Еркин Қарақалпақстан Вести Каракалпакстана 01:37:32, 20.09.2019
Хош келипсиз! | RSS
Сайт мазмуны

Кириў усылы

НЫЗАМСЫЗ ПУЛ АЙЛАНБАЛАРЫНА

НЫЗАМЛЫ ЖАЗА

Елимизде қабыл етилип атырған ҳәр бир нызам қандай да бир хызмет, искерлик түри ямаса пуқаралардың ҳуқық ҳәм еркинликлерин қорғаў менен биргеликте олардың миннетлемелерин белгилеп береди. Сонлықтан да, ҳәр биримиз күнделикли турмысымызда сол нызамларда көрсетилген миннетлемелеримизге қатаң түрде әмел етип, ҳәрекет етсек мақсетке муўапық болады.

Бирақ, айырым жағдайларда жуўапкерсизлигимиз себепли бираз нәрселерге итибар бермеймиз ҳәм соңы өкинишли ақыбетлерге алып келетуғын жағдайларға дус келемиз.

Усындай жуўапкершиликсиз ақыбетинде Қонысбай Ниетов та, алдын жынаят ислери бойынша Нөкис районы судының 2012-жыл 27-ноябрь күнги ҳүкими менен судланғанлығынан тийисли жуўмақ шығармастан Нөкис қаласында жайласқан «Personal Vega Stroy» ЖШЖ баслығы Нураддин Байкелдиев пенен өз ара жынайый тил бириктирип жәмийет уставында көрсетилген хызмет пенен шуғылланбастан, нызамсыз қаржы операцияларды әмелге асырып келген.

Қ.Ниетов «Personal Vega Stroy» жуўапкершилиги шекленген жәмийетиниң нарәсмий ўәкили сыпатында жасырын рәўиште ислеп, мүлкий мәп көриў мақсетинде  жәмийеттиң есап-бети арқалы 2011-жыл 27-сентябрден 2013-жыл 1-октябрьге шекем нызамсыз рәўиште 8 миллиард 641 миллион 988 мың 190 сум дебитор ҳәм кредитор айланбаларын әмелге асырып саўда қағыйдасын нызамсыз бузған.

Ҳуқық қорғаў уйымлары хызметкерлериниң қырағы көзлеринен ҳеш ким, ҳеш қашан қутылып кете алмаған. Олардың жынайы ислери паш болды.

Жынаят ислери бойынша Нөкис қалалық судында болып өткен ашық суд мәжилисинде айыпкерлердиң нызамсыз ислери қарап шығылды ҳәм оларға Өзбекистан Республикасы Жынаят Кодексиниң тийисли статьялары бойынша жазалар белгиленди.

А.АРЫСЛАНОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF