Еркин Қарақалпақстан Вести Каракалпакстана 13:41:55, 26.05.2019
Хош келипсиз! | RSS
Сайт мазмуны

Кириў усылы

ӨзЛиДеП БЕЛСЕНДИЛЕРИ ТӨРТКҮЛДЕ

Мәмлекетимизде соңғы жыллары аўыл хожалығы тараўында егислик жерлерден нәтийжели пайдаланыў, фермер, дийқан хожалықлары ҳәм қыйтақ жер ийелериниң ҳуқық­лары ҳәм нызамлы мәп­лерин қорғаў, аўылларда пуқаралардың бәнтлигин тәмийинлеў ҳәм абаданлығын арттырыў бойынша нәтийжели жумыслар әмелге асырылмақта.

Исбилерменлер ҳәрекети — Өзбекстан Либерал-демократиялық партиясы Қарақалпақстан Республикасы Кеңеси ағзалары Төрткүл районында өз қыйтақ жерлеринен нәтийжели пайдаланып атырған пуқаралар менен пикирлесиў мақсетинде жақында «Шорахан» аўыл пуқаралар жыйынындағы мәҳәлле турғынлары менен ушырасып, пикир алысты. Итибарлы тәрепи сонда, усы мәҳәлледе жасаўшы Ремажон апа Чулманованың шаңарағында болғанымызда, бир қызық ўақыяның гүўасы болдық. Ол бир түптен 40 килограмм ләблеби же­тистирген. Бул шаңарақ бас­қа қоңсы-қобаларға қарағанда жерден өнимли пайдаланып келмекте. Шаңарақ ийесиниң айтыўына қарағанда, буннан бес-алты жыл бурын Әзербайжан Республикасының Баку қаласында жасап атырған ағайининен мал шарўашылығы ушын от-жемлик ләблеби туқымын алып, оны егип сынап көреди. Ремажон апаның айтыўынша,  бундай өним алыўды өзи де күтпеген екен. Ләблебиниң бул түри 15-40 килограммға дейин өним берер екен. Бул өним өткен жылғы болыўына қарамастан сондай жақсы сақланған, көрген адам жаңа үзилген деп ойлайды. Оның өткен жылғы өними болса, гектарына 200 тоннадан артық болған екен. Ал, быйылғы жылы болса, оннан да көбирек өним алыўды режелестирмекте.

— Бул дийқаншылық усылын мәмлекетимиздиң түрли жерлеринен келип көрип үйренип кетпекте, - дейди Ремажон апа.

Биз де дийқан апамыздың жумысларына жақсы тилеклер тилеп, партияның тийкарғы мақсет ҳәм ўазыйпаларын, бүгинги күндеги алып барып атыр­ған жумыслары, электоратымыз болған исбилермен ҳәм фермерлеримизди ҳәр тәреплеме қоллап-қуўатлаў бағдарындағы жумыслар  бойынша кең мағлыўматлар  бердик. Ең  баслысы,  партияның бул  жумыслары  Ремажон апада үлкен қызығыўшылық  оятып, ӨзЛиДеПна ағза болыў нийети пайда болып, сол жердиң өзинде оған ағзалық гүўалығы тапсырылды.

ӨзЛиДеП Қарақалпақстан Республикасы

Кеңесиниң баспасөз хызмети.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF