Еркин Қарақалпақстан Вести Каракалпакстана 09:44:06, 04.07.2020
Хош келипсиз! | RSS
Сайт мазмуны

Кириў усылы

ЖУМЫСЛАР ЖЕДЕЛЛЕСКЕН

ЖЕРДЕ

Ҳәзир республикамыздың қайсы жерине барсаңыз да кең көлемде жүргизилип атырған абаданластырыў ҳәм қурылыс ислериниң гүўасына айланасыз. Бул бойынша пайтахтымыз Нөкис қаласы ҳәм Беруний районындағы жумысларды айтпағанның өзинде басқа районларда әмелге асырылып атырған қурылыс ҳәм реконструкция ислери көзди қуўандырады.

Бундай жумыслар Шымбай районындағы 3-санлы районлар аралық 100 койкалы туберкулезге қарсы гүресиў емлеўханасында да тезлетилген пәт пенен алып барылмақта. «Бахыт Миратдин Қурылыс» жуўапкершилиги шекленген жәмийетиниң 80 нен аслам қурылысшылары наўқасларға ҳәм емлеўхана хызметкерлерине ҳәр тәреплеме қолайлы шараят жаратып бериў мақсетинде беккем аўызбиршилик пенен мийнет етпекте.

— Емлеўхананың тий­кар­ғы корпусының реконс­трукция жумысларын өткен жылдың январь айында баслап, октябрь айында питкердик, - дейди қурылыс прорабы Мухамматдин Абдуллаев. — Быйыл емлеўхана жанынан тазадан лаборатория, кирхана, хлорлаў ханасы, дизель станциясы имаратларын, өрт өшириў ушын суў сақлағыш ҳәм канализация тармақларын қурыў ислерин қолға алғанбыз. Булардан басқа бизге асхана ҳәм овощ сақлаў ханаларының реконструкция жумыслары да жүкленген. Быйылғы жылдың 1-январынан басланған бул жумысларды ғәрезсизлигимиздиң 24 жыллық байрамына питкериў белгиленген болса да, биз оны мүддетинен бурынырақ, июнь-июль айларына жуўмақлаўды нийетлеп отырмыз. Буның ушын имканиятларымыз жетерли деп ойлайман...

Қурылыс жумысларының барысын көрип, прорабтың гәплерине исеним пайда еттик. Себеби, бул жерде қурылысшылар ушын барлық шараятлар жара­тылған. Материаллардың жеткерилиўинде де машқала жоқ. Есенгелди Аминов бас­қарған гербиш өриўшилер, Ўәлийхан Асахов бас­қарған шифер қағыўшылар, Сапарбай Дүйсенов жетекшилигиндеги канализация, водопровод усталары, Руслан Тәжимуратов басқарған сыбаўшылар ҳәм бояўшылар, Аман Жоламанов жетекшилик еткен кепсерлеўшилер бригадалары аянбай хызмет етип атыр.

Соңғы жылларда республикамызда туберкулез кеселлигине қарсы гүресиў бойынша ҳүкиметимиз ҳәм «Шегарасыз шыпакерлер» халықаралық шөлкеми тәрепинен биргеликте әмелге асырылып атырған илажлар себепли бул кеселлик пенен аўырған адамлардың саны әдеўир азайды. Биз сөз еткен емлеўханадағы қурылыс ҳәм реконструкция жумыслары сапалы жуўмақланса, бул бағдардағы жумыслардың және де жақсы нәтийже берери анық.

С.ЖАНИЕВ,

арнаўлы

хабаршымыз.

Шымбай районы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF