Еркин Қарақалпақстан Вести Каракалпакстана 18:53:59, 25.05.2019
Хош келипсиз! | RSS
Сайт мазмуны

Кириў усылы

НАЎРЫЗ БАЙРАМЫНА СЫЙЛЫ САЎҒА

Дүньяның озық раўаж­лан­ған мәмлекетлери қатары өз ғәрезсизлигине ерискен елимизде тәлим-тәрбияға айрықша кеўил бөлинип, бир тутас тармақ ­ балалар бақшалары менен улыўма билим беретуғын мектеп, кәсип-өнер колледжлери көплеп салынғаны, материаллық-техникалық базалары беккемленип атырғанына қуўанып жасаймыз.

Биринши гезекте ул-қызларымызды мектепке шекемги тәрбия мәкемелерине тартыў, толық қамтып алыўда Қоңырат районы мысалынан алға илгериўшиликлер анық көзге тасланады. Әзел-әзелден, мийнет жәмәәтлери халқымыздың Наўрыздай миллий байрамымызға сыйлы саўғалар таярлаўды үрдиске айландырған. Район орайындағы 6-санлы балалар бақшасының жаңа имаратын бий­ғам балалығының шадлы-қуррам, ойын-күлкиси менен толтырмақшы.

Жуўапкершилиги шекленген «Мектеп қурылыс сервис» жәмийетиниң баслығы Көбей Ешмуратовтың шығысы қоңыратлы жигит. Ташкент темир жол институтын питкерген дәслепки жыллары мектепте муғаллим, изин ала өз қәнигелиги бойынша ислеп, РСУ-5 қурылыс кәрханасына жетекшилик еткен жыллары Ташкент, Нөкис қалалары менен Қанлыкөл, Шоманай, Қоңырат ҳәм Мойнақ районларының елатлы пункт­лерине электр, тәбийғый газ ҳәм суў тармақларын апарыўда көп мийнет сиңирген.

­ Қурылыс-сметалық нырқы 2 млрд. 671 млн. сумлық 6-санлы балалар бақшасы қурылысына өткен жылдың август айында кирискен едик, -дейди жәмийет баслғы К.Ешмуратов.

­ Ис басы менен соңы аўыр болғанындай, бүгинги күнде бақша қурылысы толығы менен тамамланып, соңғы сантехникалық, ишки жолларына брусчатка төсеп, темир-бетоннан қуйыў, абаданластырыў ислери алып барылмақта. Объектти өз мүддетинде сапалы қурып питкериўде прораб Б.Ешмуратов, К.Танбаев, С.Хожам­қуловлар басшылық еткен комплексли бригадалардың ағзалары жигерли мийнет етти. Қурылыс материалларын тасып жеткериўде шофёрлардан Э.Қурбаниязов, Ә.Ешмуратов, жүк жүклеп, түсиретуғын кран меңгериўшиси Ш.Қудайбергенов, гербиш өриўши ҳәм сыбаўшылардан М.Төреханов, А.Сапаров, монтажлаўшы А.Нарымбетов, П.Қыдыр­баев, И.Әлиев, бояўшы-электрик Ә.Сапаров, кепсерлеўшы  И.Атажанов, З.Исмайылов, Б.Асетуллаевлар өз кәсиплеслерине үлги болды...

Жәмийет баслығы К.Ешмуратов пенен асхана, азық-аўқат, овощ-палыз өнимлерин сақлайтуғын қоймаханалары, балалар ойын ойнайтуғын майданшаларға қурылған үсти бастырмалы жаз шертеклерге салынған сүўретлерди көзден өткердик. Сондай-ақ, бул жәми­йет бақша қурылысы менен қатар Мойнақ районындағы 18 ҳәм 1-санлы улыўма билим беретуғын мектеплерде ири оңлаў жумысларын жүргизип атыр екен.

Бәҳәр есик қақпақта, бақша қапталындағы сүрип тегисленген қыйтақ жерлерге саяманлы терек, мийўе ағашларының нәллерин тигип, гүл жайнатып қойса, ишинде сөзсиз бүлбил сайрайды...

 

Ө.ӨТЕЎЛИЕВ, өз хабаршымыз.

Қоңырат районы.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF