Еркин Қарақалпақстан Вести Каракалпакстана 21:56:22, 18.10.2019
Хош келипсиз! | RSS
Сайт мазмуны

Кириў усылы

ЖАРЫСТАН ТОҒЫЗ МЕДАЛЬ МЕНЕН...

Бир неше жыллардан берли пүткил елимизде жетекшилик етип киятырған қарақалпақ ескек есиў мектебиниң тәрбияланыўшылары өзлериниң бул орнын және бир мәрте дәлилледи. Март айының 11-14-сәнелеринде академиялық ескек есиў бойынша Ташкент ўәлаятында болып өткен Өзбекистан кубогының биринши бас­қышында олар ҳәр қашанғыдай жоқары нәтийжелерди қолға киргизип, улыўмахалықлық Наўрыз байрамы алдынан халқымызға әжайып саўға таярлады.

Тийкарынан еки адамлық тақ ескекли ҳәм бир адамлық қайықларда 2 ҳәм 12 километрлик аралықлар бойынша күш сынасқан олар 4 алтын, 1 гүмис ҳәм 4 қола, жәми 9 медальды қолға киргизди. Атап айтқанда, быйыл жазда Рио-де-Жанейро (Бразилия) қаласында болып өтетуғын XXI жазғы Олимпиада ойынлары лицензиясына талабан спортшыларымыздың бири Ислам Мәмбетназаров еки, Рәўшан Сапарбаева менен Марианна Александровалар бир-бирден алтын, Рәўшан үш, Марианна бир қола медальларды жеңип алған болса, Әбиўбәкир Узақбаев финиш сызығын екинши болып кесип өтти. Олардың бундай табысларды қолға киргизиўинде тренерлерден Баҳадыр Дәўлетияров пенен Мурат Мәмбетназаровлардың хызметлери айрықша болды.

Спортшыларымыздың кубок беллесиўлерине барып қайтыўына Қарақалпақстан Ескек есиў федерациясы қәўендерлик етти.

Д.ҚАЙЫПОВА,

ҚМУ студенти.

СҮЎРЕТТЕ: жарыс жеңимпазы Исламбек Мәмбетназаров.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF