Еркин Қарақалпақстан Вести Каракалпакстана 21:01:29, 18.10.2019
Хош келипсиз! | RSS
Сайт мазмуны

Кириў усылы

ИСЛАМТАНЫЎШЫ

АЛЫМНЫҢ ЖАҢА КИТАБЫ

Илим ҳәм техника тез пәт пенен раўажланып, глобалласыў процеси барған сайын ҳәўиж алып атырған бүгинги күнде мәлимлеме алыў ҳәм хабар алмасыўдың ең қолайлы қуралы — бул интернет болып табылады. Саламат пикирлейтуғын инсанлар, әсиресе, алдына беккем мақсет қойған, Ўатанының ҳәм өзиниң келешегин ойлайтуғын жасларымыз оның имканиятларынан ақылға уғрас пайдаланып келмекте. Лекин, мағлыўмат тар­қатыў, бизнес ҳәм реклама ушын үлкен аренаға айланған бул глобал тармақта қадағалаўдың улыўма мүмкиншилиги жоқ.

 

Буннан жаўыз күшлердиң өзлериниң ғәрезли мақсетлери жолында пайдаланып киятырғаны, айырым шахслардың интернеттеги жаўызлыққа, диний экстремизм ҳәм терроризм сыяқлы жат иллетлерге шақыратуғын сайтларға кирип, өзлериниң ҳәм әтирапындағылардың санасын зәҳәрлеп атырғаны да бар гәп. Интернеттеги «Odnoklassniki», «Facebook», «Instagram», «Twitter» ҳәм «VKontakte» сыяқлы социаллық тармақларда бузғыншылық ҳәм жат идеяларды үгит-нәсиятлайтуғын жүзлеп топарлардың бар екенлиги бул пикирлерди тастыйықлайды.

Ҳәзирги ўақытта елимизде жасларды усындай иллетлерден қорғаў, оларды ҳәр тәреплеме кәмил инсан етип тәрбиялаў жолында көлемли ислер әмелге асырылмақта. Белгили исламтаныўшы алым Айдарбек Тулеповтың Ташкенттеги «Мавереннахр» баспасында жарық көрген «Интернетдаги таҳдидлардан ҳимоя» («Интернеттеги қәўиплерден қорғаў») атлы жаңа китабы бул бағдардағы илажлардың гезектегиси болып табылады.

Жақында Бердақ атындағы Қарақалпақ мәмлекетлик сазлы театрында усы китапты кең жәмийетшиликке таныстырыў кешеси болып өтти. Кешени Қарақалпақстан Республикасы Министрлер Кеңеси Баслығының орынбасары М.Алеўов кирис сөз бенен ашты. Соң «Мавереннахр» баспасының жуўаплы хызметкери И.Маърупов, Ташкент ўәлаяты Шайхантахур районының бас имам-хатиби О.Исмайлов, Өзбекистан мусылманлары басқармасының мәсләҳәтшиси Х.Турматов, Өзбекистан Республикасы Минис­трлер Кабинети жанындағы Дин ислери бойынша комитетиниң жуўаплы хызметкери И.Зухруддинов ҳәм Қарақалпақстан Республикасы Мусылманлар қазыяты  қазысы Ш.Баўатдиновлар сөзге шығып, китаптың әҳмийетине, оның жаслар тәрбиясында тут­қан орнына айрықша тоқтап өтти.

Шығып сөйлеўшилердиң атап өткениндей, өсип киятырған жас әўладты миллий мийрас ҳәм қәдириятлар, Ўатансүйиўшилик руўхында тәрбиялаў кешиктириўге болмайтуғын ўазыйпа ҳәм бунда Айдарбек Тулепов тәрепинен жазылған «Интернетдаги таҳдидлардан ҳимоя» («Интернеттеги қәўиплерден қорғаў») атлы китаптың тутқан орны үлкен.

С.ЖАНИЕВ,

арнаўлы хабаршымыз.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF