Еркин Қарақалпақстан Вести Каракалпакстана 06:43:05, 29.03.2024
Хош келипсиз! | RSS
Сайт мазмуны

Кириў усылы

САЙЛАЎ НЫЗАМШЫЛЫҒЫН ҮГИТ-НӘСИЯТЛАЎДЫҢ ӘҲМИЙЕТИ

Өзбекстан Республикасы Орайлық сайлаў комиссиясы халықаралық баспасөз орайы Қарақалпақстан Республикасы бөлиминде усы жылдың 22-декабрь күни  Олий Мажлистиң Нызамшылық палатасына, Қарақалпақстан Республикасы Жоқарғы Кеңесине, халық депутатлары жергиликли Кеңеслерге болып өтетуғын сайлаўға бағышланған брифинг болып өтти.

Илажда халықаралық баспасөз орайы Қарақалпақстан Республикасы бөлиминиң ағзалары, Әдиллик министрлиги қәнигелери, сиясий партиялардың ҳәм ғалаба хабар қуралларының ўәкиллери қатнасты.

Брифингти Қарақалпақстан Республикасы Орайлық сайлаў комиссиясының баслығы Е.Джуманазаров басқарып барды.

Атап өтилгениндей, Өзбекстан Республикасы Орайлық сайлаў комиссиясының қарарына муўапық усы жылдың 20-октябринен 20-ноябрине шекем «Сайлаў нызамшылығын үгит-нәсиятлаў айлығы» өткерилмекте.  Илаждан гөзленген мақсет — сайлаўшылардың ҳуқықый билимлерин еле де жетилистириў, сайлаў мәдениятын арттырыў, халықтың болажақ сайлаўларда белсене қатнасын тәмийинлеў, усы арқалы оларда елимиздиң келешегине қатнас сезимлерин жетилистириўге қаратылған.  Қарардың орынланыўын тәмийинлеў бо­йынша сайлаў комиссияларының ағзалары тәрепинен әдиллик уйымларының қәнигелери менен биргеликте аўыл ҳәм мәкан пуқаралар жыйынларында, мийнет жәмәәтлеринде, оқыў орынларында «Сайлаў нызамшылығындағы өзгерислер» темасында ушырасыўлар, дөгерек сәўбетлери өткерилип, ғалаба хабар қуралларында шығыўлар шөлкемлестирилмекте.

— «Сайлаў нызамшылығын үгит-нәсиятлаў айлығы» шеңберинде республикамыз аймағындағы барлық 411 пуқаралардың өзин-өзи басқарыў уйымын қамтып алыў мақсетинде илажлар ислеп шығылды ҳәм сол тийкарында жумыслар алып барылмақта,-дейди Қарақалпақстан Республикасы Әдиллик министрлигиниң бөлим баслығы Әбилқасым Өтеўлиев. — «Жаңа Өзбекстан — Жаңа сайлаўлар» сүрени астында өткерилетуғын сайлаўлардағы өзгерислерди ҳәр бир сайлаўшыға жеткериўде ғалаба хабар қуралларының атқаратуғын хызмети айрықша әҳмийетке ийе. Сонлықтан да бул бағдарда әмелге асырыл­ған жумыслар талқыланып, алда турған ўазыйпалар белгиленди.

Илаж қатнасыўшылары өзлерин қызықтырған сораўларға жуўап алды ҳәм халық­аралық баспасөз орайы Қарақалпақстан Республикасы бөлиминде журналистлерге жаратылған шараятлар менен танысты.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF