Еркин Қарақалпақстан Вести Каракалпакстана 01:03:22, 21.04.2019
Хош келипсиз! | RSS
Сайт мазмуны

Кириў усылы

БАСЛАНҒЫШ ШӨЛКЕМЛЕРИ ДҮЗИЛМЕКТЕ

Өзбекстан Республикасы Президенти Администрациясының 2019-жыл 2-февральдағы арнаўлы тапсырмасына муўапық, Өзбекстан Республикасы Президенти кеңесгөйиниң биринши орынбасары Қ.Қуронбаев ҳәм Президент дминистрациясының жуўаплы хызметкерлеринен ибарат жумысшы топар республикамызға келген еди.

Олар кең жәмийетшилик арасында Өзбекстан Республикасы Президентиниң Олий Мажлиске Мүрәжатының әҳмийетин түсиндириў, жаслар тәрбиясына жуўапкер болған басшылардың жумысларына жәрдемлесиў ҳәм жаслар менен тиккелей байланыс жасап, сәўбетлесиў илажларын әмелге асырмақта.

Усындай ушырасыўлардың бири пайтахтымыздағы «Жаслар орайы»нда  болып өтти.

Онда Нөкис қаласындағы барлық министрликлер, мәкемелер ҳәм шөлкемлердеги Жаслар аўқамы басланғыш шөлкемлериниң жетекшилери қатнасты.

Ушырасыўда Өзбекстан Республикасы Президенти Адми­нис­трациясының  жуўаплы хызметкери А.Муртазаев ҳәм басқалар шығып сөйлеп, Өзбекстан Жаслар аўқамының усы күнге шекемги жетискенликлери, алдағы режелери туўралы кең түрде мағлыўмат берди.

Атап өтилгениндей, Жаслар аўқамының басланғыш шөлкемлериниң саны жылдан-жылға артып бармақта. Оған сәйкес әмелге асырылатуғын жойбарлардың көлеми де кеңеймекте. Жаслардың машқалаларын орынларда үйрениў, оларды бир мақсетте жәмлеў мақсетинде барлық мәкеме ҳәм шөлкемлерде Жаслар аўқамының баслан­ғыш шөлкемлерин дүзиў бүгинги күнниң әҳмийетли ўазыйпаларының бири болып есапланады.

Ушырасыўда аўқамның усы жылда әмелге асыратуғын илажлары туўралы мағлыўматлар берилип, әҳмийети кеңнен түсиндирилди ҳәм айырым мәкеме- шөлкемлерде Жаслар аўқамының басланғыш шөлкемлерин дүзиў бойынша пикир-усыныслар билдирилип, жаңадан 7 басланғыш шөлкем дүзилди.

Қатнасыўшылар қәнигелерден өзлерин қызықтырған сораўларға жуўап алды.

 Ә.Жиемуратов,

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF