БАСҚА ОРЫНҒА КӨШИРИЛДИ
Нөкис қаласы орайында қурылып атырған «Nukus city» қалашасының қурылысы себепли Қарақалпақстан көшесиниң 11-жайында жайласқан Қарақалпақстан Республикасы Қорғаныў ислери басқармасының имараты ўақтынша басқа орынға көширилди.
Айтып өтиў керек, Президентимиздиң 2018-жыл 2-августтағы «Республика аймақларында «Business city» заманагөй исбилерменлик орайларын шөлкемлестириў илажлары ҳаққында»ғы қарары тийкарында Нөкис қаласы орайында «Nukus city» қалашасының қурылысы басланған. Президентимиз қарарының орынланыўы бойынша Қарақалпақстан Республикасы Министрлер Кеңеси тәрепинен 2019-жыл «Nukus city» заманагөй исбилерменлик орайын шөлкемлестириў ҳаққында»ғы қарары қабыл етилди.
«Nukus city» қалашасының қурылысы басланыўы менен Қарақалпақстан Республикасы Қорғаныў ислери басқармасы Қарақалпақстан көшесинде жайласқан басқарманың жыйын пунктине ўақтынша көширип өтилди. Басқарма алдын жайласқан аймақта реконструкция ҳәм қурылыс ислери басланған. Алдағы ўақытта бул жыйын пунктиниң алдында Қарақалпақстан Республикасы Қорғаныў ислери басқармасы ушын 3 қабаттан ибарат заманагөй имараттың қурылысы режелестирилмекте.
Ҳәзирги күнде Қорғаныў ислери басқармасы толық көширилип, жумыс процесин даўам еттирмекте.
Арқа-батыс әскерий
округи баспасөз хызмети.
