Еркин Қарақалпақстан Вести Каракалпакстана 01:04:26, 17.10.2018
Хош келипсиз! | RSS
Сайт мазмуны

Кириў усылы

ЕЛИМИЗ  ЭКОНОМИКАСЫН  БЕККЕМЛЕЎ ЖОЛЫНДА

2017-2021-жылларда Өзбекстан Республикасын раўажландырыўдың бес тийкарғы бағдары бойынша Ҳәрекетлер страте­гиясында белгиленген ўазыйпаларды избе-из әмелге асырыў барысында жанылғы-энергетика тараўын модернизациялаў,

энергия ресурсларын жеткерип бериў ҳәм басқа да уйымлардың ҳүжжетлериниң орынлаў механизмлерин жаратыў мақсетинде

Өзбекстан Республикасы Президентиниң 2017-жыл 29-майдағы «Электр энергиясы ҳәм тәбийғый газ жеткерип бериў ҳәм де тутыныў тараўында төлеў тәртибин және де беккемлеў, сондай-ақ, орынлаў исин жүргизиў системасын түп-тийкарынан жетилистириў ис-илажлары ҳаққында»ғы Пәрманы тийкарында Өзбекстан Республикасы Бас прокуратурасы жанында Мәжбүрий орынлаў бюросы шөлкемлестирилип, усы Пәрманның орынланыўы бо­йынша Өзбекстан Республикасы Президентиниң 2017-жыл 30-майдағы «Өзбекстан Республикасы Бас прокуратурасы жанында Мәжбүрий орынлаў бюросы жумысын шөлкемлестириў ҳаққында»ғы қарары қабыл етилген еди.

Мәжбүрий орынлаў бюросының Қарақалпақстан Республикасы басқармасы, оның районлық ҳәм қалалық бөлимлери 2017-жылдың 1-июлинен өз жумысларын баслады.

Бюроның ўазыйпалары сыпатында:

- суд ҳәм басқа да уйымлардың ҳүжжетлериниң сөзсиз орынланыўын тәми­йинлеў, орынлаў ҳүжжетлериниң ҳәм өндирилген қаржылардың исенимли есап-санағын жүргизиў, орынлаў жумысын жүргизиўде өзи боладылық ҳәм исенимсизлик жағдайларының алдын алыў;

- электр, газ жеткерип бериў ҳәм бөлистириў тармақларына нызамсыз жал­ғаныў, талан-таражлық жағдайларын анықлаў, оларды сапластырыў ҳәм алдын алыў, энергия ресурслары ушын төлемлердиң өз ўақтында ҳәм толық өндирилиўин, тутыныўшылардың қарыздарлығын азайтыў, жуўапкершилигин ҳәм ҳуқықый мәдениятын арттырыў илажларын көриў;

- энергия ресурсларын сатыў ҳәм тутыныў есабын жүргизиўде қатнасыў, тутыныўды қадағалаўдың ҳәм есап­қа алыўдың заманагөй автоматластырылған системалары, сондай-ақ, альтернатив энергия дереклериниң енгизилиўи үстинен мониторинг өткериў;

- мәжбүрий орынлаў сис­темасын жетилистириў бағдарында нызамшылық басламалары бойынша усынысларды ислеп шығыў, сондай-ақ, ҳәкимшилик ҳуқықбузарлық ислерин анықлаў, сорастырыў ҳәм оператив излеў жумысларын әмелге асырыў белгиленген.

Мәжбүрий орынлаў бюросы, оның орынлардағы бөлимлери тәрепинен өткен дәўир ишинде қарыздарлықты азайтыў, мәмлекет бюджетине түсимлер түсириў, коммуналлық хызметлер ушын төлемлерди өз ўақтында төлеў бойынша пуқаралар арасында кең түрде үгит-нәсият ҳәм түсиник жумыслары алып барылмақта. Бюромыз хызметкерлери тәрепинен елимиз экономикасын беккемлеў жолындағы бул жумыслар алдағы ўақытлары да турақлы әмелге асырыла береди.

Бахыт  СУЛТАМУРАТОВ,

Мәжбүрий орынлаў бюросы Нөкис қалалық бөлиминиң мәмлекетлик орынлаўшысы.

 

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF