Еркин Қарақалпақстан Вести Каракалпакстана 21:20:34, 18.12.2018
Хош келипсиз! | RSS
Сайт мазмуны

Кириў усылы

УНАМСЫЗ ИЛЛЕТЛЕР САПЛАСТЫРЫЛМАҚТА

Өзбекстан Республикасы Министрлер Кабинетиниң 2014-жыл 24-январьдағы 16-санлы қарары талапларын орынлаў мақсетинде юридикалық ҳәм физикалық шахслардың мүлклерин исенимли қорғаў бойынша жақыннан хызмет көрсетиўде олар менен еки тәреплеме шәртнамалар дүзиў, объектлерин қараўыллық посты арқалы қорғаўға алыў бойынша алып барылып атырған жумыслар нәтийжесинде бул объектлерде хызметти шөлкемлестириў ҳәм қадағалаў бойынша тийисли илажлар алып барылмақта.

Ҳәптениң ҳәр пийшемби күни «Профилактика күни» деп белгилениўи мүнәсибети менен қорғаў бөлиминиң хызметкерлери тәрепинен ҳәр ҳәпте де районымыз аймақларында жайлас­қан мәкеме, кәрханалар, оқыў орынлары ҳәм де мәкан пуқаралар жыйынлары менен басқа да саўда объектлерине барып қорғаў хызметиниң абзаллықларын айтып, бирге ислесиўди еле де күшейтиў мақсетинде түсиник жумыслары жүргизилмекте. Ра­йон аймақларында жайласқан оқыў орынлары, мектепке шекемги билимлендириў мәкемелери, кафе ҳәм мешитлер, мәдений дем алыў орынлары сыяқлы объектлердиң қәўипсизлигин тәмийинлеў, бул жерде жынаятшылықтың алдын алыў мақсетинде видеогүзетиў, сигнализа­циялар, тәшўиш кнопкаларын орнатыў бойынша тийисли жумыслар алып барылып атыр. Атап айтқанда, «Елабад» посёлкасындағы «Р-» қараслы дала лагерин Қоңырат районлық ИИБ районларара қорғаў бөлиминиң хызметкерлери тәрепинен қорғаўға алынды. Усының нәтийжесинде бүгинги күнде бөлимниң әскерийлестирилген сақшылық бөлими тәрепинен 2 объект, қараўыллық хызмети тәрепинен 4, хызметкерлери бөлими тәрепинен 14, техникалық қорғаў пункти тәрепинен 59 объект ҳәм 121 пуқара үйлери исенимли қорғалмақта. Жыл басынан берли объектлер ишинде жүз берген майда урлық ҳалатлары өз ўақтында хызметкерлеримиз тәрепинен иркиўге алынды. Бундай унамсыз жағдайлардың алдын алыўда хызметкерлеримиздиң жаўынгерлик таярлығы ҳәм кәсиплик маманлығын асырыў, билим дәрежесин еле де жетилис­тирип барыў, оларды профессионал хызметкер етип тәрбиялаў бойынша объектлерде турақлы түрде әмелий-тактикалық оқыў-шынығыўлары өткерилмекте.

Ө.ҮББИНИЯЗОВ,

Қоңырат районлық ИИБ Қорғаў бөлими отряд командири, лейтенант.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF