Еркин Қарақалпақстан Вести Каракалпакстана 20:55:08, 18.10.2019
Хош келипсиз! | RSS
Сайт мазмуны

Кириў усылы

БАЙДАРКАШЫЛАР БЕЛЛЕСИП,

КАНОЭШЫЛАР КҮШ СЫНАСТЫ

Ескек есиў республикамызда ең раўажланған спорт түри болып, оның менен шуғылланыўшы көпшилик жасларымыздың тек Өзбекистан көлеминдеги беллесиўлерде ғана емес, ал, халықаралық жарысларда да табыслы қатнасып киятырғанынан көпшиликтиң хабары болса керек. Бурын тек академиялық ескек есиўге күшли итибар қаратылып келинген болса, соңғы жылларда байдарка ҳәм каноэда ескек есиўши жигит-қызларымыз да жоқары нәтийжелерди қолға киргизип келмекте. Быйылғы жылдың өзинде Баҳадыр Дәўлетов Өзбекистан чемпионлығын жеңип алып, жоқары оқыў орнына тест сынақларысыз кириў ҳуқықына ийе болғанлығы пикиримизди тастыйықлайды.

Жақында спорттың усы түринен өткерилген Қарақалпақстан чемпионаты да күшли байдарка ҳәм каноэда ескек есиўши жасларымыздың қатары көбейип атырғанын көрсетти. Кескин беллесиўлер астында өткерилген чемпионат жуўмағында каноэшы қызлардан Диларам Турғанбаева биринши орынды ийелеген болса, Шахиза Елмуратова ҳәм Наргиза Дабыловалар финиш сызығын екинши ҳәм үшинши болып кесип өтти. Байдаркада болса жеңимпаз үшлик төмендегише көринисте болды: 1. Наргиза Дабылова, 2. Диларам Маткаримова, 3. Диларам Турғанбаева.

Ер балалар тийкарынан байдаркада күш сынасты. Ҳәр қыйлы аралықларға өткерилген беллесиўлерде Мухамметдин Туржанов, Нурылла Бабажанов ҳәм Әмир Қыдырбаевлар қарсыласларын изде қалдырып, чемпион атанған болса, Қәдир Мамутов, Шухрат Йулдашев, Дәўран Байлепесовлар екинши, Руслан Төлегенов, Азамат Шукириллаев ҳәм Әлишер Орынбаевлар үшинши орынды ийеледи. Бул спортшыларды жарысқа таярлаўда тренерлерден Өтебай :сенов пенен Парахат Сейтжановлардың үлеси салмақлы болды.

Чемпионат соңында жеңимпазларды сыйлықлаў мәресими болып өтти. Онда Ескек есиў бойынша республикалық қәнигелестирилген Олимпия резервлери мектеби директорының орынбасары Г.Байлепесов, Қарақалпақстан Ескек есиў федерациясының атқарыўшы директоры Ә.Қайыпов, тренер Ө.Үсенов, Өзбекистан чемпионы Б.Дәўлетов ҳәм басқалар жеңимпаз спортшыларды қызғын қутлықлап, алдағы жарысларда әўмет тиледи.

Н.АРТЫҚБАЕВА.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF