Еркин Қарақалпақстан Вести Каракалпакстана 00:33:36, 17.10.2018
Хош келипсиз! | RSS
Сайт мазмуны

Кириў усылы

МӘЎСИМГЕ  МҮНӘСИП  ТАЯРЛЫҚ  КӨРИЛМЕКТЕ

Өзбекстан Республикасы Президентиниң усы жыл 12-июльдеги «Республика экономика тармақларын ҳәм социаллық тараў объектлерин 2018-2019-жылғы гүзги-қысқы мәўсимге үзликсиз ислеўге комплексли таярлаў ҳаққында»ғы ПП-3849-санлы ҳәм Қарақалпақстан Республикасы Минис­трлер Кеңесиниң усы мазмундағы 13-июль күнги 442-санлы қарарында көрсетилген талаплардың орынланыўын тәмийинлеў мақсетинде  бир қатар жумыслар әмелге асырылмақта.

 — «Қарақалпақстангаз» филиалында газ тармақларын ҳәм газ үскенелерин мәўсимге таярлаўда белгиленген режели жумыслар өз ўақтында, сапалы орынланып, тәбий­ғый газ тутыныўшыларын үзликсиз түрде тәбийғый ҳәм суйы­л­ттырылған газ бенен тәмийинлеў бойынша бир қатар жумыслар әмелге асырылды,-дейди усы филиалдың баслығы Х.Айманов. — «Өзтрансгаз» акционерлик жәмийетиниң усы жыл 20-июль күнги буйрығы тийкарында «Қарақалпақстангаз» филиалының режеси ислеп шығылып, республикамыздағы экономика тармақларын ҳәм социаллық объектлерди 2018-2019-жыл­ғы гүзги-қысқы мәўсимде үзликсиз ислеўге таярлаў бойынша ти­йисли жумыслар әмелге асырылмақта.

Усы күнге шекем республикамыздағы 1,2 километрлик газ тармақларына ири оңлаў, 12,6 километрлик газ тармақларына реконструк­циялаў жумыслары исленди.

4466 газ бөлистириў үскенелери (ГРП) тексериўден өткерилип, 548,3 километрлик газ тармақларын ҳаўа басымы астында сынаў ҳәм тазалаў жумыслары алып барылды. 693,0 километрлик жер асты газ тармақларын арнаўлы үскенелер менен тексериў жумыслары алып барылып, 129,1 километрлик газ тармақларына бояў жумыслары әмелге асырылды.

Өзбекстан Республикасы Президентиниң 2017-жыл 15-16-декабрь күнлери республикамызға сапары даўамында республикамыз халқын суйы­л­ттырылған газ бенен тәми­йинлеўди жақсылаў мақсетинде 2018-жылда 16 мың 400 дана газ баллонларын ажыратыў тапсырмасы берилген еди. Бүгинги күнде соннан 7900 данасы алып келинип жеке хожалықларға шәртнама тийкарында тарқатылмақта. Қалған 8500 дана газ баллонлары «Өзбекнефтьгаз» АЖ тәрепинен тасты­йықланған график тийкарында жыл ақырына шекем алып келинеди.

Сондай-ақ, республикамыз бойынша жеке хожалықларды суйытылған газ бенен үзликсиз түрде тәмийинлеўди жақсылаў мақсетинде «Қарақалпақстангаз» филиалына қараслы газ толтырыў станциясы ҳәм газ толтырыў пунктлериниң күнлик газ толтырыў қуўатлылығын арт­тырыў ушын бүгинги күнде жәми 20 заманагөй электрон тәрезилер (колонкалар) сатып алынды ҳәм олар Нөкис газ толтырыў станциясы, Әмиўдәрья, Беруний газ толтырыў пунктлерине орнатылды.

Ҳәзирги күнде «Қарақалпақстангаз» филиалына қараслы барлық газ участкаларында газ тармақларын ҳәм газ үскенелерин 2018-2019-жылғы гүзги-қысқы мәўсимге таярлаў жумысларын өз ўақтында жуўмақлаў ушын  арнаўлы техникалар ҳәм материаллар менен тәмийинлеў, тутыныўшыларды қәўипсиз және тәбийғый ҳәм суйы­л­т­тырылған газ бенен үзликсиз түрде тәмийинлеў жумыслары даўам етпекте.

Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF