Еркин Қарақалпақстан Вести Каракалпакстана 01:09:41, 20.09.2019
Хош келипсиз! | RSS
Сайт мазмуны

Кириў усылы

ҚАДАFАЛАЎ-КАССА АППАРАТЫН

АЙЛАНЫП ӨТЕМЕН ДЕП...

1975-жылы Қоңырат районында туўылған Акниязов Оңғарбай Ургенчбаевич Мойнақ районы аймағында жайласқан «BRIDGE  INVEST» жуўапкершилиги шекленген жәмийетиниң бас есапшысы лаўазымында ислеп келип, усы жәмийеттиң бас директоры Фу Хуадун менен алдыннан жынайый тил бириктирип, жәмийеттиң бас директоры орынбасары Ван Хун Туға 2013-жылдың 3-октябри күнги 3-санлы жүк хаты бойынша баҳасы 10.080.000 сумлық 168.000 килограмм гешир өнимин, 2013-жылдың 18-сентя­бриндеги 1-санлы жүк хаты бойынша баҳасы 13.400.000 сумлық 130.000 килограмм помидор, 62.000 килограмм баклажан, 26.000 килограмм қабақ, 2013-жылдың 25-сентябри күнги 2-санлы жүк хаты бойынша 26.000.000 сумлық 84.000 килограмм картошка, 22.000 килограмм қабақ, 102.000 килограмм редиска, 102.000 килограмм түрпи, 64.000 килограмм капуста, 2012-жылдың 11-июли күнги 1-санлы жүк хаты бойынша 30.000.000 сумлық 70.000 килограмм картошка, 12.000 килограмм жүзим, 228.750 килограмм помидор, 2013-жылдың 3-октябри күнги 2-санлы жүк хаты бо­йынша 16.000.000 сумлық 27.000 килограмм помидор, 51.000 килограмм баклажан, 70.000 килограмм қабақ, 70.000 килограмм редиска, 70.000 килограмм түрпи өнимлерин сатыў ушын берип жибереди.

 

Солай етип, аўыл хожалығы өнимлерин сатыўдан түскен жәми 85 миллион 400 мың сум нақ пулды қадағалаў-касса машинасынан өткерместен ямаса чек ҳәм оған теңлестирилген квитанциялар берместен банк бөлиминдеги кассаға тапсырып, Өзбекистан Республикасы Министрлер Кабинетиниң 2002-жылдың 5-августындағы «Нақ пул қәрежетлериниң банктен тысқары айланысын және де қысқартыў ис-илажлары ҳаққында»ғы 280-санлы ҳәм 2011-жылдың 17-ноябриндеги «Фискал ядлы қадағалаў-касса машиналарының қолланылыўын және де жетилистириўдиң қосымша ис-илажлары ҳаққында»ғы 306-санлы қарарлары талапларын бузып, товарлар саўдасы ҳәм хызмет көрсетиў тәртиплерин қопал рәәиште бузған. Яғный, ол өзиниң жоқарыдағы жынайый ҳәрекетлери менен Өзбекистан Республикасы Жынаят Кодексиниң 189-статьясы 3-бөлиминде нәзерде тутылған жынаятты иске асырған.

Усылайынша қолы менен ислеген қылмысын желкеси менен көтериўине туўра келген О.Акниязов әдил нызам алдында жуўап берди.

О.ЖУМАБАЕВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF