Еркин Қарақалпақстан Вести Каракалпакстана 18:43:24, 22.09.2019
Хош келипсиз! | RSS
Сайт мазмуны

Кириў усылы

«БАЛАЛАР ҮЙИ» ИМАРАТЫНЫҢ ЖАҢАША КЕЛБЕТИ

Ғәрезсизлик жылларында мәмлекетлик сиясат дәрежесине көтерилген мәселелерден бири — бул келешек ийелерине қаратылып атырған итибарда өзиниң көринисин таппақта.

Мине, усындай мақсет пенен жасар екенбиз, ең дәслеп жәрдемге мүтәж балаларға тәлим-тәрбия бериў ҳәм оларды даўалаў — жоқары инсаныйлық парызымыз саналады.

Бүгинги күнде елимиз Ғәрезсизлигиниң 24 жыллық байрамы алдынан барлық қала ҳәм районларымызда үлкен дөретиўшилик жумыслары әмелге асырылып, бир қатар объектлер халқымыз ийгилигине тапсырылмақта.

Солар қатарында Хожели районындағы «Тақыя­тас Балалар үйи»ниң имараты да сапалы ири оңлаўдан шығарылып, 20-июль күни пайдаланыўға тапсырылды.

«Тақыятас Балалар үйи»ниң тапсырылыў салтанатында Қарақалпақстан Республикасы Жоқарғы Кеңесиниң Баслығы М.Ерниязов шығып сөйлеп, бул жерде жаратылған шараятларға жоқары баҳасын берди ҳәм бундай ийгиликли иске қәўендерлик жәрдемин көрсеткен Өзбекистан Республикасы Миллий қәўипсизлик хызмети басшылығына ҳәм де қурылыс ҳәм абаданластырыў жумысларын қысқа мүддетлерде сапалы алып барған қурылысшыларға миннетдаршылық билдирди.

Шығып сөйлеўшилер, Ғәрезсизлик жылларында Президентимиздиң басшылығында нураныйларға медициналық жәрдем көрсетиў сапасын жақсылаў, жәрдемге мүтәж инсанлардың, жетим балалардың турмыс шараятын жақсылаўға, социаллық жәрдемге мүтәж инсанлар­ға әмелий жәрдемлер көрсетиў мәселелерине айрықша итибар қаратылып атырғанын атап өтти.

Соң «Балалар үйи» жәмәәтине «Дамас» автомашинасы, бир топар қурылысшыларға естелик саўғалары тапсырылды.

Илаж қатнасыўшылары жаңа имаратта тәрбияланыўшыларға жаратылған шараятлар менен танысты. Өткен жылдың сентябрь айында басланған ири оңлаў жумысларын «Инвесстрой Нукус» жуўапкершилиги шекленген жәмийетиниң қурылысшылары қысқа мүддетте сапалы питкериўге еристи.

— Ғәрезсиз елимизде жас әўладтың кәмил инсан болып жетилисиўи ушын кең имканиятлар жаратылған,-дейди «Тақыя­тас Балалар үйи»ниң бас шыпакери Анджела Омирова. — Бурын бул жерде спорт залымыз, көпшилик ханаларымыз жетиспейтуғын еди. Ҳәзир болса кең ҳәм жақтылы ханалар заманагөй инвертарьлар,  зәрүр әсбап-үскенелер менен тәмийинленген.

Илаж республикамыз көркем өнер шеберлериниң концерт бағдарламасы менен жуўмақланды.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF