Еркин Қарақалпақстан Вести Каракалпакстана 21:52:19, 20.07.2019
Хош келипсиз! | RSS
Сайт мазмуны

Кириў усылы

ШОМАНАЙДА «БАХЫТ ҮЙИ»

ИМАРАТЫ ТАПСЫРЫЛДЫ

Өткен сәршемби күни Шоманай районы орайында «Бахыт үйи»ниң жаңа имараты пайдаланыўға тапсырылды.

Усы мүнәсибет пенен өткерилген илажды район ҳәкиминиң биринши орынбасары С.Турсынов кирис сөз бенен ашты. Буннан кейин Қарақалпақстан Республикасы Жоқарғы Кеңесиниң комитет баслығы С.Турманов, Қарақалпақстан Республикасы Әдиллик минис­три Ж.Садықов, нураныйлар   Н.Оразымбетов ҳәм Б.Ешимбетовалар шығып сөйлеп, жыйналғанларды жаңа имараттың пайдаланыўға тапсырылыўы менен қутлықлады.

Атап өтилгениндей, елимизде әмелге асырылып атырған жаслар сиясатының баслы бағдары физикалық жақтан бәркамал, руўхый жақтан жетик әўладты тәрбиялаў, жас шаңарақларды ҳәр тәреплеме қоллап-қуўатлаўдан ибарат. Себеби, шаңарақ саламат болса, жәми­йетимиз беккем, өз гезегинде жәмийетимиз беккем болса, елимиз турақлы болады.

Соңғы жыллары бюджет қаржылары есабынан әдиллик уйым­лары системасындағы ПҲАЖ бөлимлери ҳәм мәмлекетлик нотар­иат кеңселериниң материаллық-техникалық базасын беккемлеўге айрықша итибар қаратылмақта. Жас жубайларды шаңараққа таярлаў ҳәм оларды некеден өткериў бо­йынша қала ҳәм районларымызда заманагөй «Бахыт үйи» имаратларының пайдаланыўға тапсырылыўы халқымызға юридикалық хызмет көрсетиўдиң сапасын және де жақсылаўға хызмет етпекте. Атап айтқанда, бүгинги күнге шекем пайтахтымызда, Хожели районының Тақыятас қаласында, Қоңырат, Шымбай районларында усындай имаратлар пайдаланыўға тапсырылған болса, жақын күнлерде Қанлыкөл районында иске түсиўи күтилмекте.

Миллий архитектура үлгисинде бой тиклеп атырған бул имаратларда  жас шаңарақлардың неке мәресимлерин салтанатлы жағдайда өткериў ушын барлық қолайлықлар жаратылған. Некени дизимге алыў залы, «Шаңарақ университети», «Келин-күйеўлер», ҳүжжетлерди сақлаў ҳәм басқа да хызмет бөлмелери бүгинги күнниң талабы дәрежесинде үскенеленген.

Шоманай районы орайында «Бахыт үйи»ниң пайдаланыўға тапсырылыўы байрамға уласып кетти. «Кегейли қурылыс монтаж» жуўапкершилиги шекленген жәмийетиниң қурылысшылары тәрепинен қурып питкерилген имарат район халқына, әсиресе, жасларымызға «Саламат ана ҳәм бала жылы»нда әжайып саўға болды.

Усы күни жаңа имаратта жас шаңарақлар дизимге алынып, олар­ға Неке гүўалықлары салтанатлы жағдайда тапсырылды.

— Өмиримизде умытылмас күн болған неке салтанатымызды усындай имаратта өткерип атырғанымызға қуўанышлымыз, - дейди жас шаңарақ ийеси Азамат Реймов. — Биз жасларға жаратып берип атырған шараятлар ушын Президентимизге шексиз миннетдаршылық билдиремиз. Бул жерге келген ҳәр бир шаңараққа бахыт ҳәм аўызбиршилик тилеймен.

«Бахыт үйи» имаратын пайдаланыўға тапсырыў салтанаты ра­йонлық Мәденият үйи хызметкерлериниң, Балалар музыка ҳәм көркем өнер мектеби оқыўшыларының концерт бағдарламасы менен жуўмақланды.

Д.АБИБУЛЛАЕВ,

Қарақалпақстан хабар агентлигиниң хабаршысы.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF