Еркин Қарақалпақстан Вести Каракалпакстана 20:21:06, 25.08.2019
Хош келипсиз! | RSS
Сайт мазмуны

Кириў усылы

ҚӘЎИПСИЗЛИГИМИЗ ӨЗ ҚОЛЫМЫЗДА

Өткен жыл даўамында район аймағында жол-транспорт ҳәдийселериниң алдын алыў бойынша тийисли хызметкерлер бириктирилип, олар тәрепинен мәкеме, кәрхана ҳәм шөлкемлердиң мийнет жәмәәтлери ҳәм пуқаралардың өзин-өзи басқарыў уйымларында ушырасыўлар өткерилип, үгит-нәсият жумыслары алып барылды.

Соған қарамастан, район аймағында аўыр ақыбетли жол-транспорт ҳәдийселериниң  жүз  бериўи жағдайлары ушырасып  турды.  Бул жол-транспорт ҳәдийселериниң   көпшилиги  дерлик  А-380 «Гузар-Бухара-Нөкис-Бейнеў» автомагистраль жолында жүз берип, буған транспорт басқарыўшыларының автомашинаны басқарып киятырып уйқылап кетиўи, қәўипли бурылмаларда жолдан шығып кетиўи, тезликти асырып автомашинаны басқарыўы нәтийжесинде қарама-қарсы тәрепте киятырған автомашинаға соқлығысып кетиўи жағдайлары себеп болды.

Атап айтқанда, 2018-жылдың 22-октябринде усы автомагистраль жолдың 680-километринде Әмиўдәрья районы «Истиқлол» көшесинде жасаўшы пуқара Ш.Исмайлов «Шоманай Мамый» ЖШЖне ти­йисли болған «Кобальт» маркалы автомашинаны басқарып киятырып қарама-қарсы жөнелисте киятырған «Нек­сия» маркалы  автомашина менен соқлығысады. Нәтийжеде аўыр ақыбетли жол-транспорт  ҳәдийсеси жүз берип, үш пуқара ўақыя болған орнында, еки пуқара емлеўханада өмирден көз жумған.

Сондай-ақ, 24-декабрь күни  Нөкис қаласы Қурылыс көшесинде жасаўшы пуқара Б.Садықов өзине тийисли болған «Кобальт» маркалы автомашинаны бас­қарып киятырып, усы жолдың 735-километринде қарама-қарсы жөнелисте ҳәрекетленип киятырған Нөкис қаласы М.Гречко көшесинде жасаўшы пуқара Ф.Имамов басқарып киятырған «Кобальт» маркалы автомашина менен басқарыўды жоғалтып, өз-ара соқлығысады. Нәтийжеде еки автомашинаның ишиндеги 6 пуқара да ўақыя орнында қайтыс болды.

Бундай аўыр ақыбетли жол-транспорт ҳәдийселериниң алдын алыў мақсетинде А-380 «Гузар-Бухара-Нөкис-Бейнеў» автомагистраль жолының қәўипли бурылысларындағы  бетон тумбаларға жақтылықты қайтарыўшы қызыл ленталар қыстырып шығылды. Жолдың насаз жерлери қайта исленди. Гөнерип кеткен жол белгилери тазасына алмастырылды ҳәм фоторадарлар орнатылды.

Биз автомашина басқарыўшыларынан автомашинаны басқарып киятырып сергекликти жоғалтпаўын, мәс ҳалында автомашинаны басқармаўын ҳәм автомашина тезлигин шекленген тезликтен асырмаўын сораған болар едик. Жол ҳәрекети қағыйдаларына қатаң бойсынсақ ғана атап өтилген жол-транспорт ҳәдийселериниң алдын алған боламыз. Қәўипсизлигимиз өз қолымызда екенлигин ҳеш қашан умытпайық.

 А.ТӨЛЕГЕНОВ,

Қараөзек районы ИИБ жол ҳәрекети қәўипсизлиги топарының инспекторы, аға сержант.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF