Еркин Қарақалпақстан Вести Каракалпакстана 01:42:35, 22.05.2019
Хош келипсиз! | RSS
Сайт мазмуны

Кириў усылы

ЭНЕРГЕТИКА ТАРАЎЫНДАҒЫ ЖАҢА ӨЗГЕРИСЛЕР

Соңғы жылларда энергетика тармағында мәмлекетлик басқарыўды шөлкемлестириўде бир қатар системалы маш­қалалар бар екенлиги белгиленген реформаларды нәтийжели әмелге асырыў ҳәм елимизди инновациялық жедел раўажландырыўға тосқынлық етип атырғанын Елбасшымыз сынға алған еди.

Сонлықтанда, усы жыл 1-февральда Өзбекстан Республикасы Президентиниң «Өзбекстан Республикасы энергетика министрлигиниң жумысын шөлкемлестириў ҳаққында»ғы қарары қабыл етилди. Қарарға муўапық, Өзбекстан Республикасы энергетика министрлиги шөлкемлестирилип, оның ўазыйпалары менен ўәкилликлери кеңейтилди.

Атап айтқанда, энергетика министрлигине жүкленген ўазыйпалар ҳәм функцияларын орынлаў шеңберинде мәмлекетлик уйымлар ҳәм шөлкемлер, жойбарлаў институтлары, илимий-билимлендириў мәкемелери, сондай-ақ, энергетика тараўында жетекши халықаралық ҳәм сырт ел компанияларының қәнигелерин консультант сыпатында тартыўдың көзде тутылыўы тараўда, унамлы өзгерислерге тәсирин тийгизеди.

Буннан тысқары, энергетика министрлигине Өзбекстан Республикасы Инвестициялар ҳәм сыртқы саўда минис­трлиги, Илимлер академиясы, басқа да мәпдар министрликлер ҳәм уйымлар менен биргеликте, Өзбекстан Республикасында қайта тикленетуғын энергия дәреклерин раўажландырыўдың 2019-2023-жылларға мөлшерленген концепция жойбарын таярлаў қолға алынады. Өзбекстан Республикасында қайта тикленетуғын энергия дәреклерин раўажландырыўдың әҳми­йетли бағдарларын әмелге асырыў бо­йынша комплексли қатнас жасаў ҳәм стратегиялық ўазыйпаларды және қайта тикленетуғын энергия дәреклеринен пайдаланыўда алдыңғы сырт ел тәжирийбелерин үйрениў, соның менен бирге заманагөй технологиялардан пайдалан­ған ҳалда, санаат ҳәм экологиялық қәўипсизликтиң жоқары дәрежесин тәмийинлейтуғын қайта тикленетуғын энергия дәреклери объектлерин және тийисли инфраструктураны жаратыў бойынша жумысларды әмелге асырыў ўазыйпалары белгилеп берилди.

Қарарда Өзбекстан Республикасы Министрлер Кабинети тәрепинен «Өзнефтьгазинспекция» ҳәм «Өзэнергоинс­пекция» жумысын, соның ишинде, энергетика тараўында мәмлекетлик қадағалаўды әмелге асырыўдың ўәкилликлерин кеңейтиў және штат бирликлерин оптималластырыў арқалы жетилистириў бо­йынша  көрсетпелер берилген. Тараўда инженер-техник ҳәм басқарыў кадрларын таярлаў, қәнигелигин арттырыў ҳәм қайта таярлаў бойынша системалы жумысларды шөлкемлестириўге айрықша итибар қаратылған. Мине, бул ўазыйпалар, тараўға жаңа өзгерислер алып келиўине тийкар жаратыўы анық.

Ш.ТУРСЫНБАЕВ,

«Ўздавэнергоназорат» инспекциясы Қарақалпақстан Республикасы

аймақлық бөлими инспекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF