Еркин Қарақалпақстан Вести Каракалпакстана 17:56:33, 18.12.2018
Хош келипсиз! | RSS
Сайт мазмуны

Кириў усылы

ЭНЕРГИЯ РЕСУРСЛАРЫНАН ПАЙДАЛАНЫЎДА ЕСАПЛАҒЫШ ҮСКЕНЕСИНИҢ РОЛИ

Халықты тәбийғый газ, электр энергиясы менен үзликсиз тәмийинлеў, соның менен бирге қарыздарлықты өндириў ҳәм ҳуқықбузарлықларды анықлаў бағдарында мәжбүрий орынлаў бюросы хызметкерлери алдына үлкен ўазыйпа жүкленген. Тәбийғый газди  ҳәм ишимлик суўы ушын суўды есапқа алыў үскенесин шешиў ҳәм тексериў бойынша мәмлекетлик хызметлерин көрсетиўдиң ҳәкимшилик регламенти ислеп шығылды.

Мәмлекетлик хызметлерин белгиленген Мәмлекетлик хызметлер орайлары ямаса Өзбекстан Республикасы «Бирден-бир интерактив мәмлекетлик хызметлер порталы» арқалы көрсетиў барысында:

а) коммунал суў тәмийнаты ҳәм ақаба суўды шығарыў орайластырыл­ған системалардан пайдаланыў саласында суў қубырлары канализация хожалығы шөлкеми үскенелерди шешиў ҳәм орнатыўды әмелге асырады, шешилген үскенелерди тексериўден өткериў ушын «Ўзстандарт» агентлигиниң метрологиялық хызметине береди;  

Өзбекстан Республикасы Бас прокуратурасы жанындағы Мәжбүрий орынлаў бюросының аймақлық бөлимлери (кейинги орынларда Бюро деп аталады) үскенелерди шешиў ҳәм орнатыў барысында қатнасады, пломбалаўды әмелге асырады;

«Ўзстандарт» агентлигиниң метрологиялық хызмети суўды есапқа алыў үскенелерин тексериўден өткериўди әмелге асырады.

Тәбийғый газди есапқа алыў (есаплағыш) үскенесин орнатыў қандай тәртипте әмелге асырылады!

Талапкер мәмлекетлик хызметлерден пайдаланыў ушын мәмлекетлик хызметлери орайларына өзи келип мүрәжат етеди яки мәмлекетлик хызметлерден электрон тәризде пайдаланыў ушын Бирден-бир интерактив мәмлекетлик хызметлер порталынан дизимнен өтеди.

Талапкер өзи келип мүрәжат еткенде мәмлекетлик хызметлери орайы хызметкери талапкер атынан Бирден-бир интерактив мәмлекетлик хызметлер порталы арқалы мүрәжат еткенде еркин рәўиште усы Регламенттиң қосымшасына муўапық үлгидеги анкетаны электрон рәўиште толтырады. Анкетада үскенени шешиў яки орнатыў сәнеси көрсетиледи.

Талапкерден басқа ҳүжжетлерди талап етиў қадаған етиледи.

Анкета толтырылғаннан соң, талапкер мағлыўматлардың туўрылығын тексерип, анкетаны өз электрон санлы қол таңбасы менен тастыйықлайды.

Талапкер Мәмлекетлик хызметлери орайы хызметкери ҳәм Бирден-бир интерактив мәмлекетлик хызметлер порталы тәрепинен мәмлекетлик хызметлеринен пайдаланыў ушын элек­трон санлы қол таңба мәжбүрий тәртипте болыўы шәрт екенлиги ҳаққында алдыннан хабардар етиледи.

Приборларды орнатыў (шешип алыў) ушын қосымша монтаж ислери талап етилмей бийпул әмелге асырылады.

Мәмлекетлик хызметлерин көрсетиў ушын әмелге асырылған төлем суммасының қалған бөлеги төмендеги тәртипте бөлистириледиF

20 проценти Өзбекстан Республикасы Әдиллик министрлиги жанындағы Мәмлекетлик хызметлери агентлигиниң бюджетинен тысқары қорының жеке есап бетине өткериледи;

10 проценти Өзбекстан Республикасы Хабар технологиялары ҳәм коммуникацияларды раўажландырыў министрлигиниң арнаўлы есап бетине өткериледи;

қалған қәрежетлер газ тәмийнаты кәрханасының арнаўлы есап бетине өткериледи.

Приборларды орнатыў (шешиў) талапкер тәрепинен мүрәжат келип түскеннен соң 5 жумыс күни ишинде (талапкердиң усынысы менен мүддет өзгертилгенде, яғный белгиленген күни) әмелге асырылады. Тексериўден өткерилген приборды орнатыў 2 жумыс күни ишинде әмелге асырылады.

 

Әлибек АТАБАЕВ,

Нөкис қалалық мәмлекетлик мәжбүрий орынлаў бюросының  инспекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF