекстиң аймақлық уйымларының басшыларына — экономикалық комплекс­тиң республикалық уйымлары басшыларының қарарлары тийкарында.

7. Өзбекистан Республикасы Мәмлекетлик бюджет қаржылары есабынан қаржыландырылатуғын жергиликли атқарыўшы ҳәкимият уйымларының басшылары, олардың биринши орынбасарлары, сондай-ақ, экономикалық комплекстиң аймақлық уйымлары басшыларына сыйлықлар төлеў дәреги бюджет мәкемелери ҳәм шөлкемлери хызметкерлерин материаллық хошаметлеў арнаўлы фонды есапланатуғыны белгилеп қойылсын.

8. Қарақалпақстан Республикасы Министрлер Кеңесиниң Баслығы, ўәлаят, қала ҳәм районлардың ҳәкимлери, олардың биринши орынбасарлары, экономикалық комплекс­тиң аймақлық уйымлары басшылары өз жумысында экономика тармақлары кәрханаларына ҳәм исбилерменлик субъектлерине олардың жумысын раўажландырыўға ҳәм кеңейтиўге тосқынлық етип атыр­ған машқалаларды, соның ишинде, орынларға барып оларды системалы шешиўде әмелий жәрдем көрсетиў, усы тийкарда жумыс пенен тәми­йинленбеген халықты, әсиресе, кәсип-өнер кол­леджлери питкериўшилерин жумысқа орналастырыў мәселелерин шешиўге қатаң ҳәм сөзсиз әмел етсин.

9. Қарақалпақстан Республикасы Министрлер Кеңесиниң Баслығы, ўәлаят, қала ҳәм районлардың ҳәкимлери, олардың биринши орынбасарлары, сондай-ақ, экономикалық комплекстиң аймақлық уйымлары басшылары үзликсиз еки шерек даўамында 2 жыл даўамында үш шеректе болжаў көр­сеткишлери орынланбағанда олардың халықтың бәнтлигин тәмийинлеў бағдарындағы жумыслары қанаатландырарсыз, деп табылатуғыны ҳәм ийелеп турған лаўазымларына ылайық емес екенлиги мәселеси көрип шығылатуғыны  ескертилсин.

10. Өзбекистан Республикасы Экономика минис­трлиги, Мийнет министрлиги, Мәмлекетлик салық комитети, Меншиклестирилген кәрханаларға көмеклесиў ҳәм бәсекиликти раўажландырыў бойынша мәмлекетлик комитети, Инвестициялар бойынша мәмлекетлик комитети, Өзбекистан Республикасы Орайлық банки бир ай мүддетте экономикалық комплекс аймақлық уйымлары басшыларының халық бәнтлигиниң артыўын тәмийинлеўде материаллық хошаметлеў ҳәм жеке жуўапкершилигин арттырыў тәртибин, соның ишинде, тийисли болжаў көрсеткишлерин ислеп шығыў, тастыйықлаў ҳәм оның орынланыўын қадағалаўды есапқа ала отырып, ислеп шықсын ҳәм тастыйықласын.

11. Усы қарардың орынланыўын қадағалаў Өзбекистан Республикасының Бас министри  А.Н.Ариповқа жүкленсин.

Өзбекистан Республикасы Президенти    Ш.МИРЗИЁЕВ.

Ташкент қаласы, 2017-жыл 6-май.


Өзбекистан Республикасы ПрезидентиниҢ «ХалыҚтыҢ бӘнтлигин тӘмийинлеЎ бойынша алып барылып атырҒан жумысларды жетилистириЎде ҲӘм нӘтийжелилигин арттырыЎда жергиликли атҚарыЎшы ҲӘкимияттыҢ ҲӘм экономикалыҚ комплекстиҢ аймаҚлыҚ уйымлары басшыларыныҢ жеке жуЎапкершилигин арттырыЎ илажлары ҲаҚҚында»Ғы Қарарына

ТҮСИНИК

Өзбекистан Республикасы Президентиниң «Халықтың бәнтлигин тәмийинлеў бойынша алып барылып атырған жумысларды жетилистириўде ҳәм нәтийжелилигин арттырыўда жергиликли атқарыўшы ҳәкимияттың  ҳәм экономикалық комплекстиң аймақлық уйымлары басшыларының жеке жуўапкершилигин арттырыў илажлары ҳаққында»ғы қарары Өзбекистан Республикасы Президентиниң елимизди 2016-жылы социаллық-экономикалық раўажландырыўдың тийкарғы жуўмақлары ҳәм 2017-жылға мөлшерленген экономикалық бағдарламаның ең әҳмийетли бағдарларына бағышланған Министрлер Кабинетиниң кеңейтилген мәжилисиндеги баянатынан келип шығатуғын тапсырмалардың орынланыўын тәмийинлеў мақсетинде қабыл етилди.

Қабыл етилген қарар жаңа жумыс орынларын шөлкем­лестириў, экономика тармақлары кәрханаларының және исбилерменлик субъектлериниң жумысын раўажландырыўда ҳәм кеңейтиўде оларға әмелий жәрдем көрсетиў бо­йынша анық бағдарланған ҳәм системалы жумыслар алып барыўда жергиликли атқарыўшы ҳәкимият ҳәм экономикалық комплекстиң аймақлық уйымлары басшыларының жеке жуўапкершилигин күшейтиўге, сол тийкарда бәнт болмаған халықты, әсиресе, кәсип-өнер колледжлериниң питкериўшилерин жумысқа орналастырыў мәселелерин шешиўге қара­тылған.

Қарарға муўапық 2017-жылдың 1-июлинен баслап орынлардағы басшыларды материаллық хошаметлеў ҳәм олардың жеке жуўапкершилигин күшейтиўдиң принципиал жақтан жаңа системасы енгизилмекте. Оған муўапық Қарақалпақстан Республикасы Министрлер Кеңеси Баслығына, ўәлаят, қала ҳәм район ҳәкимлерине халықтың бәнтлиги өсиўиниң тастыйықланған ҳәр шерек болжаў көрсеткишлерин орынлағаны ямаса орынламағаны ушын лаўазымлы мийнет ҳақыларының 15 проценти муғдарында сәйкес түрде сыйлық бериледи ямаса жәрийма салынады, Қарақалпақстан Республикасы Министрлер Кеңеси Баслығының, ўәлаят, район  ҳәм қалалар ҳәкимлериниң биринши орынбасарларына және экономикалық комплекстиң аймақлық уйымлары басшыларына болса, олардың лаўазымлы мийнет ҳақыларының 20 проценти муғдарында тап сондай сыйлықлаў ямаса жәрийма салыў шаралары қолланылады.

Қарардың әҳмийетли тәрепи соннан ибарат, онда халықтың бәнтлиги өсиўиниң өлшеми сыпатында халықты мәмлекетлик социаллық қамсызландырыў және мийнет ҳәм пенсия нызамшылығы системалары менен қамтып алынған турақлы жумысқа орналастырыўы белгиленген. Әне усындай бәнтлик тәризи мийнет кепилликлерин қорғаўда, пенсия төлемлерин әмелге асырыў ушын мийнет стажын есапқа алыўда, турақ жай сатып алыў ҳәм жоқары билимлендириў мәкемелеринде оқыў ушын алынған кредитлерди төлеўде салық жеңилликлерине ийе болыў және халықтың күнделикли турмысында зәрүр болатуғын басқа да әмелдеги нызамшылық нормаларынан пуқараларымыз толық пайдаланыўына барлық имканият жаратады.

Усы мүнәсибет пенен қарарда орынлардағы басшы хызметкерлерге сыйлық бериў ямаса олардың лаўазымлы мийнет ҳақыларынан жәрийма өндириў муғдарын анықлаўда Өзбекистан Республикасы Қаржы министрлиги жанындағы бюджеттен тысқары Пенсия қорына қамсызландырыў төлемлерин төлеп атыр­ған халықтың бәнтлиги өсиўиниң болжаў көрсеткишлериниң орынланыўы есапқа алынатуғыны белгилеп қойылған.

Халықтың бәнтлиги өсиўиниң елимиз аймақларында, район ҳәм қалалардың кесиминде болжаў көрсеткишлери 2018-жылдан баслап ҳәр жылы Өзбекистан Республикасы Олий Мажлиси тәрепинен тас­тыйықланатуғын Халықтың бәнтлиги бағдарламасы және Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлериниң қарарлары менен тастыйықланатуғын халықтың бәнтлигиниң мәнзилли аймақлық бағдарламалары менен белгиленеди. 2017-жылдың үшинши ҳәм төртинши шереклеринде халықтың бәнтлиги өсиўиниң Өзбекистан Республикасы аймақлары кесиминде болжаў көрсеткишлери қабыл етилген бул қарар және жергиликли атқарыўшы ҳәкимият уйымларының ти­йисли қарарлары менен тасты­йықланады.

Бул қарар менен Халықтың бәнтлиги өсиўиниң болжаў көрсеткишлерин орынлағаны ушын жергиликли атқарыўшы ҳәкимият уйымларының басшыларын ҳәм экономикалық комплекстиң аймақлық уйымлары басшыларын материаллық хошаметлеў ҳәм жеке жуўапкершилигин күшейтиў тәртиби ҳаққындағы реже тас­тыйықланды ҳәм бул режеде анық және тастыйықланған мағлыўматларға тийкарлана отырып тийисли басшыларға хошаметлеў ямаса интизам жаза шараларын қолланыўдың интизамлы, ашық-айдын механизмлерин енгизиў нәзерде тутылғанын атап өтиў зәрүр.

Сондай-ақ, режеде бәнт бол­ған халықтың саны ҳәм оның өсиўи ҳаққындағы мағлыўматлар салық хызмети уйым­лары ҳәм бюджеттен тыс­қары Пенсия қорының мағлыўматлар базасындағы бюджеттен тысқары Пенсия қорына қамсызландырыў төлемлерин төлейтуғын физикалық шахслардың идентификация саны (СТИР) тийкарында қәлиплестириледи.

Режеге муўапық мийнет аймақлық басқармасы, мәмлекетлик салық басқармасы ҳәм бюджеттен тысқары Пенсия қоры басқармасы халықтың бәнтлигиниң өсиўи болжаў көрсеткишлериниң орынланыўы ҳаққындағы мағлыўматларды ҳәр шеректе қәлиплестирип, Қарақалпақстан Республикасы Жоқарғы Кеңеси Баслығына, ўәлаятлар ҳәм Ташкент қаласы ҳәкимлерине және Өзбекистан Республикасы Мийнет министрлиги, Мәмлекетлик салық комитети, Қаржы министрлиги жанындағы бюджеттен тысқары Пенсия қорына усынады.

Қарақалпақстан Республикасы Жоқарғы Кеңеси Баслығы, ўәлаятлар ҳәм Ташкент қаласы ҳәкимлери алынған мағлыўматлар тийкарында үш жумыс күни даўамында ра­йонлардың ҳәм қалалардың ҳәкимлерин және олардың биринши орынбасарларын сыйлықлаў ямаса лаўазымлық мийнет ҳақыларынан жәрийма өндириў ҳаққында қарар қабыл етиўи лазым.

Өзбекистан Республикасы Мийнет министрлиги, Мәмлекетлик салық комитети ҳәм Қаржы министрлиги жанындағы бюджеттен тысқары Пенсия қоры алынған мағлыўматлар тийкарында үш жумыс күни даўамында халықтың бәнтлигиниң өсиўи болжаў көрсеткишлериниң орынланыўы ҳаққындағы мәлимлемени ҳәр бир аймақ бойынша қәлиплестирип, бул қарар менен қабыл етилген Өзбекистан Республикасы Бас минис­три басшылығында арнаўлы шөлкемлестирилген Жергиликли атқарыўшы ҳәкимияттың ҳәм экономикалық комплекстиң аймақлық уйымлары басшыларын халықтың бәнтлигин арттырыў ушын материаллық хошаметлеў және жеке жуўапкершилигин күшейтиў илажларын муўапықластырыў бойынша комиссияға усыныўы лазым.

Режеге бола, Комиссия алынған мағлыўматлар тийкарында Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимлери менен олардың биринши орынбасарларын материаллық хошаметлеў ямаса олардың жеке жуўапкершилигин арттырыў шараларын қолланыў мәселесин көрип шығады.

Сондай-ақ, тастыйықлан­ған режеге қосымша рәўиште Өзбекистан Республикасы Экономика министрлиги, Мийнет министрлиги, Мәмлекетлик салық комитети, Меншиклестирилген кәрханаларға көмеклесиў ҳәм бәсекиликти раўажландырыў бойынша мәмлекетлик комитети, Инвестициялар бойынша мәмлекетлик комитети, Орайлық банкке бир ай мүддетте халықтың бәнтлиги өсиўин тәмийинлеў ушын экономикалық комплекстиң аймақлық уйымлары басшыларын материаллық хошаметлеў ҳәм олардың жеке жуўапкершилигин арттырыў тәртибин ислеп шығыў ҳәм тастыйықлаў тапсырмасы жүкленген.

Бунда экономикалық комплекстиң тийисли аймақлық уйымлары басшылары ушын халықтың бәнтлиги өсиўиниң көрсеткишлери ҳәм өлшемлери сыпатында аймақларды социаллық-экономикалық раўажландырыў бағдарламалары шеңберинде иске түсирилген жойбарлары, меншиклестирилген кәрханаларды раўажландырыўдың «жол карталары» ҳәм тиккелей инвестицияларының қатнасыўындағы инвестициялық жойбарларды әмелге асырыў, жеке тәртиптеги ҳәм шаңарақлық исбилерменликти, меншик үй қапталы жер участ­калары ҳәм дийқан хожалықларын раўажландырыў бойынша жумысқа орна­ластырыл­ған пуқаралар және киши ҳәм жеке исбилерменлик субъектлерин кредитлеў, кәсип-өнерге қайта оқытыў және жәми­йетлик жумысларға тартыўдың есабынан жумысқа орналас­қан халықтың саны қабыл етилиўи лазым.

Айрықша атап өтиў керек, қарарда Қарақалпақстан Республикасы Министрлер Кеңеси Баслығы, ўәлаят, қала ҳәм районлар ҳәкимлери, олардың биринши орынбасарлары, экономикалық комплекстиң аймақлық уйымлары басшылары өзиниң жумысында экономикалық тармақлардың кәрханалары менен исбилерменлик субъектлерине олардың жумысын раўажландырыўға ҳәм кеңейтиўге тосқынлық етип атырған машқалаларды, соның ишинде, орын­ларға шыққан ҳалда системалы шешиўде әмелий жәрдем көрсетиў, сол тийкарда бәнт болмаған халықты, әсиресе, кәсип-өнер колледжлериниң питкериўшилерин жумысқа орналас­тырыў мәселелерин шешиўге қатаң ҳәм сөзсиз әмел етиў ҳаққында тапсырмалар берилген.

Соның менен бирге, қарарда жергиликли атқарыўшы ҳәкимият ҳәм экономикалық комплекс аймақлық уйымлары басшыларының халықты жумыс пенен тәмийинлеў бо­йынша жеке жуўапкершилигин күшейтиў ҳаққында өлшем нәзерде тутылған болып, буған бола, тастыйықлан­ған болжаў көрсеткишлери үзиликсиз еки шерек даўамында ямаса жыл даўамында үш шеректе орынланбаған жағдайда олардың ийелеп турған лаўазымларына ылайық емеслиги мәселеси көрип шығылады.

Усы қарардың әмелге асырылыўы нәтийжесинде төмендегилерге:

бириншиден, халықтың турақлы бәнтлигин тәмийинлеўде системалы ҳәм анық бағдарланған жумысларды әмелге асырыў ушын жергиликли атқарыўшы ҳәкимият ҳәм экономикалық комплекстиң аймақлық уйымлары басшыларына керекли хошаметлеў илажларын жаратыў ҳәм олардың жеке жуўапкершилигин күшейтиўге;

екиншиден, мәмлекетлик социаллық қамсызландырыў, мийнет ҳәм пенсия нызамшылығы системасының барлық абзаллықлары менен толық қамтып алынған турақлы жумыс орынларының есабынан халықтың бәнтлигиниң өсиўине;

үшиншиден, турақлы бәнтликти хошаметлеўдиң жаңа механизмлерин енгизиў арқалы халықтың дәраматларының артыўына ҳәм турмыс дәрежеси сапасының жақсыланыўына, салық түсимлери ҳәм пенсия ажыратпалары базасын кеңейтиўге имканият жаратылады.

Өзбекистан Республикасы ПрезидентиниҢ «ХалыҚтыҢ бӘнтлигин тӘмийинлеЎ бойынша алып барылып атырҒан жумысларды

жетилистириЎде ҲӘм нӘтийжелилигин арттырыЎда жергиликли атҚарыЎшы ҲӘкимияттыҢ ҲӘм экономикалыҚ комплекстиҢ

аймаҚлыҚ уйымлары басшыларыныҢ жеке жуЎапкершилигин арттырыЎ илажлары ҲаҚҚында»Ғы Қарарына ТҮСИНИК

Просмотров: 158 | Автор: Erkin | Дата: 16.05.2017 10:43
 
Излеў

Календарь
2017
Август
ДүСиШәБиЖуШеЕк
 123456
78910111213
14151617181920
21222324252627
28293031   

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Copyright MyCorp © 2012