Еркин Қарақалпақстан Вести Каракалпакстана 22:41:08, 22.09.2019
Хош келипсиз! | RSS
Сайт мазмуны

Кириў усылы

САМАРҚАНДТАН ЖАҚСЫ НӘТИЙЖЕЛЕР МЕНЕН...

Соңғы жыллары спорттың спорт гимнастикасы түри республикамызда жақсы раўажланып, жаслар арасында кең ен жаймақта. Бүгинги күнде елимиздиң көплеген жаслары бул  спорт пенен турақлы түрде шуғылланып, республикамыз спортшылары  бир қатар халықаралық ареналарда мәмлекетимиз байрағын бәлентлерге көтерип келмекте.

Республикамыздың жас гимнастшылары 6-10-июнь күнлери Самарқанд қаласында болып өткен 1-июнь ­ «Халықаралық балаларды қорғаў күни» байрамына бағышланып жас өспирим балалар ҳәм қызлар арасында ўәлаят ашық бириншилигине қатнасып, жақсы нәтийжелерге ерисип қайт­ты.

Жақында усы мүнәсибет пенен Нөкис темир жол вокзалында спортшыларды күтип алыў салтанаты болып өтти. Оған тараў басшылары, спортшылардың устазлары, жақынлары ҳәм кең жәмийетшилик ўәкиллери қатнасты.

­- Елимизде спортқа, әсиресе, балалар спортына болған дыққат-итибар өзиниң унамлы нәтийжелерин берип келмекте. Өткерилген ашық бириншилик жарыслары жас спортшыларымызға тәжирийбе арттырыў мектеби болды десек қәтелеспеймиз. Республикамыз спортшыларынан балалар арасында Р.Худайбергенов, А.Аллабаев, И.Матчанов, И.Азербаев, И.Алламбергенов, ал, қызлар арасында Э.Қайыпназарова, К.Атамуратова, А.Лепесбаевалар барлық қарсыласларынан үстем келип, бириншиликти ийеледи,-дейди спортшылардың тренери У.Әдилбеков.

Жарысқа спортшыларды тәжирийбели тренерлерден К.Сейтжанов, У.Әдилбеков, Г.Мешенова, З.Қайыровалар таярлады.

Р.АРЗИЕВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF