Еркин Қарақалпақстан Вести Каракалпакстана 05:11:47, 27.06.2019
Хош келипсиз! | RSS
Сайт мазмуны

Кириў усылы

КОНСТИТУЦИЯ БАЙРАМЫНА БАҒЫШЛАНДЫ

Усы жыл 9-апрель күни Бердақ атындағы Қарақалпақ мәмлекетлик академиялық музыкалы театрында Қарақалпақстан Республикасы Конституциясы қабыл етилгениниң 26 жыллығына бағышланған салтанатлы мәжилис болып өтти.

Илажға Өзбекстан Республикасы Олий Мажлиси Сенатының ағзалары, Жоқарғы Кеңестиң депутатлары, министрликлер, мәкеме ҳәм кәрханалардың, оқыў орынларының, ҳуқық қорғаў уйымларының басшылары, студент-жаслар, жәмийетлик шөлкемлердиң, ғалаба хабар қуралларының ўәкиллери қатнасты.

Өзбекстан ҳәм Қарақалпақстан Республикаларының мәмлекетлик гимнлери жаңлады.

Қарақалпақстан Республикасы Жоқарғы Кеңесиниң комитет баслығы С.Турманов жыйналғанларды Қарақалпақстан Республикасы Конс­титуциясы қабыл етилгениниң 26 жыллығы байрамы менен Қарақалпақстан Республикасы Жоқарғы Кеңеси ҳәм Министрлер Кеңесиниң атынан қызғын қутлықлады.

Атап өтилгениндей, Конституция — бул ҳәр бир мәмлекеттиң миллий ҳуқық системасының тийкарын қураў менен бирге,  мәмлекетлик қурылыс, ҳәкимият ҳәм басқарыўды шөлкем­лестириў принциплерин, жәмийетлик турмыстың өлшемлерин  өзинде жәмлеўи менен әҳмийетли болып табылады. Қарақалпақстан Республикасы Конституциясы қабыл етилген күн суверен республикамыздың раўажланыўында ҳәм еркин пуқаралық жәми­йетин қурыў жолында айрықша әҳми­йетке ийе болған уллы байрам сыпатында  белгиленеди. Соны да айрықша атап өтиўимиз тийис, Өзбекстан Республикасы Конституциясының XVII бабының Қарақалпақстанға бағышланыўы, усы елде жасап ҳәм мийнет етип атырған ҳәр бир инсанның ҳуқықлары менен еркинликлерин,  нызамлы мәплерин қорғаўға, миллий үрп-әдет ҳәм дәстүрлерин сақлаўға хызмет етеди.

Мәжилисте Бердақ атындағы Қарақалпақ мәмлекетлик университетиниң студенти Д.Лепесбаев жыйналғанларды байрам менен қутлықлап, жаслардың турмысында, билим алыўда, кәсип-өнер ийелеўде, солай етип, олардың келешекте өмирден өз орнын табыўда Конституцияның әҳмийетине тоқтап өтти.

Шайыр Н.Матякубова Конституция байрамына бағышланған қосығын оқыды.

Илаж көркем өнер шеберлери ҳәм жас атқарыўшылардың байрам концерт бағдарламасы менен жуўмақланды.

Cалтанатлы мәжилиске Қарақалпақстан Республикасы Министрлер Кеңесиниң Баслығы Қ.Сариев, Қарақалпақстан Республикасы Жоқарғы Кеңеси Баслығының орынбасары А.Ҳамраев қатнасты.

 

Қарақалпақстан

хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF