Еркин Қарақалпақстан Вести Каракалпакстана 19:16:53, 22.09.2019
Хош келипсиз! | RSS
Сайт мазмуны

Кириў усылы

ПРЕЗИДЕНТ КИТАБЫ ТАЛАБАЛАР АРАСЫНДА

Хабарыңыз бар, быйыл Ташкенттеги «Өзбекистан» баспасында Президентимиз И.Кәримовтың «Ана журтымыздың ығбалы ҳәм уллы келешеги жолында хызмет етиў ­ ең жоқары бахыт» атлы китабы жарық көрген еди. Ҳәзирги күнлери елимиздиң барлық оқыў орынлары ҳәм мийнет жә­мәәтлеринде ғәрезсиз мәмлекетимиздиң буннан былай да раўажланыўы жолында жол көрсетиўши бағдар болып хызмет ететуғын бул китаптың мазмунын түсиндириў, оның әҳмийетин кең халық қатламына жеткериў бойынша ушырасыўлар, басқоспалар шөлкемлестирилмекте. Усындай илажлардың бири жақында Мухаммад ибн Ахмад әл-Беруний атындағы Нөкис орта арнаўлы ислам билим журтында шөлкемлестирилди.

Ушырасыўды билим журты директоры, Қарақалпақстан Мусылманлары қазыятының қазысы Ш.Баўатдинов кирис сөз бенен ашты ҳәм алып барды. Онда Өзбекистан Мусылманлары басқармасы баспасөз хызметиниң баслығы Ж.Нуритдинов ҳәм Өзбекистан Республикасы Министрлер Кабинети жанындағы Дин ислери бо­йынша комитетиниң билимлендириў ҳәм кадрлар бөлими баслығы С.Шерхановлар сөзге шығып, китаптың халқымыз, әсиресе, жасларымыз турмысында, ғәрезсизлигимизди беккемлеўде тутқан орнына айрықша тоқтап, оның мазмун-мағанасын арнаўлы слайдлар жәрдеминде түсиндирип берди. Соң билим журтының 4-бас­қыш талабалары О.Қурбанов ҳәм И.Аллаяровлар китап ҳаққында өзлериниң пикир-усынысларын билдирди.

Ушырасыў соңында мийманлар билим журты талабаларының сораўларына жуўап қайтарды.

С.ЖАНИЕВ,

арнаўлы хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF