Еркин Қарақалпақстан Вести Каракалпакстана 21:13:01, 18.10.2019
Хош келипсиз! | RSS
Сайт мазмуны

Кириў усылы

ЎАЗЫЙПАFА  СУЎЫҚҚАНЛЫҚ АҚЫБЕТИ

Қыңыр ис қай ўақытта да көз шығармай қалмайды. Буны «Қарақалпақпахтасанаат» аймақлық акционерлик бирлеспесиниң «Халқабад мамығы» акционерлик жәми­йетиниң басшы лаўазымында ислеп келген Жарылқасын Бердимуратов пенен усы акционерлик жәмийеттиң бас есапшысы Мэлс Халқановтың мысалында көриўимизге болады.

Ж.Бердимуратов өзи басқарған жәмийеттиң 2015-жылдың 1-январь ҳалатына жәми мүддети өткен дебиторлық қарызы 325837000 сум, соннан ишки кәрханалардан мүддети өткен дебитор қарызы 90313260 сум, жәми кредиторлық қарызы 1774610000 сум, соннан ишки кәрханалардан кредит қарызы 428474400 сум екенлигине қарамастан дебитор ҳәм кредитор қарыздарлық муғдарын кемейтиў бойынша кәрхана тәрепинен қарыздар кәрханаларға талапнама бермеген ҳәм мал-мүлкин мәжбүрий өндириў бойынша хожалық судына даўа арза киргизбеген. Яғный, тийисли тәртипте өндириў шараларын көрмес­тен, өз лаўазымына суўыққанлық пенен қарап, Өзбекистан Республикасы Президентиниң 1995-жыл 12-майдағы «Халық хожалығында есап-китапларды өз ўақтында өткериў, кәрхана ҳәм мәкеме басшыларының жуўапкершилигин арттырыў ҳаққында»ғы Пәрманы ҳәм 1999-жыл 19-июльдеги ПФ-2340 санлы Пәрманы талапларын турпайы түрде бузған ис-ҳәрекетлери менен Өзбекистан Республикасы Жынаят Кодексиниң 207-статьясы 1-бөлиминде көрсетилген жынаятты әмелге асырған.

Оның менен алдыннан жынайый тил бириктирген усы акционерлик жәмийеттиң бас есапшысы Мэлс Халқанов та Өзбекистан Республикасы Министрлер Кабинетиниң 2002-жыл 19-марттағы «Ис ҳақының өз ўақтында төлениўине байланыслы қосымша илажлар ҳаққында»ғы  қарары талапларын турпайы түрде бузып, жәмийетте ислеўши хызметкерлерге 2013-жылдың 1-августынан 2015-жылдың 1-апрелине шекем муғдары 58706 литр, суммасы 245116294 сумлық өсимлик майы, 39039 дана, суммасы 7491000 сумлық банка қақпағы, муғдары 203 литр болған, суммасы 4050000 сумлық пал, 2576 килограмм, суммасы 2305500 сумлық ун, 300 бас, суммасы 6000000 сум болған таўық, 1220 бас, суммасы 7320000 сумлық шөже ҳ.т.б. жәми 272430194 сумлық затлар мийнет ҳақы ҳәм оған теңлестирилген басқа да төлемлерге затлай (натура) түринде берген ис-ҳәрекетлери менен Өзбекистан Республикасы Жынаят Кодексиниң 207-статьясы 1-бөлиминде көрсетилген жынаятты келтирип шығарған.

«Ойланбастың түби ойран» дегендей, бул пуқаралар ислеген қылмысларына ылайық суд алдында тийисли тәртипте жуўап бериўине ҳәм жаза алыўына туўра келди.

О.ЖУМАБАЕВ.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF