Еркин Қарақалпақстан Вести Каракалпакстана 01:46:37, 17.10.2018
Хош келипсиз! | RSS
Сайт мазмуны

Кириў усылы

ҒАМҚОРЛЫҚТАН РУЎХЛАНЫП...

Ҳәзирги ўақытлары «Абат аўыл» мәмлекетлик бағдарламасы тийкарында республикамызда кең көлемли жумыслар әмелге асырылмақта.

Атап айтқанда, аўыл-аймақларымыздағы көше-қыябанлар асфальтланып, мектеп ҳәм балалар бақшалары, пуқаралардың турақ жайларына ири оңлаў жумыслары жүргрзилип, оларды газ, суў ҳәм электр тәмийнаты менен үзликсиз тәмийинлеў бойынша унамлы ислер алып барылмақта.

Усындай ибратлы көринислерди Тахтакөпир районы «Атакөл» аўыл пуқаралар жыйыны аймағынан да көриўимизге болады. Жы­йын аймағындағы 8-санлы улыўма орта билим бериў мектеби буннан отыз жыл бурын қурылған болып, бүгинги күни имарат әдеўир тозыў жағдайына келип қал­ған еди. Быйылғы жылы мәмлекетлик бағдарлама тийкарында мектептиң оңлаў ислерине 427 миллион сум қаржы ажыратылып, соның нәтийжесинде имарат ишине сыбаў-бояў жумыслары жүргизилип, әйнеклери заманагөй айналарға алмастырып берилди. Бундай ғамқорлықтан руўхланған мектептиң педагогикалық жәмәәти тәлим-тәрбия процесине заманагөй педагогикалық технологияларды енгизген ҳалда оқыўшыларға тыянақлы билим берип келмекте.

Соның менен бирге, усы аймақтағы 3-санлы мектепке шекемги билимлендириў мәкемесине де мәмлекетлик бағдарлама тийкарында 1 млрд. 56 млн. сумлық қаржы ажыратылып, ҳәзирги ўақытлары қолы гүл қурылысшылар тәрепинен ири оңлаў жумыслары жүргизилмекте.

Ә.ОРАЗОВ, 

арнаўлы  хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF