Еркин Қарақалпақстан Вести Каракалпакстана 21:04:31, 18.12.2018
Хош келипсиз! | RSS
Сайт мазмуны

Кириў усылы

ХАЛЫҚ  ҚАБЫЛЛАЎХАНАСЫ  ҲӘМ  СЕКТОРЛАР

Өзбекстан Республикасы Президентиниң 20l7-жыл 8-август күнги «Аймақлардың жедел социаллық-экономикалық раўажланыўын тәмийинлеўге байланыслы тийкарғы илажлар ҳаққында»ғы қарарына муўапық Қараөзек районы аймағы 4 секторға бөлинип, сектор баслықларына бириктирилген аймақларды раўажландырыў бойынша бир қатар унамлы жумыслар әмелге асырылмақта.

Бүгинги күни сектор штабында хызметкерлерди керекли әсбап-үскенелер менен тәми­йинлеў илажлары көрилип, олар турақлы ҳәм нәтийжели жумыс көрсетпекте. Штабта пуқаралардың мүрәжатларын дизимге алыў ҳәм нәўбетшилик дәптерлери жолға қойылған.

Усы жылдың 7-8-ноябрь күнлери Қараөзек районындағы Халық қабыллаўханасы тәрепинен жоқарыда көрсетилген қарар тийкарында секторларда алып барылып атыр­ған жумыслары мониторинг етилди.  

Мониторинг даўамында ра­йондағы секторлар тәрепинен әмелге асырылған унамлы жумыслар менен бир қатарда айы­рым кемшиликлерге жол қойыл­ғанлығы анықланды.

Халық қабыллаўханасы тәрепинен өткерилген мониторинг жуўмағы тийкарында сектор баслықлары ҳәм ағзалары қатнасында жақында «Секторлар жумысында ерисилген жетискенликлер ҳәм айырым кемшиликлер» атамасында семинар шөлкемлестирилип, жол қойыл­ған қәте-кемшиликлерди саплас­тырыў бойынша сектор баслықлары ҳәм ағзаларына әмелиятта пайдаланыў мақсетинде усыныслар берилди.

Б.МАМУТОВ,

Қараөзек районындағы Халық қабыллаўханасы баслығы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF