Еркин Қарақалпақстан Вести Каракалпакстана 16:49:12, 18.12.2018
Хош келипсиз! | RSS
Сайт мазмуны

Кириў усылы

ҒХҚ ҲӘМ СУД-ҲУҚЫҚ УЙЫМЛАРЫ

Жақында пайтахтымызда Өзбекстан Республикасы Әдиллик министрлиги, Судьялар Жоқарғы кеңеси ҳәм «Демократия ҳәм инсан ҳуқықлары» институты менен биргеликте «Өзбекстанда суд-ҳуқық уйымлары жумысларын ҳәм пуқаралардың ҳуқықый реформаларға байланыслы хабардарлығын арттырыўда ғалаба хабар қуралларының роли» атамасында семинар-тренинг шөлкем­лестирилди.

Мәмлекетимизде 2017-2021-жылларда Өзбекс­тан Республикасын раўажландырыўдың бес тийкарғы бағдары бойынша Ҳәрекетлер стратегия­сына муўапық, мәмлекетлик ҳәм жәмийетлик қурылысты жети­лис­тириў, нызам үстинлигин тәмийинлеў және пуқаралардың ҳуқықлары менен еркинликлерин қорғаўдың кепилликлерин күшейтиў, экономика тармақларын ҳәм социаллық тараўды раўажландырыў ҳәм либералластырыў, қәўипсизликти, миллет­лераралық татыўлықты ҳәм диний кеңпейилликти тәми­йинлеў, терең ойланған, өз-ара пайдалы ҳәм әмелий руўхтағы сыртқы сия­сат жүргизиў мәмлекет ҳәм жәмийетти модернизациялаўдың әҳмийетли мақсетлери етип белгиленди.

Сондай-ақ, соңғы жыллары Өзбекстанда суд ҳәкимиятын беккемлеў, суд ғәрезсизлигин тәмийинлеў, оны қуўдалаў органы ямаса жазалаў аппаратынан мәмлекеттиң ҳақыйқый ғәрезсиз, инсанлардың ҳуқық ҳәм еркинликлерин исенимли қорғаў институтына айландырыўға қаратылған бир қатар ҳуқықый илажлар комплекси әмелге асырылды.

Илажда «Демократия ҳәм инсан ҳуқықлары» институты директоры, Өзбекстан Республикасы Президенти жанындағы Мәсләҳәт кеңеси ағзасы, юридика илимлериниң кандидаты С.Ходжаева, Қарақапақстан Республикасы Әдиллик министри Ж.Садыков, Өзбекстан Журналистлери дөретиўшилик аўқамы Қарақалпақстан бөлими баслығының орынбасары А.Ембергеновлар шығып сөйлеп, мәмлекетимиздеги суд-ҳуқық реформаларының мазмуны ҳәм әмелий нәтийжелери, әсиресе, Қарақалпақстан Республикасындағы суд уйымларының ғалаба хабар қураллары менен бирге алып барып атырған жумыслары жөнинде атап өтти.

Және де, семинарда Өзбекстан Миллий университети журналистика факультети профессоры, филология илимлериниң докторы Ё.Маматова ҳәм Қарақалпақстан Республикасы Жынаят ислери бойынша судынан, республика Әдиллик министрлигинен қәнигелер өз баянатлары менен қатнасты.

— Илажда пуқаралық жәмийетин раўажландырыў, инсан ҳуқық ҳәм еркинликлерин қорғаў, пуқаралардың суд-ҳуқық уйымлары менен ашық, туўрыдан-туўры байланысларын күшейтиў, миллетлераралық татыўлықты беккемлеўде ҳәм басқа да мәселелердиң ғалаба хабар қуралларында сәўлелениўи ҳәм оның роли биз қатнасыўшыларға интерактив усыллар жәрдеминде толық мағлыўматлар берди, - дейди «Устаз жолы» газетасының жуўаплы хаткери Қ.Қутлымуратов.

Семинарға Қарақалпақстан Республикасы Әдиллик минис­трлиги ҳәм оның қала, районлық бөлимлериниң басшылары, «Демократия ҳәм инсан ҳуқықлары» институты аймақлық бөлими басшылары, ҳуқық қорғаў  уйымлары ҳәм ғалаба хабар қураллары ўәкиллери қатнасты.

Илаж соңында кең жәми­йетшиликти елимизде болып атырған жаңаланыўлар ҳәм нызамшылығымыздағы өзгерислерди, пуқаралардың өз ҳуқық ҳәм еркинликлерин аңлап жетиўинде ғалаба хабар қуралларының тәсиршеңлигин, журналистлердиң «Ҳуқықый журналистика» бойынша билим ҳәм көнликпелерин арттырыўға байланыслы пикир ҳәм усыныслар берилди.

Р.АРЗИЕВ, 

арнаўлы хабаршымыз.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF